Сынып жетекшімен ата – ана арасындағы қарым – қатынасты нығайту

«Көкпекті орта мектебі» КММ

Тақырыбы:«Сынып жетекшімен

ата - ана арасындағы

қарым - қатынасты нығайту»

Сынып жетекші: Оспанова Н.Р.

Тақырыбы: «Сынып жетекшімен ата - ана арасындағы қарым - қатынасты нығайту» Мақсаты: Сынып жетекшінің міндеті мен атқаратын қызметінің ережелерімен таныстыру, педагогикалық шеберлігін арттыру, әдістемелік көмек беру. Сыныпта оқушылармен тәрбие жұмысын жүргізу барысында өзіндік шығармашылық жұмыс жүргізуге көмек көрсету.

Міндеті:

1. Сынып жетекшісінің басты міндеттерімен атқаратын қызметінің мазмұнымен таныстыру.
2. Сынып жетекшісінің оқушылардың жас ерекшелігіне қарай тәрбие жұмысын деңгейлеп жоспарлауға бағыттау.
3. Сынып жетекшілерді шығармашылықпен жұмыс істеуге бағыттау.

«Сынып жетекші және оның қызметінің мазмұны»

(Интерактивтік тақтаны пайдаланып, слайдтармен көрсету). Сынып жетекші - ол кім? Сынып жетекшісі қызметі мектепке 1934 жылы енгізілген. Белгілі бір сыныптағы тәрбие жұмысы үшін ерекше жауапкершілік жүктелетін мұғалім сынып жетекшісі болып тағайындалады. Сынып жетекшісі - сабақтан тыс тәрбие жұмысын ұйымдастырып, үйлестіріп, келістіріп өткізетін педагог. Бастауыш сыныптарда сынып жетекшілік қызметті сынып мұғалімі атқарады. Бүгінгі күні сынып жетекшісі - кәсіпкер-педагог, ол өсіп келе жатқан бала үшін:

• жалпы азаматтық мәдениетті меңгеруде оқушы мен қоғамның арасындағы рухани жалғастырушы;
• сынып ұжымының алуан түрлі бірлескен іс-шаралары барысында олардың өзара ынтымақтастық қарым-қатынасының қалыптасуын ұйымдастырушы;
• оқушы тұлғасының қалыптасуына қолайлы жағдай жасау мақсатымен олардың дамуын бақылаушы; тәрбие жүйесінде қажетті өзгерістер енгізуші; мектеп психологімен бірігіп оқушының қоғамдық өміріне кейбір түзетулер жасаушы;
• оқушының күнделікті өмірі мен әрекетін ұйымдастыруда, кәсіби бағдар беруде қоғам өмірінің әлеуметтік - экономикалық саяси ерекшеліктерін түсінуде- көмекші, кеңесші;
• сыныпта қолайлы, жайлы моральдық-психологиялық ахуал қалыптастыру үшін, сыныптағы ерекшеліктерді ескере отырып, қажетті тәрбиелік ықпалдар жасаушы;
• оқушының дамуы мен жетілуіне ықпал жасайтын барлық тәрбиелік күштерді біріктіруші, үйлестіруші.

Сынып жетекшісінің құқықтары: Сынып жетекшісі-әкімшілік адамы. Оның құқықтары: -баланың психикалық және жалпы денсаулығы туралы ақпарат алу; -әрбір оқушының үлгеріміне бақылау жасау; -берілген сыныпта сабақ беретін мұғалімдердің сондай-ақ психологтардың, әлеуметтік педагогтардың жұмысын үйлестіру және бір жаққа бағыттау; -«кіші педагогикалық кеңестер», педагогикалық консилиумдар, тақырыптық және т.б іс-шаралар өткізу арқылы оқушылармен жүргізілетін тәрбие жұмыстарын ұйымдастыру; -сынып ұжымымен кеңесе отырып әкімшіліктің, мектеп кеңесінің қарауына ұсыныстар ұсыну; - ата-аналармен байланыс жасау, әкімшіліктің келісімімен оқыту мен тәрбиелеуге қатысты мәселелерді шеше отырып, кәмелеттік жасқа жетпегендер істері бойынша арнайы мектептің өзара әрекеттестігі кеңесіне бару; -мектептің педагогикалық ұжымынан көмек алу; -балалармен жұмыс істеудің жеке ретін анықтау; -сынып жетекшісінің дидактикалық егер ол пән мұғалімі болса, өз пәні бойынша авторлық бадарлама жасауға және тәрбие беру бағытындағы мәселелер бойынша тәжірибелік-эксперименттік жұмыстарды алып жүруге құқы бар. Сынып жетекшінің міндеттері. Сынып жетекшінің міндеттерін айқындағанда, мына идеялар негізге алынады :

• Оқушы өз дамуының субъектісі. Ол өзін-өзі тәрбиелейді.
• Ең «қиын» деген оқушы өзі де жақсы болып, түзеліп кетеді, бірақ оған айналасындағы адамдардың сенімі, сыйластығы сүйіспеншілігі, көмегі қажет.
• Оқушыны тәрбиелейтін- тәрбие сағатын ақыл айту, оқушының қателіктерін бетіне басу емес, мұғалім мен оқушы бірігіп атқаратын әрекет, ынтымақтастық қатынастар, бір-біріне деген жылы сезімдер.
• Тәрбиеші - өз шәкіртінің көмекшісі, қорғаушысы.

2. Барысы:
3. Ұйымдастыру кезеңі «Менің сыныбым......»