Конспект урока на тему Аялган [а], [аа], [ай] абяанууд ба тэдэниие тэмдэглэhэн үзэгүүд

Сентябриин 15

Хэшээлэй темэ: Аялган [а], [аа], [ай] абяанууд ба

тэдэниие тэмдэглэhэн үзэгүүд

Зорилго: Түрүүшын аялган [а] абяан ба А, а үзэгүүдтэй, удаан [аа] абяан ба Аа, аа үзэгүүдтэй, [ай] абяан ба Ай, ай үзэгүүдтэй танилсуулха, хэлэлгэ хүгжөөхэ, эдэ абяануудые зүбөөр үгүүлжэ, бэшүүлжэ hургаха.

Хэрэгсэлнүүд: предметнэ зурагууд.

Хэшээлэй ябаса:

1. Эмхидхэлэй үе

Хүүгэд, хүүгэд, хүүгэд,

Хонхо хаанаш зэдэлнэ.

Хүхюун, согтой үхибүүд

Хэшээлдээ булта гэшхэлнэ.

2. Хэлэлгэ hорилго

Арбаад гаран

Арбагар хасуури

Арадаа үргэлжэ

Асарааб тандаа.

3. Хэшээлэй темэ болон зорилгонуудтай танилсалга

Тус темын эхиндэ үгтэhэн номой нюурта «Алха» гэhэн зураг хараад, энэ үгые үгүүлхэ, схемэ дээрэ шэнжэлгэ хэхэ. Энэ үгэ хэды үетэйб, үгын эхиндэ ямар абяан дуулданаб, үгын hүүлдэ ямар абяан дуулданаб?

Түрүүшын абяа үгүүлхэ. [А] абяагаар эхилhэн үгэнүүдые hанагты. Жэшээнь: аха, аба, аяга, арбан, альган, алтан, алгана, ангир.

hүүлдэнь а үзэгтэй танилсуулха. А - ехэ үзэг, а - бага үзэг. Ехэ А үзэгөөр хүнэй нэрэ бэшэгдэдэг, мэдүүлэлэй түрүүшын үгэ ехэ үзэгөөр бэшэгдэдэг, бага а үзэгөөр - юрын үгэнүүд.

4. Бэеэ hорилго (дуун-наадан)

Альган дээрэм лаадуухай,

Алтан дали шубуухай,

Жэргыш, жэргыш, шубуухай,

Зэргэ дэбhыш, лаадуухай.

Лаадуу, лаадуу, лаадуухай,

Лаадуу, алтан шубуухай,

Альгаа ташыш, лаадуухай,

Альган соомни шубуухай.

(Дуу дуулажа байгаад хатарха, альгаа ташаха.)

5. Бэхижүүлгын хүдэлмэри

Yзэглэлэй сюжетнэ зурагаар уhанай шубууд тухай хөөрэлдөө үнгэргэхэ. Мэдүүлэлнүүдые зохёоно. Хэды үгэтэй мэдүүлэл бэ? г.м. асуудалнуудта хүүгэд харюусажа hураха болоно.

Мүн тиихэдэ ном соо үгтэhэн схемэнүүдээр ажаллана.

Оньhон үгэ хэрэглэжэ болоно: «А» үзэг - эрдэмэй дээжэ, аяга сай - эдеэнэй дээжэ. Гол удхыень элирүүлэн үгэхэ, оньhон үгэнүүдээр аман хэлэлгэ баяжуулха.

Таабари таажа болоно.

6. Бэшэлгэ: А, а үзэгүүдые самбарта бэшэжэ харуулха.

7. Хэшээлдээ хэhэн ажалай сэгнэлтэ

Ямар ажал hонирхолтой байгааб?

Ямар даабаринуудые дуратайгаар дүүргээбши?

Өөрыгөө шалга.

Өөрөө хэхэ ажал: А үзэгтэй үгэнүүдые hанаад ерэхэ.