- Преподавателю
- Начальные классы
- Сабақтың тақырыбы: Біріккен сөздер 3-сынып
Сабақтың тақырыбы: Біріккен сөздер 3-сынып
Раздел | Начальные классы |
Класс | - |
Тип | Презентации |
Автор | Жакешева Г.Т. |
Дата | 11.01.2015 |
Формат | doc |
Изображения | Есть |
Ақтөбе облысы Мұғалжар ауданы
Ембі қалалық №3 орта мектебі
Жакешева Гүлмира Төтеқызы
Бастауыш сынып мұғалімі
Сабақтың тақырыбы: Біріккен сөздер
Сабақтың мақсаты: Біріккен сөз туралы түсінік беру.
Білімділік: Біріккен сөздердің жазылу емлесін меңгерту.
Дамытушылық: Оқушылардың сөздік қорларын молайту,ойлау қабілеттерін жетілдіру.
Тәрбиелік: Ізденімпаздыққа,сауаттылыққа,ұйымшылдыққа тәрбиелеу.
Сабақтың көрнекілігі:Интерактивті тақта, оқулық.
Сабақтың типі: Жаңа білімді меңгерту.
түрі: Аралас сабақ
әдісі: Түсіндіру,көрнекілік,сұрақ-жауап,топтастыру.
пәнаралық байланыс:дүниетану,ана тілі,математика.
Барысы: І.Ұйымдастыру бөлімі.
Оқушылардың назарын сабаққа аудару.
ІІ.Психологиялық дайындық.
Қазақ тілім- өз тілім,ана тілім,
Абай,Мұхтар сөйлеген дана тілім.
Қастерлейді ұл-қызың мәңгі сені,
Болашағым,бақытым дара тілім.
Міне,кемеңгер ғұлама ақын,жазушылардың тілі туған тіліміз қазақ тілі сабағын бастаймыз.
Дәптермен жұмыс.
Болашақ бүгіннен басталады.
ІІІ.Үй тапсырмасын сұрау. 27-жаттығу. Бұл Сөздерді неліктен күрделі сөз дейді?
«Миға шабуыл» стратегиясы.
-
Сөз дегеніміз не?
-
Күрделі сөз дегеніміз не?
ІV.Қызығушылықты ояту.
Ертегі «Айна мен Гүл»
Мұғалім: Ертеде Айна өмір сүріпті.Бірақ оның өмірі көңілсіз,әрі жалғызсырап жүріпті.Өмірден қатты түңіліп келе жатса,оның алдынан жайқалған әдемі гүл шығады. -Айна,айна,сен неге сонша көңілсізсің?-деді гүл.
Сонда айна:Жалғыздықтан жалықтым,өзіме лайық дос іздеп келемін-деді.
-Мені елдің бәрі көркем,әдемі дейді.Бірақ өзімнің әдемілігімді ешқашан көрген емеспін,көргім келеді,менімен дос болшы!-деді гүл.
-Алақай,алақай,мен өзіме лайық дос таптым-деді айна қуанып. Содан бері Айна мен Гүл дос болыпты.Қазақта Айнагүл есімді қыз баланың атын қоя бастапты.
Слайд:Айна+Гүл
Екі түбір сөзді біріктіріп бір сөз жасауға болады.
Слайд: Алма+Гүл=Алмагүл
Слайд: Ай+Гүл=Айгүл
-
Осы Айнагүл,Алмагүл,Айгүл деген қыз балалардың аттары қалай жасалып тұр?
-
Қандай геометриялық фигураларды білеміз?
Слайд: үшбұрыш,төртбұрыш,көпбұрыш
(тақтаға жазу)
V.Мағынаны тану.
Бүгінгі өтетін жаңа сабағымыздың тақырыбы - Біріккен сөздер.
Ереже шығару.
Екі не оданда көп түбірден құралған сөздерді біріккен сөздер деп атайды. Олар бірігіп жазылады.Біріккен сөз күрделі сөздің бір түрі.
Мысалы: Алабота,балқарағай.
Суреттерін көрсету.
-
Біздің облысымыз не?Ақтөбе
-
Елордамыз қай қала?Астана
-
Бұрынғы аты қандай? Ақмола
-
Тәуелсіздікті қашан алдық?
-
Биыл тәуелсіздікке неше жыл?
Слайд: Тәуелсіздік белгісі.
-
Желтоқсан сөзі қандай сөз?
-
Жел және тоқсан деген екі түбірден жасалған.
Слайд: Еділ,Жайық,Сырдария-
Белгілі жұртқа ескі су,
Тәтті,дәмді,тармақты.
Ұзын,Ертіс,Жетісу-
Осы бес су арасы
Сарыарқа деген жер еді.
-
Осы өлең жолдарын қай сабақта оқыдық?
-
Ана тілі.Өткен күн өлеңі.Мағжан Жұмабаев.
-
Осы өлеңнен біріккен сөздерді табайық.
-
(Сырдария,Ертіс,Жетісу,Сарыарқа)
Оқулықпен жұмыс: 32- жаттығу.
Берілген сөздерді оқы. Оқыған сөздеріңді сөз құрамына талда.Әр сөз неше түбірден құралған? Слайд: Жағабұлақ-Жаңажолды осылай деп атайды. 33- жаттығу.Сөздерді оқып,көшіріп жаз.
Сөздік жұмысы.
Бұзаубас-басы үлкен,алдыңғы аяқтарымен жер қазатын түсі бар сары қоңыз.
Егеуқұйрық- ауыл шаруашылығына зиянды,тұмсығы сүйір,құйрығы ұзын сұр тышқан. (Бұзаубас,егеуқұйрық суреттері)
«Сәйкестендіру» Сөздерді қосып,біріккен сөз жасау.
Темір сақал
Ақ сорғыш
Сары тау
Ала қазық
Алты ағаш
Шаң бақан
34-жаттығу.Өлеңді оқып,жатқа жаз. Кемпірқосақ. Өлеңде кездескен біріккен сөздерді ата.(кемпірқосақ,көкжиек)
«Ойнай отырып,ойлай отыр» ойыны.
Кемпірқосақ сөзінен бірнеше сөз жасау.(кемпір,қос,ақ,сақ,ар,ор,оқ,кем,қас,ем,ер,ек т.б)
Сергіту сәті. «Менің есімім» ойыны.
35-жаттығу.Берілген бірікен сөздерді қатыстырып сөйлем құрап жазу. Аққұтан,шекара,көкжиек.
Суретпен жұмыс.
-
Бұл сөздердің біріккен сөз екенін кестені пайдаланып дәлелде.
1.Бірінші түбір сөз
Түс.
Екінші түбір сөз
Құс.
Екеуін қосып оқысаң,
Ол да құс. (Қара+торғай)
2.Бірінші түбір сөз
Үй жануары деп біл,мұны.
Екінші түбір сөз
Сезім мүшесінің бірі.
Екеуінқосып оқысаң
Пайдалы өсімдік түрі. (ит+мұрын)
3.Біріккен сөздің бірінші түбірі
тағам сөзі,
Екінші түбірі тағам пісіретін
ыдыс аты.
Екеуін қосып оқысан,
Ағзаның бірі. (ас+қазан)
VІ.Ой толғаныс.
« Топтастыру ассоциациясы»
екі түбір қосылып бір мағына береді
күрделі сөз Біріккен сөздер екі түбірден құралады
бірігіп жазылады.
VІІ.Үйге тапсырма. 36-жаттығу.
VІІІ.Бағалау.Оқушыларды мадақтау,бағалау.