Математика пәнінен ашық сабақ. Тақырыбы: Заттарды салыстыру

Сабақтың тақырыбы: Заттарды салыстыру

Сабақтың мақсаты:

Білімділік мақсаты:

Сандарды салыстырып, «артық», «кем», «сонша», «тең», «ұзын», «қысқа» ұғымдарын қайталап, артық санның нешеуі артық екенін, кем санның нешеуі кем екенін табуды, қанша артық немесе кем екенін табу үшін, үлкен саннан кіші санды азайту керек екенін түсіндіру.

Дамытушылық мақсаты: оқушылардың ақыл-ой қабілеттерін дамыту, іс-әрекетті түзету жаттығуларын тиімді қолдану.

Тәрбиелік мақсаты:табиғатты қорғауға тәрбиелеу, экологиялық тәрбие беру;

Сабақтың түрі: аралас

Көрнекілігі: сандар, цифрлар, аққаланың суреті, компьютер т.б. Қолданылатын әдіс:қайталау, сұрақ -жауап

Пәнаралық байланыс: айналадағы әлем,бейнелеу өнері

Сабақтың барысы:

I.Ұйымдастыру кезеңі.

Оқушылармен амандасу, кезекшімен сұхбат. Құрал-жабдықтарын тексеріп шығу. Оқушылардың зейінін сабаққа аудару.

Психологиялық ахуал.

Амансың ба - Алтын күн!

Амансың ба - Көк аспан!

Амансың ба - Достарым!

Амансыз ба - Қонақтарым!

Сендерді көрсем қуанам.

II.Үй жұмысын қайталау.

-Енді үйге қандай тапсырма берілді? Дәптерлеріңді ашыңдар мен қарап өтейін. -Қане, Дильназ 1-ші есепті оқи ғой. Барлығымыз тексереміз. Келесісін Санжар оқиды. Жақсы бұл есептер үй жұмысы болатын.

III. Жаңа сабақтың тақырыбы мен мақсатын хабарлау.

-Ал енді балалар, сабақты бастамасбұрын қыс мезгілі туралы әңгімелесіп алайық. Мен сендерге бірнеше сұрақтар қоямын, ал сендер сол сұрақтарға жауап бересіңдер.

-Қазір жылдың қай мезгілі?

-Неге даладa қар жатыр?

-Өткен айда қандай мереке өтті?

Кім сендерге сыйлықтар берді?

-Жақсы. -Ендеше балалар, бізге сабағымызға қонаққа аққала келіпті. Ол өте ренжулі, өйткені өкінішке қарай оны қияңқы балалар бөлшектерге бқліп тастапты. Ал сендерден ол көмек сұрағалы тұр.

-Қане, аққалаға көмектесеміз бе?

1.Артикуляциялық жаттығулар.

-Қазір мына ақ қарларды үрлейік.

2.Ойын: «Кім жылдам?» 1-ші бөлігі. Аққала

Ендеше сабағымызды жалғастырамыз. Ойынды бастамас бұрын әр тапсырма сайын сендерге мынандай төрбұрыш немесе бесжұлдыз беріледі. Сабақ соңында кім кқп жинады, сол жеңіске жетеді. Қазір ойын арқылы аққаланың 1-ші бөлігін табамыз.

-Мына жерде шашылған саңырауқұлақ пен сәбізді себетке жинау керек.

-Қане, кім жылдам?

-1-ші бөлігі табылды ма? Қалай таптық? -Не істедік? Қандай тапсырманы орныдадық?

3.Ойын. «Сандар құрамын тап» 2-ші бөлігі. Аққала

-Мына сандар құрамын табу арқылы аққаланың 2-ші бөлігін табайық.

6 6 5 5

2 4 2 4

4.Қол моторикаларына арналған жаттығулар.

1. Қолымызбен үй жасаймыз.

2. Жүзікті келтіреміз.

3. Бақаны келтіреміз.

4. Әр саусақпен амандасамыз.

5.Дәптермен жұмыс.

-Таза жазу. Сандарды жазу. Салыстыру таңбасын жазу.

6. Ойын: «Заттарды салыстыр» 3-ші бөлігі. Аққала

-мына суреттерді салыстырып, салыстыру таңбасын қоямыз.

-Неше ананас ? Неше өрік? Кайсысы кем? Қайсысы артық?

7.Сергіту сәті:

Компьютерден оқушылар қайталап жасайды.

8.Оқулықпен жұмыс.

-енді оқулықтағы тапсырмаларды орындайық. Бұл бізде аққаламыздың 4-ші бөлігін табамыз.

1-ші суретте қанша тауық бар? Қанша балапан бар?

Қайсыс көп? Қайсысы аз?

-Сонымен балалар аққала сендерге өте риза болып тұр. Сендерге қандай алғысын айтарын білмей тұр.

9.Көзімізге арналған жаттығу.

-Қазір компьютерден ақ қардың ұшқанын көзімізбен жүргізу арқылы жаттығу жасамыз.

10.Суретпен жұмыс.

Суретті пайдаланып есептер шығарайық.

Әр оқушыға сандарға байланысты есептер таратылады. Олар жауабын айтып, дәптерлеріне жазады.

11.Ойын: «Кім тез?»

-Мына сандарды қолымызбен сезу арқылы қандай сан екенін айту керексіңдер. Мысалы: 5 немес, 4 немесе 6 т.б.

IV. Жаңа тақырыпты бекіту кезеңі.

Оқушыларға төмендегідей сұрақтар қойылады:

-Сонымен бүгін біз сабақта немен айналыстық?

-Қандай тапсырмалар орындадық?

-Бізге қонаққа не келді?

-Аққала не үшін келді?

-Сабақ ұнады ма? -Несімен ұнады?

V.Қорытынды бөлім.

Сабақты қорытындылау,

VI.Үйге тапсырма беру. 101 бет. №36

ҮІІ. Бағалау.

Оқушылардың еңбегін мадақтау.