Презентация по адыгейскому языку Мэкъэ 1ужъухэр
| Раздел | Начальные классы |
| Класс | 2 класс |
| Тип | Презентации |
| Автор | Нагоева Ш.Ю. |
| Дата | 11.11.2015 |
| Формат | rar |
| Изображения | Нет |
Поделитесь с коллегами:
Адыгэбзэ урок. (Я 2-рэ класс) Темэр: Мэкъэ 1ужъухэр. Гъэпытэн. Мурадыр:
- текстым мэкъэ 1ужъу зыхэт гущы1эхэр къыхагъэщын, гущы1эм хэт мэкъэ 1ужъум ябуквэхэр къагъотыныр;
- к1алэмэ яжабзэ хэгъэхъон;
- уц 1эзэгъумэ ш1уагъэу апылъыр агурыгъэ1оныр, природэр къаухъумэнэу, ш1у алъэгъунэу фэщэгъэнхэр.
Урокым ищык1агъэхэр: ПК, тхылъыр, доскэр, мелыр, нэрылъэгъу 1эпы1эгъухэр, сурэтэу к1алэмэ къаш1ыгъэхэр. Урокым ик1уак1: I. Зэхэщэн. 1. Темэмрэ мурадымрэ я1оныр. (1 слайд) - К1алэхэр, непэ блэк1ыгъэ урокым ти1эгъэ темэу «Мэкъэ 1ужъухэр» зыфи1орэр лъыдгъэк1отэщт, гущы1эмэ мыхэр къахэдгъэщышъоу зыдгъэсэщт. - Сыда мэкъэ 1ужъук1э тызаджэрэр? (правилэр к1алэмэ къа1о). Правилэр дэгъу дэдэу къэшъу1уагъ, унэмк1э гъэцэк1эныр тэуплъэк1ужьы. 2. Унэмк1э гъэцэк1эным иуплъэк1ун. - Зэгосхэм тетрадхэр зэтэтыжьых, тэрэзэу къэттхыжьыгъэмэ тэуплъэк1у. (2 слайд) Къэмыхъугъэ куандэм тхьак1умк1ыхьэ хэс. Къэрабгъэр иныбжьыкъу щэщтэжьы. Цу хъущтыр шк1эзэ къаш1э. II. Темэм илъыгъэк1отэн. 1. Тхэным 1оф дэтэш1э. Шэк1огъум и 18. Класснэ 1офш1эн. (доскэм тетэу тыратхык1ы) Къэбзэтхэныр. - К1алэхэр, мыщ фэдэ хырыхыхьэ къашъуш1э: Уеплъымэ, къыоплъыжьы. (Гъундж) - Мы гущы1эр сыд фэдэ макъэ 1ужъуа къызэрэригъажьэрэр? (гъу). Непэ къэбзэтхэнымк1э мы буквэр ттхыщт. Гъу гъу -Ребусхэр зэрэшъуик1асэр сэш1э. Мы ребусхэр къатш1эхэзэ къарык1ырэр тетрадмэ адэттхэщт. (Ребусхэр къаш1эзэ гущы1ипл1ыр атхы) (гъогу, гущы1, нэгу, цумпэ). 2. Къыхэх диктант. - Ребусхэр дэгъоу къэшъуш1агъэх, мэкъэ 1ужъумэ ябуквэхэр къэжъугъотыгъэх. Джы къыхэх диктантыр зэрэшъуш1ырэм теплъыщт. - Шъукъедж. Мэкъэ 1ужъумэ ябуквэхэр зыхэт гущы1эхэр къыхэшъутхык1ых. (3слайд) Ш1у, бзыу, еп1у, нэгъу, баджэ, дэджэгу, тыгъэ, къутам, ч1ырык1у. - Тэуплъэк1ужьы. (4 слайд) Ш1у, еп1у, нэгъу, дэджэгу, къутам ч1ырык1у. 3. Гущы1алъэм 1оф дэсэш1э: нэгъу, ш1у, у1агъэ. 4. Гъэпсэфыгъо такъикъ.( 5 слайд) (Иныжъ - къуижъый). 5. Жабзэм ихэгъэхъон. - К1алэхэр, мы къыхэшъутхык1ыгъэ гущы1эхэм уц къэк1ырэ 1эзэгъум ыц1э къыхэжъугъуат. (Ч1ырык1у) - Тхьамафэ хъугъэ уц 1эзэгъухэм яхьыл1эгъэ гъэцэк1эн зышъуи1агъэр: ясурэтхэр, проектхэр, ш1уагъэу апылъхэр шъуш1энэу, къэшъу1онэу щытыгъ. Джыдэдэм джащ татегущы1эщт. (Сурэтхэр къагъэлъагъо, проектит1у тяплъы). - К1алэхэр, сыдэущтэу природэм уфыщытын фая мыщ фэдэ уц хъарзынэхэр къыуитыным пае? (Природэр къэуухъумэн фае, къэгъагъэхэр уутэ хъущтэп…). ( 6 слайд) 6. Тхылъым 1оф даш1э. - К1алэхэр, тхылъымк1и уц гъэш1эгъонхэр зыхэт 1офш1эным 1оф дэтш1эщт. Нэк1убгъор 57-рэ, 1офш1энэу 147-рэр къэтэгъоты. (Етш1эл1эщтым шъуеджэ, к1алэмэ ежь-ежьырэу агъэцак1э, тэуплъэк1ужьы). III. Зэфэхьысыжь - Непэ сыда урокым тызытегущы1агъэр? Сыда уц къэк1 1эзэгъумэ ш1уагъэу апылъыр? _ Унэмк1э гъэцэк1эныр 1офш1энэу 149. - К1алэхэр, непэрэ урокыр зыгу рихьыгъэм хъурэе уцышъор къе1эты, зыгу римыхьыгъэм плъыжьыр ары. - Тхьашъуегъэпсэух, дэгъоу 1оф шъуш1агъэ. (Оценкэхэр сэгъэуцух)
