- Преподавателю
- Начальные классы
- Конспект мероприятии на тему Дос іздеген бота
Конспект мероприятии на тему Дос іздеген бота
Раздел | Начальные классы |
Класс | - |
Тип | Конспекты |
Автор | Жумагалиева А.Т. |
Дата | 26.12.2014 |
Формат | docx |
Изображения | Нет |
«Дос іздеген Бота»
«Ертегілер әлеміне саяхат» атты қазақ ертегісінің қойылымы. Мақсаты: ертегі көрінісі арқылы балаларды достық сезімге тәрбиелеу. Өздерінің тиесілі рольдеріне еніп, оны іскерлікпен, үлкен шығармашлықпен орындауға тәрбиелеу. Көркем сөздерді мәнерімен орындауға бағыттау.
Рольдерде ойнайтындар:
Түйе-Муканова Сабина
Бота - Жумагазина Саяжан
Күшік-Зарапов Ерхат
Мысық-Аляр Ғалымбек
Қозы-Оралбаев Ансар
Лақ-Хасанова Аида, Орабай Аида.
Әтеш-Баяхметов Алихан
Ара - Нұрмолда Айбол
Көрнекті құралдар: шарбақ, ертегі кейіпкерлері, гүлдер, шөп, ағаш.
(Әсем әуен арқылы апай шай әзірлеп жатады. Немересі бір топ балалармен далада
«Тақия тастамақ» ойынын ойнап жатады. Апай немересін үйге шақырады.)
Немересі:Апа достарымды үйге шақыруға бола ма?
Апа : Әрине, ботам.
«Жүз сомың болғанша, жүз досың болсын» деген осы, достарың көп екен.
Немересі: Апа бізге ертегі айтып берші?
Апа : Қандай ертегі айтып берейін?
Балалар: Дос туралы ертегі.
Ерте, ерте, ертеде боталы Түйе болыпты.
Түйе:
Түйе, түйе, түйемін
Жануармын киелі
Жан-жағыма қараймын
Күн мен түнді санаймын. Түйе өзінің жібек жүнді, сүйкімді баласына мейірімділікті, адалдықты үйретіпті. Мөлдір көзді Бота өте ақылды болып өсіпті. Бір күні анасы:
Түйе:
Қара көзің мөлдіреп,
Қызықтырып қоймайды
Жібек жүнің үлбіреп,
Қарасам көз тоймайды. - Боташым, мен саған жақсы достан басқасының бәрін бердім. Енді тура өзің сияқты дос тап. Доссыз өмірқиын, әрі қызық емес. (Бота басын изеп тұрады)
Бота өзіне ұқсайтын жалт-жұлт еткен жүні бар, жағымды үні бар дос іздеп шығады.
Бота:
Бота, бота, ботамын,
Ақылды боп атандым.
Тостағандай көзім,
Ақылдымын өзім. Жайылып жүрген қозы мен лаққа келеді. (Қозы мен Лақ гүл жинап, асыр салып ойнақтап жүреді)
Бота: - Бө-ө-ө, мен дос іздеп жүрмін.
Қозы:
- Мә-ә, мен қошақан қозымын,
Момақанның өзімін.
Лақ:
- Мен лақпын, қандаймын.
Ашық болған таңдаймын
Кел, бәріміз дос болайық.
(айналып секіреді)
Бота: Жо-жоқ, сендер сияқты дос емес.
Қозы, лақ: Мүмкін күшік болар.
Бота: Жарайды мен кеттім.
Бота: - Бө-ө-ө, мен дос іздеп жүрмін.
Күшік: (үреді)
Абалап үремін, үйқорып жүремін.
«Гав-гав»,- деп қаттырақ, сергек өмір сүремін.
Кел, екеуміз дос болайық (айналып секіреді)
Бота: Жо-жоқ, сен сияқты дос емес.
Күшік: Мүмкін мысық болар.
Бота: Жарайды мен кеттім. (бота мысыққа келеді)
Бота: - Бө-ө-ө, мен дос іздеп жүрмін.
Мысық:
Мяу-мяу, мен кәдімгі мысықпын,
Өзім тым пысықпын
Бәріменен дос болып
Пырылдаған пысықпын, пыр-р, пыр-р
Кел, екеуміз дос болайық (айналып секіреді)
Бота: Жо-жоқ, сен сияқты дос емес.
Мысық: Мүмкін әтеш болар.
Бота: Жарайды мен кеттім. (бота әтешке келеді)
Бота: - Бө-ө-ө, мен дос іздеп жүрмін.
Әтеш:
Ку-ка-ре-ку! Бұрап қойған сағаттай
Айқайлаймын таңатпай
Таңмен бірге тұрамын
Бәріңді оятамын
Ку-ка-ре-ку!
Кел, екеуміз дос болайық (айналып секіреді)
Бота: Жо-жоқ, сен сияқты дос емес.
Әтеш: мүмкін ара болар.
Бота:
Жарайды мен кеттім. (бота арағакеледі)
Ара ызылдап гүлге қонып жүреді.
Бота: - Бө-ө-ө, мен дос іздеп жүрмін.
Ара:
З-з-з, ұшып келсем қасыңа
Менен, сен шошыма
Сен тимесең тимеймін
Қастығым жоқ досыма, з-з-з,
Кел, екеуміз дос болайық,
Гүлтерейік, бал жинайық.
(айналып секіреді)
Бота: Жо-жоқ, сен сияқты дос емес.
Ара: мен сияқты дос емес.
Бота арадан зорға қашып құтылады. Басы салбырап, дос таба алмай, өз анасына келеді.
Түйе: Достаптыңба, ботам?
Бота: Жоқ, анашым, сенбесеңіз көктегі күннен сұраңыз. Тура мен сияқты, ешкім жоқ екен.
Түйе: Өзің сияқты дегенім, адалдығыңды айтқаным, боташым. Досты жан тазалығымен
таңдау керек.
Бота қуанып, адал достары қозыны, күшікті, мысықты, әтешті, араны ертіп келіпті.
Өлең «Әрқашан дос біргеміз»-барлығы бірге орындайды.