Конспект урока по обучению грамоте

Раздел	Начальные классы
Класс	-
Тип	Конспекты
Автор	Серажитдинова А.У.
Дата	24.03.2015
Формат	doc
Изображения	Есть

Поделитесь с коллегами:

Мевзу: Т,т арифлерни язув. Эджалар, сёзлер язув. Чешит теркиби олгьан сёзлерде огренильген арифлернен сеслер сырасыны бельгилемек (эт, ат, от).
Макъсат: Талебелерни баш Т ве уфакъ т арифлерни язмагъа огретмек. Т арифнен эджалар, сёзлер язмагьа огретмек. Иджадий къабилиетлерини инкишаф этмек. Сёз байлыгъыны зенгильлештирмек. Язувда джыйнакълыкъ тербиелемек.
Дерсиинъ донатмасы: язы дефтери, ресимлер, джедвеллер, арифлернинъ нумюнеси, тахта.
Дерснинъ кетишаты.

Тешкилий дакъкъа.

Даиречикни яраттыкъ, Эллеримизни туттыкъ, Бир - биримизге бакъып Тебессюм багъышладыкъ. - Энди ралемизге отурамыз.

Таянч бильгилерини актуаллештирюв.

Ормангъа кетемиз Конспект урока по обучению грамоте

1. Субет.
-Хатырланъыз, окъув дерсинде анги арифни огрендик?

О насыл сес бильдире? Онынъ характеристикасыны беринъиз.

2. Сёзлернинъ сес-эджа талили.

Орманда тавшанны расткетирдик. Конспект урока по обучению грамоте

- Тавшан сёзи насыл сестен башлана?
Конспект урока по обучению грамоте

Тавшан сёзюни талиль этинъиз ве схемасыны тизинъиз.

Дерснинъ мевзусыны ве макъсадыны еткизюв.
Янъы мевзу.
1. Уфакъ т арифнинь язылувыны талиль этюв ве анълатув.

Уфакъ т арифи учь элементтен ибарет. Биринджиси - догъру авукъ таячыкъ. Экинджиси - тёпеде тёгерекленген догьру авукъ таячыкъ, учюнджиси - тёпеде ве ашада тёгерекленген авукъ таячыкъ. Энъ эвельден иш сатырнынъ усттеки сызыгъындан ашадаки сызыгъына догъру авукъ таячыкъ язамыз. Биринджи элементнинъ ортасындан тёпеге сызыкъ юрьсетемиз, оны иш сатырнынъ усттеки сызыгъы тюбюнде тегереклеп, догьру авукъ таячыкъкъа чевиремиз. Экинджи элементнинъ ортасындан учюнджи элементни язмагъа башлаймыз, сызыкъны тёпеге ве сагъ тарафкъа тёгереклеймиз. Оны иш сатырнынъ ашадаки сызыгъынадже догъру авукъ таячыкънен девам этемиз. Анда сагъ тарафкьа тёгереклеп, иш сатырнынъ орталарында язмагъа токътаймыз. Бойле саювнен языла: «Бир-ве-эки-ве-учь-ве».
Конспект урока по обучению грамоте

Пармакъ гимнастикасы.

Тавшан

Узун къулакълы тавшан,

Чалыдан чапып чыкъкъан.

Ойнай, йырлай, секире,

Балларны эглендире.

Конспект урока по обучению грамоте

Мустакъиль язув.

Эки уфакъ тт арифни берабер язув ве т арифнен эджалар язув.

Физдакъкъа.

Терек, терек, теречик Тереклерде япрачыкъ Тюбюнде де тавшанчыкъ Тишледи хавуч азчыкъ

Баш Т арифнинъ язылувыны талиль этюв ве анълатув.

Баш Т арифи дёрт элементтен ибарет. Оларнынъ биринджиси - узунлашкъан догъру авукъ таячыкъ, учю исе - узунлашкъан авукъ тёгерекленген таячыкълардыр. Баш Т арифни тёпедеки ара сатыр сызыгъындан язмагъа башлаймыз. Узунлашкъан догъру авукъ таячыкъны ашагъа, иш сатырнынъ ашадаки сызыгъынадже, юрьсетемиз, анда сол тарафкъа тёгереклеймиз. Сонъра экинджи элементни язамыз. Тёпедеки ара сатыр сызыгъындан иш сатырнынъ ашадаки сызыгъынадже узунлашкъан догьру авукъ таячыкъ алып барамыз. Бурунгъы эки элемент язылувы киби, тёпедеки ара сатыр сызыгъындан учюнджи элементнинъ язылувы башлана. Ашагъа авукъ сызыкъ язамыз, иш сатырнынъ ашадаки сызыгьына токъунып, сагь тарафкъа тёгереклеймиз ве иш сатырнынъ ортасында токътаймыз. Сонъки, дёртюнджи элемент, эписи бурунгьы язылгъан элементлерни санки къаплап ала. Оны тёпедеки ара сатыр сызыгъындан азчыкъ ашаджа язмагъа башлаймыз, ве тёпеге, сагь тарафкъа тёгереклеп тёпедеки ара сатыр сызыгьы устюнден язмагъа девам этемиз. Бойле тактнен языла: «Бир-ве эки-учь-ве-ве-дёрт».
Конспект урока по обучению грамоте

Мустакъиль язув.

Дефтердеки вазифелернен чалышув.

Баш Т арифни уфакъ т арифнен ве башкъа арифлернен берабер язув.

Сезлер язув.

Арифлер «сачылгъан». Арифлерден сёзлер топлап, дефтеринъизге язынъыз.

Т Э

А О Т

«эт», «ат», «от» сёзлерни язув

Дерснинъ нетиджеси.

- Анги арифни язмагъа огрендик? - Насыл сес бильдире? - Дерсте нени бегендинъиз?

загрузить