Жаңа жыл мерекесі сценарий

Жаңа жыл мерекесі

Жүргізуші: Сәлеметсіздер ме, Құрметті ұстаздар, оқушылар, ата-аналар! Біз сіздерді Жаңа 2016 мешін жылымен құттықтаймыз. Сіздерге жаңа жылда, жаңа табыс, бақыт тілейміз.Балалар енді Жаңа жыл мейрамын бастайық.

Уа, халайық жараңдар,
Айналаға қараңдар!
Жаңа жылдық бұл тойын,
Салтанатқа санаңдар
Қызық көріп, шат болып,
Шаттық күліп тараңдар,
Уа, халайық құрметті,
Көмейіме жыр кеп тұр
Жаңа жылды қарсы алып,
Өткізейік дүрмекті
Уа, халайық той бүгін
Бақыт, шаттық мол бүгін
Қарсы алайық Мешін жылды
Ұзатып сап Қой жылын. Балаларды ортаға шақырайық.

Сәлеметсіздер ме, балалар. Сендер бүгін сәнді киініп, әдемі болып кетіпсіңдер. Ал бүгін қандай мереке,балалар?

Балалар: Жаңа жыл

Жүргізуші:Шыршамыз қандай әдемі. Ойыншықтар неткен көп. Шыршаның қасында бір нәресе тұр ғой. Не екенін көрейік, қәне. Бұл не екен?

Қорапты ашып қарайды.

Қораптан клоун шығады.

Клоун: амансыңдар ма , балалар. Ия, бұл менмін. Мені ораудан алып шыққандарың қандай жақсы болды. Ол жер өте тар екен. Қап-қараңғы. Ал мында сондай тамаша екен. Менде сендермен жаңа жылды қарсы алайыншы.

Жүргізуші: Балалар, бүгін біз жаңа жылды қарсы алуға жиналдық. Келіңдер, «Жасыл шырша» әнін шырқайық.

Хор «Жасыл шырша».

Жасыл шырша жайнаған

Жарқыраған күнменен

Қандай қызық айнала

Құлпырғандай нұрменен

Қайырмасы:

Әрқайсымыз жаңа жылмыз

Әрқайсымыз ғасырмыз

Өмір таңын жарқыратқан

Бізде сендей жасылмыз

2. Той-думан тойлаған

Пәк жандармыз мәңгі біз

Жүректе от лаулаған

Бізде сендей жасылмыз

Жүргізуші: Балалар , бізде шыршамыз бар әдемі, әдемі киінген балаларымыз бар. Енді мерекемізге кім жетіспейді?

Балалар: Ақшақар мен Аяз ата.

Балалар Аяз ата мен Ақшақарды шақырады.

Аяз ата:

Сәлеметсіңдер ме, балалар! Мен алыстан сендермен бірге жаңа жылды тойлауға асығып келдім. Қанекей, қандай өнерлерің бар? Мен отырып, шаршағанымды бір басайын.

Ақшақар: Амансыздар ма,балалар, ұстаздар, ата-аналар! Өздеріңді сағынып келдік. Жаңа жылдарың құтты болсын.Мешін жылы табыс жылы, береке, бірлік әкелсін.Тарихи жыл болсын.

Жүргізуші: Ата, сіз отырып, тынығыңыз. Ал, біздер Ақшақармен бірге «Ақшақар» биін билейік.

«Ақшақар» биі

Жүргізуші: Құрметті достар!Бізге жақсылықтарымен толы болған.Қой жылын шығарып салайық.
Қой: Қуанышты ортамыз сазға ұласқан
Тілегім болсын мәңгі ашық аспан
2016 жылы қадам басқан
Гүлденіп көркейе бер, Қазақстан.!
Келесі жыл бастауын Мешінге беремін.(Сахнаға Мешін шығады.)

Жүргізуші: Ар бол, Жаңа жыл!
Бар бол, Жаңа жыл.
Қадамың құтты болсын, Жаңа жыл.
Бейбітшілік жылы бол, Жаңа жыл.
Құт-береке жылы бол, Жаңа жыл.
Мешін: Сәлеметсіздер ме? Кешіккен жоқпын ба? Мен сондай асықтым, сондай жүгірдім.Кешігем деп қатты қорықтым.Менің ең жақсы қасиетім - шапшаңдығым.

Жүргізуші: Енді кезекті балалардың жаңа жыл туралы тақпақтарына берейік.

Оқушылар тақпақ оқиды.

Жүргізуші; Бізде әнші де, биші де бар мың бұралған. Ортаға биші ұл-қыздарымзды шақырайық.

Вальс

Жүргізуші: жаңа жыл мерексімен құттықтауға асығып тұрған Бекзат пен Жанеркенің әнін тыңдайық.

«Жаңа жыл» әні

Аяз ата: - Ал, айналайын Жаңа жыл, келген қадамыңа нұр бітсін! Мынау менің ұлдарым мен қыздарым, мынау халайық бір өзіңе аманат.Он екі ай бойы
бағып-қақ.Жақсы жыл бол, дария нұр бол, Жаңа жыл!
- Ал енді Ақшақар біз кетпестен бұрын бүлдіршіндеріміз бізге тағы не әзірледі екен соны көрейік.
(Хормен шыршаны айнала « Тамашары » әні орындалады )
- Жаңа жылдарыңмен достар! Шанамызға мінейік Ақшақар.Алда барар ауыл бар, Жыл қуантсын баршаны.
Ақшақар: Жаңа жылда сіздердің барлығыңызға жақсылық тілеймін.
Барлығы: Қош бол, Аяз ата, Ақшақар! Аяз ата, Ақшақар!
Жүргізуші: Міне, Қымбатты балалар, бірлесіп, достасып өткізген мереке қашанда қуанышты өтеді.Достық, бірлік бәріне де жеңеді.Аспанымыз
бұлт торламасын, аспанымыздағы күніміз сөнбесін!
Барлық жандар бір тілекке қосқан үн
Бақытты боп бастады жыл дастанын
Қуанышпен келді той боп Жаңа жыл
Құтты болсын Жаңа Бақыт достарым!..