Урок матэматыкі на тэму “Сэнс дзеяння складання”

Дзяржаўная установа адукацыі

"Краснабярэжская базавая школа Лельчыцкага раёна"

Урок па матэматыцы ў 4 класе

па тэме:

"Сэнс дзеяння складання"

Настаўнік пачатковых класаў

Сечка Андрэй Пятровіч

2015 г.

Тэма: Сэнс дзеяння складання

Мэты: абагульненне ведаў аб дзеянні складання і яго уласцівасцях;

складанне і рашэнне простых задач розных відаў на складанне;

развіваць у дзяцей матэматычныя здольнасці, мысленне;

выхоўваць увагу і акуратнасць.

Абсталяванне: плакат з выявай замка з варотамі, карта з маршрутам падарожжа, карткі з прыкладамі, каляровыя лісточкі.

Ход урока

Настаўнік звяртаецца да вучняў:

Сёння, дзеці, у нас незвычайны урок. Мы адправімся у маленькае падарожжа па каралеўстве "Матэматычныя забавы".

Матэматыка вельмі патрэбна чалавеку. Ці ўзводзіць ён высокі дом, ці будуе машыну - яму не абыйсціся без матэматычных ведаў.

Зараз мы паспрабуем пранікнуць у загадкавы свет займальных заданняў і вызначым, на што мы здольныя.

Сёння на ўроку мы з вамі абагульнім веды аб дзеянні складання і яго ўласцівасцях, будзем рашаць простыя задачы.

Наша падарожжа пачынаецца…(На дошцы вісіць плакат з выявай замка з варотамі)

Настаўнік тлумачыць:

Вароты ў каралеўства пакуль зачынены. Для таго каб трапіць у замак, нам трэба адчыніць вароты.

(Вешаю гульню "Маўчанка")

Мы пагуляем з вамі ў гульню "Маўчанка", я буду паказваць вам на лік - які патрэбна падзяліць на 9, а вы паднімайце рукі і гаварыце толькі адказ.

Малайцы ! Заданне выканана - вароты ў каралеўства адчыняюцца, мы прадаўжаем падарожжа.

(На дошцы вывешваецца карта з маршрутам падарожжа)

Настаўнік паведамляе:

Перад намі - карта каралеўства "Матэматычныя забавы" з указаннем маршруту. Зорачкамі на ей пазначаны станцыі, дзе мы будзем рабіць прыпынкі. Але станцыі трэба не проста прайсці, а пераадолець, бо жыхары падрыхтавалі нам заданні.

Першая станцыя "Сустрэчная"

Давайце з вамі ўспомнім як называюцца лікі пры складанні?

Як знайсці невядомае складаемае? і г.д.

Адкрыйце, калі ласка, падручнік на ст.88 і яшчэ раз вочкамі прагляньце гэта правіла.

На гэтай станцыі нам патрэбна выканаць заданне першае.

Хто мне можа адказаць, які з варыянтаў дадзены ў гэтым заданні можна назваць сумай?

Наступная станцыя "Павучальная"

На гэтай станцыі жывуць вельмі добрыя і мудрыя людзі, якія нам прапануюць выканаць другое заданне. Нам патрэбна выбраць задачы якія рашаюцца дзеяннем складання. (Дзеці чытаюць па адной задачы)

Трэцяя станцыя "Задачная"

Жыхары гэтай станцыі вельмі любяць рашаць задачы. Яны нам прапануюць рашыць задачу пад №6.

(А вось я вам падрыхтаваў схему да гэтай задачы. Давайце яшчэ раз скажам што абазначае лік 600, 120, 60……?)

Наступная станцыя "Фізкультхвілінка"

(Хто дзеці з вас жадае правесці сваю любімую фізкультхвілінку…)

Вось мы з вамі адпачылі і апынуліся на станцыі "Загадкавая"

Жыхары гэтай станцыі захапляюцца загадкамі, і яны нам падрыхтавалі загадку, але каб яе адгадаць, нам трэба рашыць прыклады №7 (Адзін прыклад з карткі)

Праўда, дзеці, я цудоўны ?

На вялікі мех падобны.

Па марах, у сініх водах,

Даганяю параходы… (Дэльфін)

Калі ласка, хто пойдзе да дошкі і рэшыць першы прыклад.

(Дзеці выходзяць па чарзе рашаць прыклады…)

Вось мы адгадалі загадку - гэта будзе дэльфін.

Працягваем наша падарожжа і нас сустракае станцыя "Кемлівая"

Нам патрэбна вусна выканаць заданне №4.

На станцыі кемлівая мы хутка справіліся з заданнем і адпраўляемся на станцыю "Вылічальная". Яна нам прапануе выканаць заданне №3

(Рашаем па варыянтам)

Хто жадае з першага варыянта, а хто з другога.

Хутка бяжыць час, вось і скончылася наша падарожжа. Усе заданні якія мы сустрэлі ў падарожжы вы выканалі правільна. Я вельмі вамі задаволены і за ўрок я вам стаўлю такія адзнакі….

А зараз з вамі запішам дамашняе заданне №8-9, ст.89

У нумары 9 вам трэба рашыць выразы, я думаю ў вас цяжкасцей тут не будзе. Самастойна прачытайце задачу №8, хто з вас не разумее як рашыць гэту задачу? (Як нам даведацца пра скорасць? Трэба адлегласць падзяліць на час, потым калі мы знойдзем скорасць - мы зможам знайсці адлегласць, трэба скорасць памножыць на час)

А зараз дзеці, калі вам спадабаўся ўрок і ў вас не было цяжкасцей, вы на галінку нашага дрэва павесце лісточак жоўтага колеру, калі не зусім спадабаўся і ў вас былі цяжкасці - чырвоны лісточак, а калі вам было цяжка выконваць усе заданні, павесце лісточак зялёнага колеру.

Вялікі дзякуй за урок!

Д

Э

150

140

Л

Ь

165

250

ф

І

180

200

Н

80