» Әнием - иң кадерлем минем»

"Әнием-иң кадерлем минем!"

Максат: 1.Әниләр көне турында мәгълүмат бирү.

2.Укучыларның фикерләү сәләтләрен арттыру;дөрес һәм матур җөмләләр төзергә өйрәтү;

3. Әниләрне ярату,хөрмәт итү кебек сыйфатлар тәрбияләү.

Җиһазлау : мультимедиа,карточкалар,ноутбук.

Кичәнең барышы.

-Исәнмесез,укучылар. Әйдәгез,бер-беребезне сәламлик әле.(Укучылар бер-берсен сәламли)

-Хай-Файв!

Укучыларга карточкалар бирелә.Шул карточкаларга әни турында сүзләр язылган,сүзләрдән җөмләләр төзеп укырга.

-Ә хәзер укучылар,РЭЛЛИ РОБИН структурасы белән эшлибез.(Һәрберегегез партнеры по плечу белән эшли,җөмләләрне бер-берегезгә укыйсыз) Ильмир һәм Рәис кычкырып укый.

"Әнием -күз нурым!"

"Әнием-иң кадерлем минем!"

"Әниемнең назлы,җылы кочагы!"

"Әнием,мең рәхмәт сиңа!"

-Хәзер кызыл төстәге карточкалардагы сүзләрдән җөмлә төзибез,төзелгән җөмлә бүгенге кичәнең темасы да була. Бер укучы укый,шул җөмлә экранда чыга.

"ӘНИЕМ-КҮЗ НУРЫМ!"

Укытучының кереш сүзе. -Укучылар,безнең тиздән нинди бәйрәм җитә әле ?(Әниләр көне)

-Без аны кайчан билгеләп үтәбез әле? (26 ноябрьдә.)

-Әйе,укучылар. Бик дөрес. Әни!.. Әниләр! Алар яныбызда булса, без-көчлеләр, без батырлар. Әниләр янәшәбездә торганда ата каздан да курыкмыйбыз, усал этләр дә куркыныч түгел.

Әни! Бердәнбер иң кадерле, хөрмәтле , якын кешебез ул безнең. Авырып китсәк тә, әни кочагына килеп сыенабыз. Тамагыбыз ачса да, әни каршына йөгереп киләбез. Берәрсе кыерсытса да, тизрәк әни янына ашыгабыз. Әни-безнең яклаучыбыз да, саклаучыбыз да!

Әниләр безгә бары бәхет кенә телиләр. Безнең һәрбер сулышыбызны да сизеп торалар. Без шатлансак - алар да шатлана, без еласак - аларның да күзләрендә яшь тамчылары ялтырый.

-Укучылар,сезгә әниләр турында шигырьләр бирелгән иде.Әйдәгез ,без аларны кунакларга да әйтеп күрсәтик әле.

Рәис: Ашлар тәмле булсын өчен,

Көннәр якты булсын өчен,

Йокы татлы булсын өчен

Әни кирәк,әни кирәк!

Җил-давылдан саклар өчен,

Усаллардан яклар өчен

Әни кирәк,әни кирәк!

"Әни" диеп язып куйдым

Яңа яуган ак карга.

Таптамагыз,һич ярамый

Әни сүзен таптарга!

Фәнил: "Әни"диеп ачыла тел,

Әнкәйне хөрмәт ит,шуны бел.

Әни өйдә булса бик рәхәт,

Әйтәбез сиңа "МЕҢ РӘХМӘТ!"

Ашлар тәмле булсын өчен,

Дөнья ямьле булсын өчен

Әни кирәк,әни кирәк!

Гөлләр чәчәк атсын өчен,

Бәхет-шатлык артсын өчен

Әни кирәк,әни кирәк!

Иң кадерле кеше җирдә

Әни димәк!

Алсияр: Бүген Әниләр көне

Бөтен җирдә тантана.

Кояш шуңа көлә бүген,

Гөлләр шуңа шатлана.

Әниләр бәйрәменә

Куана шулай алар.

Әнкәйләрне котлый бүген

Җирдә барлык балалар.

Ильмир: Син Әнием минем өчен

Бу дөньяда бер генә.

Елмайганда йөзләреңнән

Бар өйгә нур бөркелә.

Әни җирдә иң кирәкле кеше

Әниләрнең белик кадерен!

Җил-давылдан саклап үстерә ул,

Кызганмыйча бөтен гомерен.

-Молодцы,укучылар! Әниләр турында бик матур шигырьләр өйрәнеп килгәнсез. Бик зур рәхмәт Сезгә.

-Хай Файв!

-Укучылар,Сез әниләрегезне яратасызмы?

-Әйе.

-Аларга ягымлы сүзләр әйтәсезме?

-Әйе.

-Әйдәгез,һәрберегез үзенең әнисе турында матур җөмләләр уйлый. Аларны башта янындагы дусты белән уртаклаша.Җөмләнең башы "Минем әнием....",-дип башланып китә.РЭЛЛИ РОБИН структурасын кулланыт эшлибез.(Минем Әнием Люзия исемле.Минем әнием бик матур һәм сөйкемле.Ә минем Әниемнең исеме Гөлнара.Мин әниемне биииик яратам....)Укучылар чиратлашып җавапларын әйтәләр.Бер-берегезне мактап алыгыз әле.(Бер-берсенә биш бирәләр.)

-Молодцы.укучылар! -Хай Файв!

-Ә хәзер укучылар МИКС ПЭА ШЭА структурасын кулланып хәрәкәтләнеп алабыз.Барыбыз да кырыйга чыктык.Музыка көенә хәрәкәтләнәбез,музыка туктагач,парлашабыз.

-Син әниеңне ни өчен яратасың? ТАЙМД-ПЭА-ШЭА структурасын кулланабыз.

-Кемнең чәче озынрак,шул башлый.

-Фәнил,син әниеңне ни өчен яратасың?

-Ә син Алсияр? (Чөнки минем әнием матур,акыллы,сөйкемле,эш сөючән....)

-Бер-берегезгә рәхмәт белдерегез!

Тагын музыка уйный, музыка көенә әкрен генә хәрәкәтләнәбез,Көй туктагач,парлашабыз.

-Кемнең буе кыскарак,шул башлый.

-Без әниләргә карата нинди карашта булырга тиеш? (Без әниләрне яратырга тиеш,аларга авыр сүз әйтергә ярамый,хөрмәт итәргә,булышырга,алар турында кайгыртырга,тырышып укырга,аларны шатландырырга,аларга күбрәк матур сүзләр әйтергә.Һәр укучы үз парына үзенең фикерен әйтә.

-Әйдә әле,Алсияр ,синең фикерне тыңлап карыйк.

--Фәнил,Алсияр нәрсә дип әйтте ? Кабатла әле.

-Хай Файв! Утырабыз укучылар.

-Сезнең алдыгызда йөрәк формасындагы фигуралар.Шул фигураларны тотып әниләрегезгә иң матур теләкләрегезне теләгез дә, иптәшегезгә бирегез.Сез үз әниегезгә теләгән теләкләр аның әнисенә дә кабул булсын,чөнки теләкне үзеңә генә теләмиләр бит.

РЭЛЛИ РОБИН структурасын кулланабыз.

-Бер-берегезгә биш бирегез.

-Фәнил ,син Әниеңә нинди теләк теләдең?

-Ә син,Ильмир?

Укучыларның җаваплары чиратлап тыңланыла.

-Булдырдыгыз,укучылар.Бик зур рәхмәт. -Хай Файв!

-Бастык укучылар .Ә хәзер әниләребезгә багышлап җыр башкарабыз.

Җыр: "Мин әнигә булышам."

1. Мин әнигә булышам,

Савыт-саба юышам.

Чистартып савыт-сабаны ,

Шкафларга куешам.

2. Мин әнигә булышам,

Урын-җирне җыешам.

Гөлләргә сулар да сибәм,

Мин әнигә булышам.

3 . Мин әнигә булышам,

Идәннәрне юышам.

Көн дә шулай бик тырышып ,

Мин әнигә булышам.

-Молодцы!

-Укучылар ,кичәбез ахырына якынлашты.Әйтегез әле, бүгенге кичә сезгә ошадымы? Ошаса ,кызыл түгәрәкләрне күтәрегәз,әгәр ошамаса, сары түгәрәкләрне күтәрегез.

-Бу кичә сезгә ни өчен ошады?(Чөнки без бүген уеннар уйнадык,бер-беребезгә биш бирдек,әниләр турында сөйләштек ,шигырьләр сөйләдек,әниләр турында җыр җырладык һ.б.)

-Кичәбез тәмам,чыгарга мөмкин.

МБОУ "Чутеевская средняя общеобразовательная школа Кайбицкого муниципального района РТ»

Әниләр көненә багышланган кичә.

"ӘНИЕМ- КҮЗ НУРЫМ!"

Үткәрделәр: башлангыч сыйныф укытучылары Шәрәфетдинова Айсылу М. Хөснетдинова Фаянур З.

2013 ел.

Әнием- күз нурым!

Әнием- иң кадерлем минем!

Әниемнең назлы, җылы кочагы!

Әнием, мең рәхмәт сиңа!