Сценари Таныстырған 42 әріппен, Қош бол, менің қасиетті Әліппем!

«Двуречный орта мектебі» ММ

Дайындаған және өткізген: Байназарова А.М

2015-2016 оқу жылы

Таныстырған 42 әріппен,
Қош бол, менің қасиетті Әліппем!

Мақсаты:
Оқушылардың сауат ашу пәнінен оқу барысында алған білімдерін тиянақтау;
өз - өнерлерін ата - аналарға көрсету, эстетикалық талғамдарын тереңдете түсу, өзін өзі басқаруы мен ана тілін сүйіп, қастерлеуге тәрбиелеу.

Мұғалім: Армасыздар құрметті қонақтар, оқушылар! Шәкірттердің қолдарына тұңғыш рет ұстап, бетін ашқан оқулығы «Әліппе». Барлық ғылымның атасы, болашағымыздың негізі-әліппені бітіру тойына хош келіпсіздер дей отырып, «Таныстырған 42 әріппен,
Қош бол, менің қасиетті Әліппем!» ертеңгілігімізді бастайық.

Өсті міне бойларың,
Өсті ақыл - ойларың.
Қуанышқа ортақпын,
Құтты болсын тойларың!
- Балалар, сұраққа жауап айтындаршы.
Іші толған әріпке,
Білімдегі жарық не?
Хормен: Болашаққа жол ашқан,
Ол сүйікті Әліппе!
- Олай болса, бәрімізге ең қымбат Әліппені ортаға шақырайық.
Хормен: Әліппе, Әліппе, Әліппе!
Әліппе: Менің атым - Әліппе,
Мені анаңдай дәріпте.
Мені оқып ер жеткен,
Ағаң менен әпкең де.
Армысыздар, жас достар!
Армысыздар, ата - ана!
Болашаққа жол бастар,
Әліппең келді ортаға.
Мерекеңмен құттықтаймын
Бүлдіршіндер, балғындар!
Не үйреніп, не білдік
Кәне, ортаға салайық!
Әліппе: - Сендер қандайсыңдар?
1.Талабы биік таудаймыз.
2.Мың бұралған бишіміз.
3.Біз шеберміз.
4.Ақылдымыз.
5.Үлкенге ізеттіміз, кішіге қамқормыз.
6.Көп оқимыз.
Барлығы хормен: Біз - қазақ елінің болашағымыз.
Ән: «Менің атым Әліппе»
Ортаға Жалқаубек кіреді.
Жалқаубек:
- Ой мұнда неге көп балалар жиналған? Өздері шеттерінен әдемі екен. Бұл жерде не болып жатыр өзі, а?
Батырхан: Біз бүгін Әліппемен қоштасып жатырмыз.
Жалқаубек: Әліппе деген не?
Нуржан:
Іші толған әріпке,
Мынау әйбат әліппе.
Барлық ілім - білімнің,
Әжесі осы - әліппе.
Жалқаубек: Сонда сендер барлық әліппені білесіңдер ме?
Хормен: Әрине.
Жалқаубек: Ал мен білмеймін!
-Рахмет, балалар! Ал, енді алфавиттегі алғашқы үш әріпті атайықшы
-А, Ә, Б.
Бекзат:
Алфавиттің А тұрады басында,
Әрқашанда Ә тұрады қасында.
Байқадың ба Б тұрады үшінші,
Ал, осының сыры неде түсінші.?
Мерей:
А деген ол-аналар ғой ардақты,
Ә деген ол-әкелер ғой салмақты.
Б деген ол-балалар ғой әдемі,
Біздің елде үшеуі де кәделі
Алшақ кетпей сондықтан да расында,
Тұрады олар алфавиттің басында.
Жүр: Осы қыс ішінде әйбат әліппені үйреніп кел. (Әріптерді барлығын Жалқаубекке береді)

Жалқаубек әні:
Жүргізуші:Балалар Әліппе сендердің білімдеріңді сынағалы отыр.Дайынсыңдар ма?

Хормен: иа

Әліппе: -Бірінші мынандай жұмбақ

Айтамыз, естейміз,

Көреміз,жазамыз.

Бұл не?

( Дыбыс пен әріп)

2- тапсырма: Дыбыстық талдау.

Мектеп, ұстаз, ана,дыбыс,әріп.

3-тапсырма:Ойын «Әріптерден сөз құра»

р,қ,а. Қар а,л,а,б. Балал а,л,а,қ. Қала с,б,қ,а,а. Сабақ т,л,а.Тал.

о,у,қ,ш,ы. Оқушы м,к, е,т,е,п. Мектеп і,і,л,б,м. Білім

Балалар сендер берілген тапсырманы дұрыс орындадындар.

Әліппе: Ойын ойнасақ қалай қарайсыңдар? : «Кім шапшаң?» ойыны

1-ші Ата-аналармен оқушылар арасында болады. Екі топқа бірдей сурет қиындылары беріледі. Қай топ бірінші болады екен.

2-ші ойын екі оқушы,екі ата-ана шығады. Екі оқушы бір сөз айтады соған байланысты сурет салады.

4 тапсырма: Мына суреттегі заттарды ата.Сөздерді буынға бөл.

Балалар.көбелек,ағаш,кітап,жолбарыс,жұлдыз.

5 -тапсырма. «Адасқан буындар»

Ба- лық, Жа- лау, Та- лап, қа- лам.

Жа- зу, са- бақ.

Мұғалім: - Балалар, Әліппе сендерді оқуға, жазуға үйретті. Сол үшін Әліппе достарыңа не айту керек?
Балаларға ақ тілек,
Болашаққа бақ тілеп.
Хормен: Балаларға ақ тілек,
Болашаққа бақ тілеп.
Біздерге білім үйреткен,
Әліппе, саған мың рақмет!

Әліппе: Балалар, рақмет сендерге! Мен сендерге өте ризамын. Енді менен алған білімдеріңді «Ана тілімен» ұштайсыңдар. Міне, менің досым, өзі де келіп қалыпты, қарсы алыңдар. Ана тілі оқулықтарыңды жақсы оқыңдар, үлгілі оқушы болыңдар. Ал мен енді кетейін, қош сау болыңдар!
Бірге: Қош сау бол, құтты Әліппе! (Әліппе кетеді)

Ана тілі: Сәлеметсіңдер ме, балалар!

Мұғалім: Ана тілің-арың бұл,

Ұятың боп тұр бетте.

Өзге тілдің бәрін біл,

Өз тіліңді құрметте!

-Ендеше, мен сендерге сиқырлы сандықтан сыйлыққа «Ана тілі» оқулығын берейін! Және білімнің алтын кілтін тапсырамын!

Би: «мы маленькие дети»
Мұғалім:
- Балалар, сендер әліппемен ғана достасып қойған жоқсыңдар, сонымен бірге қандай негізгі пәндерді оқыдыңдар?
Оқушылар: Математика, дүниетану, ән сабағы, бейнелеу өнері, еңбекке баулу.
Жалқаубек: Математика деген не?
Сандар шығады.

Мұғалім:
Ретімен тізбелі,
Әрбір санды даралап.
Қайсың барсың бізге енді,
Айтып берер санамақ?
Батырхан:

1 дегенім - бесік,
Шықтың содан өсіп.
2 дегенім - елім,
Далам, тауым, көгім.
3 дегенім - үміт,
Үміт артар жігіт.
4 дегенім - төзім,
Төзе білем өзім.
Нуржан:

5 дегенім - бақыт,
Бағалайтын бақыт.
6 дегенім - ақыл,
Тыңдағаның мақұл.
7 дегенім - жалау,
Жүректегі алау.
8 дегенім - сөзің,
Серт беретін кезің.
Ата-аналарға сұрақтар логикалық:

1.Торда үш қоян бар еді.Үш оқушы бір-бірден қоян алды.Сонда тақтада әлі де бір қоян қалды.Ол қалай? Ж: Біреу торымен алды

2.Бес бұтақты қайыңда

Бұтақ сайын бес алма

Біреун бер сайынға

Сонда қалды неше алма? Ж:Қайыңда алма өспейді

3.Тепсең-ақ секіріп

Ұстатпай қашады

Бір жерге бекініп

Тұра алмай сасады Ж: Доп

4.Күн мен түн қалай басталады? Ж: кезекпен

5.Адам есектен неге құлайды Ж: ЖЕРГЕ

6.10 ешкіден 5 қойдан алсақ неше ешкі қалады Ж: 10

7.Адам несіз өмір сүре алмайды? Ж: ауасыз,сусыз,тамақсыз

8.Сен және мен біз екеуміз қосылсақ қанша болады? Ж: екеу

9.Алманың жартысы неге ұқсайды? Ж: жарты алмаға

10.Қарға ұшады ал ит құйрығына отырама? Ж: ит жуас болса ,құйрығына қарға қонып отырады

Ән: Бала тілегі

Мерей:

Өтірік айтпа, ұрлық жасама.
Әдептілік, ар - ұят.
Адамдықтың белгісі,
Тұрпайы мінез, тағы жат,
Надандықтың белгісі,
Үйрен жақсы әдеттен,
Жирен жаман әдеттен!
(Жалқаубектің тұрысын, киімін жөндейді)
Жалқаубек: Мен өз қатемді түсіндім, мен де сендер сияқты ақылды да, тәртіпті болғым келеді. Мен өз атымды Ақылбекке ауыстырып ендігі жылы әліппені меңгеріп келемін.
Оқушылар: Біз саған сенеміз, Жалқаубек. Қош сау бол! (Жалқаубек кетеді)
Би: «мы маленькие звезды»
Мұғалім: Балалар, енді әліппеден басқа да қызықты кітаптарды оқи алады. Бізге қонаққа кітапханашы апайымыз келіп отыр. Апайымызға сөз берейік.
Кітапханашы: Балалар, мені мерекелеріңе шақырғандарың үшін көп рахмет. Сендер енді өз беттеріңмен оқи аласыңдар. Кітапханада әдемі, балаларға арналған кітапшалар көп. Мен сендерге бүгінгі мерекелеріңе сыйлық ретінде бірнеше кітап ала келдім. (Кітаптарды балаларға таратады, «Ана тілі» таратуға көмектеседі).
Ана тілі: Балалар, енді басқа да қызықты кітаптар оқитын боласыңдар. Ынта қойып оқысаңдар көп нәрсеге үйренесіңдер.
Хормен: Оқимыз, «Ана тілі», оқимыз!
Мұғалім: - Бізді осындай күнге жеткізіп, бірге қуанып жүрген аналар мен әкелеріміз, аталар мен әжелерімізге мың алғыс айтамыз. Ендігі сөз сіздерге беріледі.
Мұғалім: Ата - ана шашу, шашу шашайық,
Ақ сандықты ашайық.
Бұл мереке, бұл тойдың,
Қорытындысын жасайық!!! (шашу шашылады)
Мұғалім: Мұнда біреу жымияды қызына,
Мұнда біреу ақыл айтар ұлына.
Мұнда біреу сөз сөйлейді жараса,
Мұнда біреу елтіп отыр жырыма.
Ол кім десең,
Қуаныштан езулерін жымиған,
Ол - ата - ана, әлемдегі сыйлы адам, - дей келесі сөз кезегін ата - аналарға беремін.
Білім баспалдағына өрлеген сапарларың сәтті болсын!

Балалардың білімі құтты болсын,

Денсаулығы ауырмайтын мықты болсын.

Білімдерін әріқарай дамытатын,

Ерін бейтін енбекқор күшті болсын! Осымен «Таныстырған 42 әріппен,
Қош бол, менің қасиетті Әліппем!» ертеңгілігімізді аяқтаймыз! Зер салып,тыңдағандарыңызға рахмет!!!