«Армысың әз Наурыз!» «Балауса» естияр тобы

Раздел Начальные классы
Класс -
Тип Конспекты
Автор
Дата
Формат doc
Изображения Нет
For-Teacher.ru - все для учителя
Поделитесь с коллегами:

КМҚК «Дәншік» балабақшасы













«Армысың әз Наурыз!»

«Балауса» естияр тобы



Тәрбиешілер:

Есимханова А.Ш.

Нухаева Б.Б.

Ән- күй жетекшісі:

Айтмуханбетова Шашугүл

Самар ауылы, 2015ж



Армысың әз Наурыз!


Жүргізуші:
Армысыздар, құрметті ата - аналар және қонақтар! Бәріміздің асыға күткен Наурыз тойымыз келіп жетті. Тойларыңыз құтты болсын!
Наурыз - «наурыз» сөзі жаңа күн деген мағынаны білдіреді. Бұл күн - біздің ата - бабаларымыз, арғы тегіміз мыңдаған жылдардан бері тойлап келе жатқан жыл басы мерекесі. Наурыз тойымыз құтты болсын! Ұлыстың ұлы күні Наурызда денсаулықтарыңыз мықты болсын, тілектеріңіз қабыл болсын!

Бүгінгі ұлыстың ұлы күні наурыз мейрамына арналған «Армысың- әз Наурыз» атты ертеңгілігімізге қош келдіңіздер.

Жүргізуші: Алғашқы құттықтау сөзді ұрпақты тәрбиелеп жатқан білім ұясының

білікті басшысы Шаймарданова Гулнар Қасымжомартқызына беріледі.

Айжан:

Уа, ағайын, халайық!
Мұнда назар салайық
Мерекесі халықтың
Наурыз тойын тойлайық!

Жүргізуші:

Ал, қәнекей ағайын,
Асқақ әнге салайық,
Басы болсын бұл тойдың,
Шырқап әнге салайық.
Ән: Наурыз
Музыка әуенімен Ұлжан әже кіреді: Наурыз тойы құтты болсын! Менің немерелерімнің бәрі осында екен ғой.

Жүргізуші: Сәлеметсіз бе, әже, мереке күні келгеніңіз жақсы болды, немерелеріңіздің өнерін тамашалаңыз.

Жүргізуші: Қазақ халқының өзіне тән салт-дәстүрлері бар. Атап айтсақ олар: шілдехана, бесікке салу, тұсау кесер, сүндет той.
Біз қазақ халқы әулет дәстүрін қастерлеп, дәстүрлік мұраларды насихаттап жүрген халықпыз.

Дәстүрдің озығы бар, жазығы бар,
Өткеннен бізге жеткен асылы бар.
Сәбидің кейбір кезін қызықтайтын,
Қазақта «Тұсаукесер» рәсімі бар.

Тұсау кесу дегеніміз 1 жасқа толып, еркін жүре бастаған балбөбектің басқан

қадамы құтты болып, одан әрі жаны жамандық көрмей, жүріп кетуіне тілек

білдіретін салт. Ендеше қазақ халқының осы рәсімінен бір үзіндісін көрсетейік.

(ортаға әже шығып тұсау кесер рәсімін көрсетеді, шашу шашылады).

Жүргізуші: «Қырандай самғап ұл өссін, қызғалдақтай құлпырып, қыздарымыз жайнасын» деген тілекпен балалардың биін тамашалайық.

Айгөлек биі

Әже: Қандай жақсы би. Енді мен сендермен ойын ойнағым келіп тұр.
Ойын «Жіп орау»

Жүргізуші:

Шалқытып мерекеде ән салайық,

Иесіне ән бидің тамсанайық

Аңыз бен ертегіні ала келген

Құрметті қонақты қарсы алайық.

Алдар көсе кіреді, балалар қол соғып қарсы алады.

Алдар көсе:

Мен - Алдармын, Алдармын

Балалармен ойнаймын

Ренжітер сәбилерді

Тентектерден қорғаймын

Құтты болсны Наурызым

А-а-а-а-а-а-а

Жүргізуші:

Сәлеметсіз бе, Алдар ата! Сіздің келгеніңізге балалар қуанып қалды. Тойымыздың

сәні болыңыз.

Алдар көсе: Ассаламалейкум балалар, мен сендерге арнап көп асық алып келдім.

Олар өте әдемі, сиқырлы сендермен «асық ату» ойынын ойнаймыз.

Ойын «асық ату»

Жүргізуші:

Наурыз келсе, құт келгені, халайық!
Есік ашып, ел боп қарсы алайық - дей келе келесі сөз кезегін балаларға берейік.
(Тақпақтар айту)

Алтынай:

Жыл басы - Наурыз мереке,

Ақ нұрға әлем боянды.

Наурыз тойы береке

Тіршілік жаңа оянды!

Мейіржан:

Наурыз келдi елiме,

Наурыз келдi жерiме.

Байлық, бақыт тiлеймiн,

Бүкiл қазақ елiне.

Шыңғыс:

Келді, келді Наурыз айы,
Ән салайық бәріміз.
Келді, келді Наурыз айы,
Би билейік бәріміз!

Дияр:

Той думанға келіңіз,

Тамашалап көріңіз,

Ән айтайық бәріміз,

Қол соғайық бәріміз!

Марал:

Жылдың басы Наурыз,

Жердің басы Наурыз.

Мерекеге арналсын

Бүгінгі жыр- әніміз.

Жан:

Наурыз келді алақай,

Кел билейік балақай,

Бізде қарап тұрмайық,

Тойға шашу шашайық!

Асылжан:

Наурыз тойы - тамаша,

Наурыз тойы - жаңаша.

Табиғат та тамаша,

Тамылжып тұр жараса.

Срым:

Көктем келді, балақай,

Жасарды жер, алақай.

Наурыз тойын тойлайық,

Әсем әнге салайық.

Мадина:

Наурыз тойым, Наурыз тойым.

Құтты болсың халайық!

Қане, достар, қане, достар,

Шырқап әнге салайық.

Санжар:

Наурыз - бұл мереке

Құтты болсын береке

Қыдыр ата келсін

Жақсы тілек әкелсін.

Қыдыр ата кіреді:

Жүргізуші: Балалар мерекенің басты қонағы Қыдыр ата да келіп қалды.

Қыдыр ата:

Армысыңдар, балалар,

Армысыңдар, халайық!

Шегі жоқ бұл даңқымыз,

Бақыты үшін халқымның,

Ақ пейілмен дос болам.

Жамандарды қостанам.

Құтты болсын жаңа жыл,

Құтты болсын Наурызым!

Жүргізуші:

Көктем тойы әніміз

Көркем өнер сәніміз

Өлең жырмен той сәнін

Өрнектейміз бәріміз

Ән: Кел, билейік

Жүргізуші:

Ақыл - білім жастарда,
Сөз беремін жастарға.
Бишілерде өнер көп,
Билейді биді мәнерлеп.
Би: «Қазақ биі»
Жүргізуші:

Кел, балалар, келіңдер
Тамашаны көріңдер
Бізде қызық ойын бар,
Барлығың ден қойыңдар
Наурызды тойлайық,
Қызық ойын ойнайық.
Ойын «Қыз қуу»

Жүргізуші:

Балалардың орындауында ән: «Наурыз»

Алдар көсе: Ал, Қыдыр ата

-Батамен ел көгерер

Жаңбырмен жер көгегер - деген ақ бата беріңіз.

Қыдыр ата:

Наурыз құтты болсын!
Дендеріміз сау, мықты болсын.
Наурыз тойы келе берсін!
Барлық халық бақытты болсын,

Еліміздің несібесі көп болсын.Әумин!

Жүргізуші: Қ ұрметті қонақтар, тағы бір мәрте жыл басымыз - Наурыз мейрамы

құтты болсын.
Көптен күткен Наурыз тойы арайлы,
Толтырып нұрға жатыр міне маңайды.
Төрт түлік бал татыған уызы,
Қуат болып қанымызға тарайды - дей келе бүгінгі ертеңгілігімізді осымен аяқтаймыз.


© 2010-2022