Анаға құрмет-балаға міндет

Раздел Начальные классы
Класс -
Тип Другие методич. материалы
Автор
Дата
Формат doc
Изображения Нет
For-Teacher.ru - все для учителя
Поделитесь с коллегами:

Тақырыбы: Анаға құрмет-балаға міндет

Мақсаты «АНА» сөзінің құдіреттілігін,ұлылығын ұғындыру

Ананы сыйлауға, құрметтеуге үйрету. Ананы туралы өлеңдердің,

мақал- мәтелдердің мағынасын түсіндіру.

«Анаға құрмет-балаға міндет» екенін түсіндіре отырып,

адамгершілікке тәрбиелеу

.Көрнекілігі:Тәрбие сағатының аты, Ана туралы мақал-мәтелдер, нақыл сөздер,

портрет, гүлдер, шарлар

Жүрісі: І. Ұйымдастыру бөлімі

ІІ. Негізгі бөлім

Жүргізуші: Қош келдіңіздер, ақ жаулықты аналар, ұлағатты ұстаздар!

Бүгінгі біздің тәрбие сағатымыз көгілдір көктемнің алғашқы

мерекесі 8- наурыз халықаралық әйелдер күніне арналған «Аналар

күнімен» атты тәрбие сағатымзды ашық деп жариялаймыз.

Тәрбие сағатымыз үш бөлімнен тұрады:

1-бөлім Баяндама «Аналар күні»

2-бөлім Әдеби-музыкалық монтаж.

3- бөлім Эстафеталық сайыс.

4-бөлім Сұрақтарға жауап беру.

Баяндама «АНА» осы бір аяулы сөз әрқайсымызға етене жақын,әрі өте қымбат. Осынау қарапайым ғана ұғымға байланысты ықылым замандардан бері қаншама сәнді жырлар туындап, әуезді әндер айтылмады десеңізші. Небір сиқыр сөзден зер төккен, ғажайып баламалардан өрнек салған жезтаңдай шешендердің өзі түптің түбінде осы бір-ақ ауыз сөзге тоқтаған. Олардың бәрі ең асыл, ең жауһар теңеулердің өзі де «Ана» деген сөзді ауыстыра алмайтынын түсінген. «Ана» есімінің осындай құдіреттілігін түсіне отырып,олар: Ананың ақ сүтін ақтау оңай емес деген тоқтамға келген. Ана парызы алтынға бөлеуді, ақ орда салуды қаламайды, ана баласының ер жетіп адал болуын қалайды. Анаға одан артық тарту таралғының керегі жоқ. Қазақ өзі ел болып, халық болып қалыптасқан көне заманнан бері-ақ әйелді, ананы, қыз баланы қатты қадірлеп құрмет тұтуды берік дәстүрге айналдырған халықтардың бірі.Сол ерте дәуірдің шындығын айғақтайтын «Алып анадан туады», «Ананың алды -ақ жайлау»,«Ана алдында құрмет-Ата алдында қызмет»,«Мейірімі мол ананың -жүрегі жылы, қолы кең», «Ананың сүйген жері отқа күймейді, оқ та тимейді»,«Ананаңа ауыр сөз айтпа, атыңа ауыр жүк артпа » т.б дана мақалдар бұған дәлел. Анаға табынбайтын пенде жоқ.тіпті ел жауы да ана алдында бас иген.«Әйел- жерден шыққан жоқ ол да еркектің баласы, ерлер- көктен түскен жоқ әйел оның анасы», дегендей осы жерде отырған баршаңыз анадан туғандықтан барлықтарыңызды бүгінгі көктемнің алғашқы мерекесі халықаралық әйелдер күнімен құттықтаймын. Дендеріңіз сау, өмірлеріңіз ұзақ, еңбектеріңіз жемісті, көңілдеріңіз қазақ даласындай кең, заманымыз тыныш болсын. Баяндамамды осы жерде отырған сыныптас қыздарға, аналарға, ұстаздарға арналған мына бір өлең шумағымен аяқтайын.

Ананың әрбәр сөзі, ой, талабы

Жүректің тереңінде сақталады.

Өсеміз елін сүйген ұландар боп,

Ардақты ана еңбегі ақталады.

2-бөлім: Әдеби-музыкалық монтаж

1-оқушы Айналайын анашым,

Сұлусың жаны асыл.

Мұңыңды менен жасырып

Күндей күліп жанасың.

Бір жақсы іс істесем,

Мақтанасың бірге сен.

Анашым, менің анашым,

Жақсы көрем күнде мен.

2-оқушы: Шабытым шалқып келгенде

Шарықтап самғап қалайын

Жырымнан тізіп ақ маржан

Мойныңа алқа тағайын

Өлеңнен соғып ән мүсін

Тойыңа шашу шашайын

Асылым, анам, сен үшін

Сырымды бүгін ашайын

Ән: Ана туралы жыр

3-оқушы Жамандықтан сақтандырып,

Жақсы ісімді мақтан қылып

Мәпелеген ақ мамамды

Жүрсем деймін шаттандырып

4-оқушы Мен бәріне адалмын

Маған жақсы бар адам.

Барлығынан солардың

Жақынырақ жан адам.

Ән : Анаға сәлем

5-оқушы Еркелесем күлімдейтін

Ұрысқаны білінбейтін

Маңдайымнан иіскеп менің

Құлыншағым, күнім дейтін

6-оқушы Әлемдегі ақылды адам

Бәрінен сол жақын маған

Ол жанымда жүрсе мен де

Батырларша батылданам

Ән: Анаға хат

2-бөлім Эстафеталық сайыс

1-топ 2-топ

1-сайыс Ыдыстағы суды шай қасықпен межелі жерге жеткізу.

2 - сайыс Кітапты төбемізге қойып межелі жерге жеткізу

4-бөлім Сұрақтаррға жауап беру.

1-сұрақ

1. Анаң жұмысқа кетті. Үйде ешкім жоқ.Сен кәмпит алып жеймін деп ең қымбат вазаны сындырып алдың. Сен не істер едің?

2.Наурыз айындағы мерекелерді ата. (8-наурыз, 22-наурыз

2-сұрақ

1. Бүгін сен сыныпта кезекшісің.Сабақ аяқталып, еден жуылды.Кабинетте сенен басқа адам жоқ.Мұғалім үйіне кетіп қалды.Столдың үстіне 50 теңге ақшасын ұмытып кетіпті. Сенің қарның қатты ашып тұр, асханада ыстық самса пісіп жатыр. Сен қайтер едің?

2.Еліміз тәуелсіздігін қашан, қай күні алды? (16-желтоқсан 1991ж)

3-сұрақ

1.Бүгін сенің анаң қатты ауырып жатты. Үйде бөпеңнен басқа адам жоқ. Ал сол күні сыныпта ашық тәрбие сағаты өтеді соған сен жүргізушісің-мұғалім саған сеніп тапсырып отыр.

Сабаққа барайын десең, анаң ауырып жатыр,бармайын десең мұғалімге берген уәдең бар. Осындай жағдайда сен не істер едің?

2. Санды бірге бөлгенде неше шығады? (сол санның өзі шығады)

4 - сұрақ

1.Анаң үйден шығарда ешкімге есік ашпа,ешкімді үйге кіргізбе деп кетті. Біраз уақыттан кейін есік қағылды. Қарасаң қаладан келіп тұрған жақын ағайының екен. Осы сәтте сен не істер едің?

2.Етістіктің шақтарын ата.(осы шақ, келер шақ, өткен шақ)

5-сұрақ

1.Саған көршің хат беріп жіберді. Сен ол хатты оның досына апарып беруің керек. Хат конвертке салынбаған ашық күйде. Сен ол хаттың мазмұнына қызықтың. Хатты ашып оқығың келді. Не істер едің?

2. Қазақ тіліндегі септіктерді ретімен және сұрақтарымен ата.

6-сұрақ

1. Сабақтан үйге келгенде үйде ешкім жоқ екен.Бірақ та ішкі бөлмеде көптеген қызыл-жасылды қораптар тұр: бірі үлкен, бірі кіші. Сен оған қатты қызықтың. Ол туралы айтатын үйде адам жоқ. Сен не істейсің,өз бетіңмен ашып көресің бе?

2. 22-Наурыздағы күн мен түннің ерекшеліктері және мерекедегі айтатын тілектер.

ІІІ. Қонақтарға сөз беру.

ІҮ. Қорытындылау.


© 2010-2022