С дыбысы мен әрпі

Сабақтың тақырыбы: С дыбысы мен әрпі.

Сабақтың мақсаты: 1.С дыбысы және әрпімен таныстыру. Қатаң дауыссыз дыбыс екенін аңғарту. 2. Көркем етіп жазуға үйрету.3Өз ойын еркін айтуға дағдыландыру.Шапшаңдыққа,

еңбексүйгіштікке тәрбиелеу.Пәнге деген қызығушылықтарын

арттыру,ұқыптылыққа,сауатты жазуға қалыптастыру.

Сабақтың көрнекілігі: Слайд, кеспе буын, суреттер.

Оқыту әдісі: көрсету, түсіндіру.

Сабақтың мазмұны:

І. Ұйымдастыру: Партаға дұрыс отыру. Сабаққа зейінін аудару.

А Р О Ш әріптерімен 4 топқа бөлу.

ІІ. Білімді тексеру.1) Ш дыбысы қандай дыбыс? 2) Сөздерге буындық, дыбыстық талдау жаса .Шара, Шора, аша, шаш, шағала, шәйнек.

ІІІ. Мақсат қою: тақырыбын, мақсатын хабарлау.

ІҮ. Жаңа сабақ:

Жұмбақ .

Суретті сөзжұмбақ шешу.
Сақинаны сағызды,

Сарымсақты, сәбізді.

Бастап тұрған қай әріп,

Сапсыз орақ тәрізді? (С әрпі)

- Аптаның қай күні? (Сәрсенбі).

- Сәрсенбінің сәтті күнінде бүгін біз С дыбысымен танысамыз.

-Жылан қалай сылдайды?

-С дыбысы айтылған кезде тілдің ұшы астыңғы тіске тіреле отырып белгілі кедергі арқылы шуылдап шығады.

-С дыбысы дауыссыз, қатаң дыбыс.

« С» дыбысын бөліп алып, хормен дыбыстату. С-ның әріп таңбасымен таныстыру.Баспа түрі мен және жазба.

Слайд.

Суреттер елі.

Әр топ бір сөзді айтқып талдайды (сағат, мысық, автобус,Сара)

Слайд.

Дәптермен жұмыс.

С дыбысын ауада және дәптерге жазғызу. Оңнан солға қарай дөңгелете жазамыз.

Сергіту сәті.

Кітаппен жұмыс.

Хормен оқыту.

Тізбектей оқыту.

Слайд.

Адасқан әріптер ойыны.

«Көкөністер жинау» ойыны. Жұмбақтар жасыру, шешуін табу.

Жаздай інге тығылып,

Жатқан қызыл түлкіні.

Құйрығымен суырып,

Әкелді әжем бір күні.

Шешуі /Сәбіз/

1 топ-кластер құрайды.

2топ -дыбыстық талдау жасайды.

3топ- с әрпі бар сөздерді атайды.

4 топ- әріптерден сөз құрайды.

Жаңа білімді тексеру:

Сонымен, біз бүгін нені үйрендік. Біз нені білдік.

- Бүгін қандай әріппен таныстық.?

- «С» дыбысы қандай дыбыс? -дауыссыз

- «Са» буынынан басталатын адам атын ата-Самал

- Са сөзіне дыбыстық талдау жаса- с дауыссыз,а дауысты

- «С» дыбысынан келетін сандарды ата: -сегіз,сексен

- Біз уақытты неге қарап білеміз? -сағатқа

- Аптаның қай күні? (Сәрсенбі).

-С дыбысы қандай түспен белгіленеді?

- С дыбысы неге ұқсайды?орақ, білезік.

Балаларды мадақтау.