Бақ, Дәулет және Аман. Ақселеу Сейдімбек (4 сынып)

Раздел Начальные классы
Класс -
Тип Рабочие программы
Автор
Дата
Формат docx
Изображения Есть
For-Teacher.ru - все для учителя
Поделитесь с коллегами:

Бақ, Дәулет және Аман. Ақселеу Сейдімбек (4 сынып)Бақ, Дәулет және Аман. Ақселеу Сейдімбек (4 сынып)Бақ, Дәулет және Аман. Ақселеу Сейдімбек (4 сынып)Бақ, Дәулет және Аман. Ақселеу Сейдімбек (4 сынып)

Ашимова Перизат Султановна

Семей қаласы

«№22 жалпы орта білім беретін мектеп» КММ

Жоғары санатты бастауыш сынып мұғалімі.

Әдебиеттік оқу пәні

4 сынып


Сабақтың тақырыбы: Бақ, Дәулет және Аман. Ақселеу Сейдімбек

Сабақтың мақсаты:

  1. Білімділік: Бақ, Дәулет және Аманның түп мағынасын түсіне отырып, әр оқушы өз алдына қойған мақсатқа жету жолында осы үш таңдаудың қайсысын өзіне жолсерік ететінін анықтауына мүмкіндік жасау. Яғни, дұрыс таңдау жасауға жағдай туғызу. Әңгімені оқып таныса отырып, мазмұнын ашуға, кейіпкерлерді салыстырып, айырмашылықтары мен ұқсастықтарын сипаттай алу арқылы өздерінің іс-әрекеттеріне баға беруге үйрету.

  2. Дамытушылық: Оқушылардың сөздік қорын молайтып, танымдық қабілеттерін арттыру, дұрыс баға беру, бағалау, түйін сөз айту, қорытындылау әрекеттері арқылы өзін-өзі іштей дамытуға, пәнге деген қызығушылығын арттыруға тырысу.

  3. Тәрбиелік: Оқушылардың логикалық ойлау сезімін оятып, ұқыптылыққа, тиянақтылыққа тәрбиелеу. Өздерінің алдына қойған мақсаттарына жету жолы тек еңбек қана екенін ұғынуға жол салу.

Сабақтың көрнекілігі:

Қуанышты сәттер бейнеленген әртүрлі тақырыптағы сюжетті суреттер.

Сабақтың барысы:

Ұйымдастыру кезеңі:

І. Қызығушылықты ояту.

Ой қозғау.

Бақыт іздеп

Аспан астын, жер үстін шиырлаған,

Бақыт жүр біреулерге бұйырмаған.

Білемін, бақыт табу қиын маған,

Несіне бақыт іздеп құйын болам!


Ырыстың дастарқаны жиылмаған,

Бірақ ол біреулерге бұйырмаған.

Білемін, бақыт табу қиын маған,

Әйткенмен, бақыттан да қиын бағам!

  • Өлең не туралы?

  • Неге бақыт ешкімге бұйырмай тұр екен?

  • Жалпы, бақыт дегенді қалай түсінесің?

  • Жалпы, бақытты адам бар ма екен?

  • Бақытқа қол жеткізу үшін не істеу керек деп ойлайсың?

Жұмыс түрі:

  • Жеке ойлау

  • Көршіңе айту

  • Көршіңнің ойын топқа айту

ІІ. Мағынаны тану.

  • Сонымен бақытқа қол жеткізудегі басты қажеттіліктер не екен? Біз қазір осы тақырыпты тереңдей ұғыну үшін Ақселеу Сейдімбектің «Бақ, Дәулет және Аман» әңгімесін оқып танысайық.

  • Онда оқиға не туралы болады деп ойлайсыңдар? Олай ойлауларыңа не себеп?

І бөлімді оқу, яғни, бірінші жолаушыны кездестіру.

Сөздік жұмысы.

Сұрақ - жауап:

  • Мәтін не жайында?

  • Басты кейіпкерлер кім?

  • Ары қарай не болар екен?

Жұмыс түрі:

  • Жеке

  • Жұпта

  • Топта

  • Ортаға салу

ІІ бөлімді оқу, яғни, екінші жолаушыны кездестіру.

Сөздік жұмысы.

Сұрақ - жауап:

  • Әңгіме қалай жалғасын тапты?

  • Атасы неліктен екінші жолаушыны да қабылдамады?

  • Оқиға қалай шиеленісер еді?

ІІІ бөлімді оқу.

Сөздік жұмысы.

Сұрақ - жауап:

  • Оқиға немен аяқталды?

  • Көңіліңе не түйдің?

  • Әр кейіпкерге баға бер.

  • Осы жерде «Кубизм» арқылы кейіпкерлерді топтарға бөліп беру. Жұмыс түрін орындауда балаларға еркіндік беру.

Дәулет

Бақ Аман

Шығармашылық тапсырма арқылы осы үшеуінің айырмашылықтары мен ортақ қасиеттерін ажырату. Топ жұмыстарын тыңдау.

Пікірталас туғызу. Сұрақ - жауап. Ортақ түйінді ойды әр топ өз жұмыстары бойынша айтып өту.

ІІІ. Ойтолғау.

  • Сен өзің осы үшеуінің қайсысын таңдар едің?

Әркім өз ойын қағаз бетіне түсіру.

Эссе жазу.

Оқушыны өз ойымен жеке қалдыру, мәтінді оқып, талдағаннан кейін, өзіне түйін түйіп қорытындылату керек. Жазған эсселерін өз қалаулары бойынша «Сиқырлы орындыққа» шығып, оқып беру.

  • «Сиқырлы орындыққа» шығып оқығаннан кейін өзің қандай әсер алдың, ішкі жан дүниеңде өзгеріс болды ма?

Мәтін соңындағы сұрақ-тапсырмалармен жұмыс.

  • Қалай ойлайсыңдар, әңгіменің мазмұнын ашатындай қандай мақал-мәтелді таңдап алуға болады?

Сабақты қорытындылау мақсатында сабақтың барысындағы жұмысымызға қайта оралу.

  • Бақытқа қол жеткізудегі негізгі шарттар қандай екен?

  • Мәтіннен түйген ойың бойынша бақытты қандай түрде көруге болар екен?

Сюжетті суреттермен жұмыс.

Әртүрлі тақырыптағы қуанышты адамдардың бейнесі. Сол арқылы бақыт дегеніміз әрбір қуанышты сәттеріміз, ата-анамызбен, достарымызбен, бірге өткізген әрбір ұмытылмас сәттер екенін ұмытпауымыз керек, соны бағалауымыз керек.

Үйге тапасырма.

Басты үш кейіпкердің суретін қалай бейнелер едің?

Эссе жазу.

© 2010-2022