Тақырыбы: ХХІ ғасыр көшбасшысы

Раздел Начальные классы
Класс 4 класс
Тип Конспекты
Автор
Дата
Формат doc
Изображения Нет
For-Teacher.ru - все для учителя
Поделитесь с коллегами:

Тақырыбы: ХХІ ғасыр көшбасшысы.

Мақсаты: Оқушылардың математикалық білім қабілетін тексеру, сыныптың көшбасшысын анықтау.

Көрнекілігі: Қызыл түсті дөңгелектер, нақыл сөздер, жұмбақтар, математикалық жұмбақтар, ребустар, кеспе сандар, есептер жазылған плакат.

Сабақ барысы:

І. Ұйымдастыру кезеңі.

Мұғалім. Уа, халайық, халайық!

Бәріне жар салайық,

Бүгінгі кеш төрінде,

Математика елінде,

Есеп шешіп жарысып,

Жұмбақ шешіп андысып,

Шабыт тасып, шалқысып,

Көңілді кеш жасайық,

Жұмбақ шеру шашайық,

Мұнда қызық табылар,

Жұмбақ, есеп бәрі бар,

Ал, сайыскер балалар,

Білімдерінді сынайық.

ХХІ ғасырдың Көшбасшысын табайық.

Құрметті ұстаздар, ата-аналар, оқушылар, сіздерді 3-сынып оқушыларының арасында өтетін «ХХІ ғасыр көшбасшысы» атты сайыс сағатын көруге шақырамыз (әділ қазылар алқасын сайлау.)

Біреуінің жүрегінің түгі бар,

Біреуінің арқалап жүрген қоғамдық жүгі бар,

Бәріненде ең бастысы - барлығының,

Қатты істейтін миы бар! -дей келе, енді осы сайыскерімізді таныстырып өтейін (алдын ала берілген номерлері бойынша сайыскерлерді таныстыру)

Сайыскерлерге тілек.

Ғылымның сырын ұғына,

Шығыңдар білім шыңына!

Ұқыптылық пен зеректік,

Жеткізер сіздей өренді

Математика сырына!

Қадамдарың оң болсын,

Сәт-сапар тілейік!

Ойынымыз ІХ турдан тұрады. Әрбір дұрыс жауап үшін қатысушыларға 5 ұпайдан береді.

ІІ турдан кейін ұпайы төмен оқушылар шығып отырады. (Ең соңында бір оқушы, яғни көшбасшы қалу керек.)

І тур. Бәйге: ауызша сұрақтарға жауап беріледі.

ІІ тур. Көкпар: ауызша есептер шығарылады.

ІІІ тур. Полиглот: құрамында сан есімі бар сөздерден жұмбақ шешу

(шешуі қазақ және орыс тілдерінде айтылады.)

ІV тур. Мың бір мақал.

V тур. Білімпаз: плакаттағы тапсырмалар.

VІ тур. Тірі сұрақтар: математикалық сұрақтар.

VІІ тур. Тамаша бестік, бес пәннен сұрақ.

VІІІ тур. Жеңімпаз: логикалық сұрақ.

ІХ тур. Көшбасшы жеке сұрақ.

Сайыскерлеріміз дайын болса, сайысымызды бастайық.

ІІ. Негізгі бөлім.

І тур. Бәйге. Сұрақ жауап.

1. 1 м-де неше см бар?

2. 1 м-де неше мм бар?

3. 1 кг-да неше г бар?

4. 1 а неше м2?

5. 82, нешеге тең?

6. Әріпті өрнек дегеніміз не?

7. Сәуле дегеніміз не?

8. Алманың жартысы неге ұқсас?

9. 1 кг мақта ауыр ма, 1 кг темір ауыр ма?

10. Үшбұрыштың периметрін қалай табамыз?

11. 64 қай санның квадраты?

12. 1 ц-де неше кг бар?

13. Кез-келген санды 0-ге көбейтсек не шығады?

14. 8:0 неге тең?

15. Қашықтықты қалай табамыз?

ІІ тур. Көкпар.

1. Ұзындығы 9 см, ені 7 см тіктөртбұрыштың ауданы неге тең?

2. Шаршының 1 қабырғасының ұзындығы 8 см, ауданы нешеге тең?

3. Тіктөртбұрыштың ұзындығы 11 см, ені 8 см. Периметрін тап.

4. Тіктөртбұрыштың ауданы 16 см2, ені 2 см. Ұзындығы неше?

5. Бірдей 9 ыдыста 45 кг бал бар. Осындай 12 ыдыста неше кг бал?

6. Әлібек 1 айда 7 қызықты ертегі оқыды. Осы қарқынмен 1 жылда неше кітап оқиды?

7. 100 саны шығу үшін 555-ке қандай санды қосу керек?

8. 10 он арттырып, оған 99-ды қос?

9. Ең үлкен төрт таңбалы санға 1-ді қоссаң неше шығады?

10. 2700:х=9. Х нешеге тең?

ІІІ тур. Полиглот.

1. Жүз мүйізі бар.

Үстінде киізі бар. (қазақ үй-юрта.)

2. Қос құлақты, жүз түсті.

Жүзінен бір ақ түсті. (Ара-пила)

3. 1 санға өседі,

Өзі қалып орнында,

Бізді алға көшірді. (Сынып - класс)

4. Сақталады 6 -ай жаз,

Сандығымды сары аяз. (Тоңазытқыш - холодильник)

5. Қалқиып екі құлағы,

Елендеп қорқып тұрады. (Қоян - заяц)

6. 2 аяқпен кезек-кезек тебеді.

Ол тынымсыз домалап,

Зыр жүгіре береді. (Доп - мячик)

7. Ағайынды 5 туыс,

Жамылатын тоны бар,

Бесеуінде бір қуыс,

Сырттан кірер жолы бар. (Қолғап - перчатки)

8. Кіп-кішкентай екі көзі,

Қалай көреді өзі?

Қолы екен ұзын мұрны,

Сол мұрнымен,

Тамақ тауып жүреді. (Піл - слон)

9. Бір қораға қамалғандар,

Жаны үшін жаралғандар. (сірінке - спички)

10. Болсада көкте мекені,

Кездеспей екеуі. (Ай мен күн - луна и солнце)

ІV тур. Мың бір мақал.

Оқушылар өздері дайындап келген мақалдарын айтады, мақал - мәтел аз айтқан оқушылар ойыннан шығады.

V тур. Білімпаз. Плакаттағы тапсырмаларды орында. (жазбаша)

  1. Есепті шығар.

Ара қашықтығы 48 км екі ауылдан бір мезгілде бір-біріне қарама-қарсы велосипедші мен жаяу адам шықты да, олар екі сағаттан кейін кездесті. Велосипедшінің жылдамдығы 20 км/сағ. Жаяу адамның жылдамдығы қанша?

  1. Салыстыр: 4123 • 2 * 7 • 480;

1878+972 • 5 * 31500 • 9;

  1. Теңдеуді шешу: а • 4 = 36032 (жанкүйерлерге сұрақтар қою)

VІ тур. Тірі сұрақ.

1. Есдаулетов Қанат бүгін,

Атап өтпек туған күнін

Тойласуға Талғат келді.
Марат, Манат, Манап келді.

Сағат келмей, Самат келді,

Бірақ Самат қайтып кетті,

Жай жапсарын айтып кетті.

Одан кейін Талап келді.

Одан кейін Орақ келді.

Бәрі қанша қонақ келді.

VІІ тур. Тамаша бестік.

Оқушылар тақтадағы бірден беске дейінгі сандардың біреуін таңдайды.

1. Ана тілі. «Дина» мәтінің авторы кім? Қашан қай жерде туылған?

2. Дүниетану. ҚР жері неше шаршы км?

3. Қазақ тілі. Сөйлемнің бірыңғай мүшелері дегеніміз не?

4. Технология. Киіз үйдің керегесін құрайтын ағаш қалай аталады?

5. Бейнелеу. Композиция дегеніміз не?

VІІІ тур. Жеңімпаз. Логикалық сұрақ.

  • Ата, жасын нешеде? -деп сұрағанда Қожекең:

  • Ең үлкен төрт таңбалыи санды шегерсек, менің өтірік жасым шығады. Оны халық біледі, -депті.

Қожанасырдың өтірік жасы нешеде?

ІХ тур. Көшбасшысы.

  • Математика пәнінің өмірде пайдасы қандай? Сен математика пәнін не үшін ұнатасын?

ІІІ. Қорытынды бөлім. Қонақтарға сөз беру.

Музыкалық концерт.

Қолаң шашты арулар.


© 2010-2022