- Преподавателю
- Начальные классы
- Название разработки: «Тәуелсіздік-теңдесі жоқ байлығым»
Название разработки: «Тәуелсіздік-теңдесі жоқ байлығым»
Раздел | Начальные классы |
Класс | - |
Тип | Конспекты |
Автор | Калмурзина Р.С. |
Дата | 29.12.2014 |
Формат | doc |
Изображения | Нет |
Еркіндікке, бостандыққа үн қосқан,
Гүрілінен қақ айырылған түнгі аспан.
Қазағымның әні болған, жыры болған,
Әнұраным - жан ұраным,
Айтар әнім - сөйлер сөзім
Туған жерім - сағынарым
Мәңгі-бақи шырқалады.
Республикам әнұраным. Барлығымыз орнымыздан тұрып, Мемлекеттік Әнұранды бірге шырқайық. 1 - жүргізуші: Құрметті студенттер! Сіздердің назарларыңызға «» бейнебаянды тамашалау ұсынылады. Тәуелсіздік - ел мұраты. Бұл біздің ұлан байтақ теңіздей Қазақ тарихының басынан кешкендерінің тамшысы ғана болса да, осы 23 жылда Қазақстанның дамып өркендеуін жылдармен өрнектейміз. Тәуелсіздік тұғырым (хронологиялық кесте). Сөз 1пКДО тобының студенттеріне беріледі.
1 студент: 1991 жылы Тәуелсіз Қазақстан елі тұңғыш рет Н.Ә.Назарбаевты президент етіп сайлады. 2 студент: 1992 жылы Қазақстан Республикасының Елтаңбасы, әнұраны, туы туралы заң қабылданды. 3 студент: 1993 жылы 30 тамызда Қазақстан Республикасының Конституциясы қабылданды. 15 қарашада төл теңгеміз алғаш реет айналымға түсті. 4 студент: 1994 жылы Ғарышта қазақтың екінші ғарышкері Т.Мұсабев көк байрақты желбіретті. 5 студент: 1997 жылы «Қазақстан - 2030» стратегиясы қабылданды. 6 студент: 1998 жылы Ақмола атауы Астана деп өзгертілді. Астанада алғаш рет Бәйтерегіміз салынды. 1 студент: 2007жылы төл теңгеміз жаңа түрмен айналымға түсті. 2 студент: 2010 жылы 1-2 желтоқсан Қазақстан тарихында алтын әріптермен жазылып қалатын болды. Дәл осы күні тәуелсіздік сарайында 56 елдің басын қосқан ЕҚЫҰ саммитінің өткізілуі шын мәнінде теңдесі жоқ тарихи оқиға. 3 студент: 30 қаңтар 2011 жылы Қазақстанда VІІ Қысқы Азия ойындары болып өтті. 27 мемлекеттен спортшылар мен делегация қатысты. Қазақстан 70 медаль иеленді. 32 алтын, 17 қола, 21 күміс. 4 студент: 2012 жылы Халықаралық көрмелер бюросының (ХКБ) штаб пәтері орналасқан Париж қаласында осы бір беделді халықаралық ұйымға мүше 161 мемлекеттің 100-ден астамы дауыс беріп, Қазақстан елордасы - Астана қаласы 2017 жылғы Бүкіләлемдік көрмесін өткізетін орталық құрметін жеңіп алды. 017 жылдың 10 маусымы мен 10 қыркүйегі аралығында көрмеге әлемнің 100 елі мен 10 халықаралық ұйымнан 5 миллионға тарта турист келмек. станада 2017 жылы ЭКСПО көрмесін өткізу елорданың, жалпы бүкіл еліміздің экономикалық және инфрақұрылымдық дамуына жаңа серпін береді. 5 студент: ХХХ Жазғы Лондон Олимпиадасында Олимпиада ойындарында Қазақстан құрамасы 115 спортшымен Тұманды Альбионға аттанды. Байрақты бәсекеде ел спортшылары 7 алтын, 1 күміс және 5 қола медальмен 12-нші жалпыкомандалық орынға көтерілді. 6 студент: 2014ж.17 қаңтар күні «Қазақстан жолы - 2050: Бір мақсат, бір мүдде, бір болашақ» атты жолдауын жариялады. Қазақстан жолы - 2050: Бір мақсат, бір мүдде, бір болашақ. 1 студент 2014ж. 11 қараша күні Қазақстан Республикасы Президенті Н.Назарбаевтың «НҰРЛЫ ЖОЛ - БОЛАШАҚҚА БАСТАР ЖОЛ» жолдауы жариялады.
2-жүргізуші: Біз небәрі 23 жыл ішінде аяғымызды нық бастық. Еліміздің тарихындағы барлық жетістіктері, ерекше өрлеуі, рухани эканомикалық еркіндігіміз, әлемдік қоғамдастық пен дүние жүзінің дамыған озық мемлекеттерімен тереземіз тең, дәулетті елдермен бірдей қарым-қатынас жасау жетістіктеріміздің барлығының алтын бастауы-біздің мемлекеттің тәуелсіздігінде. 1-жүргізуші: Ұлан байтақ Қазақстан елі көп ұлтты, көп конфессиялы, әлденеше мәдениеттер тоғысқан мемлекет екені баршаға мәлім. Алла тағаланың жақсылығы және Елбасы Н.Ә.Назарбаевтың бейбітшілік сүйгіш салиқалы саясаты, парасатты басшылығы арқасында мемлекетімізде жүзден астам алуан тіл мен дінді, түрлі діл мен мәдениетті ұлттар мен ұлыстар өзара ауыз бірлік пен ынтымақта тату - тәтті өмір сүріп келеді. Осының ұйытқысы болған Қазақ халқы. Сіздің назарларыңызда «Қазақтың ұлттық биі». Орындайтын 1пКДО тобының студенті Онғарова Назерке. 2-жүргізуші: Қазақстанның осындай жетістіктерге жетуі елбасы Нұрсұлтан Әбішұлы Назарбаевтың салиқалы саясатының жемісі. Нұрсұлтан Әбішұлы Назарбаев - әлем мойындаған бүгінгі заман лидері тұлғасында көруге мүмкіндік аламыз. Еліміздің қалыптасу және даму тарихы Мемлекет басшысының қызметімен тікелей байланысты. Қазақстан қысқа мерзім ішінде дамыған нарықтық экономикасы және азаматтық қоғамы бар өркендеген мемлекетке, халықаралық сахнада өз орны бар салмақты және жауапты елге Еліміздің тыныштығы мен қауіпсіздігі, көп ұлтты Қазақстан халқының жарастығы мен ынтымақтастығы Президентіміздің жүргізіп отырған парасатты көреген саясатының нәтижесі.
1-жүргізуші: Көрермендерге сұрақ: Елбасымыздың мұраты не деп ойлайсыңдар?
1.Елбасы мұраты не?
2.Елбасы мұратын қалай түсінеміз?
3.Еліміздің одан әрі көркейуіне қандай үлес қосар едің.
2-жүргізуші: Елбасына арналған өлең-шумақтарға кезек береміз.
1студенті С.Шадиярова.
2 студенті Ж.Худжанова.
1-жүргізуші: Көрермендерге сұрақ. Сен білесің бе...?» 1.Н.Назарбаев өз халқына ең алғаш жолдауды қай жылы жолдады? (1997 жылы) 2.Саммит қай жылы өтті және оған неше елдің басшылары қатысты? (2011 ж.56 елдің) 3.Тәуелсіздікке неше жыл толып отыр? (20 жыл толды) 4.Ұлттық әл-ауқат деңгейі жөнінен әлем мемлекеттерінің рейтингінде Қазақстан нешінші орында? (50-ші орында) 5.Н.Назарбаев қай жылғы жолдауында «Индустриялық-инновациялық даму бағдарламасын» жасады? (2010 ж.қаңтарында) 6.Қазақстан алғаш рет қандай заң қабылдады? («Мемлекеттік бақылау мен қадағалау туралы»заң) 7.Осы заңның аясында үкімет немен күрес жүргізіп жатыр? (Сыбайлас жемқорлықпен) 8.«Қазақстан бизнес мүддесі үшін реформа жүргізуде көшбасшы»- деп қай жылы айтылды? (2010 ж) 9.Елбасымыздың жолдауының басты мақсаты не? (халықтың әл-ауқатын нығайту)
2-жүргізуші: 2014 жыл 11 қараша күні Елбасы Н.Назарбаев Қазақстан халқына «Нұрлы жол - болашаққа бастар жол» атты жолдауын жолдады. Бұл Жолдау қысқа әрі нақты болғанын атап өту қажет Сөйтіп, халықты өзіне қарашада қаратқан биылғы Жолдау - «Нұрлы жол» деп аталды. Жаңа экономикалық саясат - жаһандық қауіп-қатерлерге қарсы тұра алатын ауқымды бағдарлама болмақ.
Енді кезекті Елбасы Жолдауының бағыттарына туралы 3пк және 3кКДО топтарынын студенттеріне сөз берейік.
Бірінші. Көліктік-логистикалық инфрақұрылымдарды дамыту. Жолдар салуға 70 млрд. теңге бөлінетіні нақ осындай ойларға жетелейді емес пе? Астанадан тарам-тарам жолдардың басталуы - жүректен шыққан тамырларының бейнесіндей болады деген образ да маған жақсы әсер етті. Халық арасында «жол - өмір» деген сөз де бар ғой. Және бұл жол шын мәнінде бәріне өмір беретін, жақсы тұрмысқа жеткізетін жолдар болмақ. Оған жолдарды салу барысында жаңадан 200 мыңдай жұмыс орындары ашылады деген сөз де дәлел емес пе? Екінші. Индустриялық инфрақұрылы. Елбасының биылғы Жолдауында басты назар еліміздің инфрақұрылымын дамыту мәселесіне бағытталды. Үшінші. Энергетикалық инфрақұрылымдарды дамыту. Төртінші. ТКШ мен су және жылумен қамтамасыз ету желілері инфрақұрылымдарын жаңғырту. Бесінші. Тұрғын үй инфрақұрылымдарын нығайту. Алтыншы. Әлеуметтік инфрақұрылымдарды дамыту.
Жетінші. Шағын және орта бизнес пен іскерлік белсенділікті қолдау бойынша жұмысты жалғастыру қажет. Елбасы қолдан келетін мақсаттарды алға қойды. Мемлекетіміздің әл-ауқатын арттыруда шағын және орта бизнеске ерекше маңыз беріледі.
1 жүргізуші: Жолдауда басты орын адамдарға жан-жақты қамқорлық жасауға, өмір сапасын жақсартуға, тұтастай алғанда, қазақстандықтардың әл-ауқатын нығайтуға беріліп отыр.
Бүгінгі күні әлеуметтік саладағы ең өзекті мәселелердің бірі - мектептердің жаңадан салынуы. Апаттық жағдайдағы, үш ауысымды мектептердің орнына жаңасын салу өте маңызды жұмыс. Елбасы тапсырмасы бойынша жаңа Жолдауға сәйкес, тек білім саласына 100 млрд теңге қосымша бөлінеді. Бұл деген - балалардың жағдайының жақсаруы, оқу сапасының артуы. 1 жүргізуші: Осыған орай, Жолдаудағы жалға берілетін әлеуметтік тұрғын үйді дамыту туралы ережені айрықша атап өткім келеді. Бұл қадам бүгінде ел халқының ширегінен астамын құрайтын Қазақстанның болашағы - жастарға деген қамқорлыққа бағытталған.
2 жүргізуші: Жас отбасылардың баспаналы болуына жәрдем ететін бағдарлама қабылдауды тапсырғанын да айтуымыз керек. Бұған дейін де жас отбасыларды баспанамен қамтуға қатысты бірнеше Үкіметтің бағдарламасы осындай Елбасының Жолдауларында айтылған. 1 жүргізуші:
Келесі кезекті «Мен президент болсам халыққа Жолдауым…» атты ойынына берейік. Жүргізетін С.Какимова 4аКШО тобының студенті. Оқушыларға өз ойларын айтқызу. 2 жүргізуші: Сіздің назарларыңызға 3пк және 3кКДО топтарынын студенттерінін орындауында патриоттық би флеш-моб ұсынылады.
Қорытынды. 1 жүргізуші: Елдің біртұтастығы мен тыныштығын сақтауға талай алаш азаматтары қарапайым халықтың өзі де жандарын пида еткен. Тәуелсіздік деген ұлы жеңіске қол жеткізуде әлі де жаңғырып тұрған кешегі Ата - бабамыздың егемендік үшін зардап шегуге дайын екендігін көрсете білуі барша халыққа сенім мен жігер берген болатын. Құрметті студенттер қазір «Тәуелсіздік саған не берді, Сен тәуелсіздікке не бердің?»… сұрақтарға жауап беруінізді, ойларынызды тыңдасақ.
- Сан ғасырлар бойы армандаған биыл тәуелсіздігімізге 23 жыл толып отыр. Тарих таразысынан өлшесек бұл аз да емес, көп те емес. Біз өмірге тәуелсіздік алғаннан кейін келдік. Қазіргі уақытта жастарға барлық жағдай жасалған. Жастарға берілген мүмкіндікті пайдаланып, оқып, білім алуымыз керек. Қолдағы бар алтынды бағалауымыз қажет. Ендігі кезекте барлық қазақстандықтар үш тілді еркін меңгеріп, бірлікте, татулықта өмір сүруі қажет. Сонда ғана біздерді ешқандай жау ала алмайды. Болашақтағы арманым ұстаз болып, халқыма қызмет ету.
- Мен тәуелсіздікке бергеннен қарағанда, тәуелсіздік маған көп нәрсе берді. Ең бастысы ата - анам мені бейбітшілік заманда дүниеге әкелді. Мен тәуелсіздіктің жарқыраған таңында жарық дүниенің есігін ашқаным үшін бақытты ұрпақ екенімді түсінемін. Аллаға шүкір, бүгінгі таңда біз не ішеміз, не киеміз, қайда барамыз деп бас қатырмаймыз. Өйткені демократиялық қоғамда барлық жағдай жасалып отыр.
- Иә, Күнсұлу сенің айтқан пікіріне қосыламын. Тәуелсіздік бізше еркіндігімен қымбат. Биыл менің қатарластарым алтын ұя колледжімізбен қоштасып, үлкен өмірге қадам басады. Алдымызда сан тарау жол мен өткел тұр. Біздердің деніміз сау, білімді болсақ, барлық қамалды бұзып, биік мақсатқа жетіп, ұрпақ тәрбиесіне өз үлесімізді аянбай қосамыз.
- Дария сенің ойынды әрі қарай жалғастырғым келіп отыр. Біз небәрі жиырма үш жастағы жас мемлекет болсақтағы осы 23 жыл ішінде Азияның жолбарыстары, Еуроодақ елдері, әлемнің дамыған азулы, алпауыт елдері тамсанып, қызыға қарайтындай біраз ізгі істер атқардық. Әрине, әлемге Қазақстанды бейбітшілікті сүйетін ел ретінде танытқан, елімде Тәуелсіздіктің туын желбіреткен ел бастаған, ел қостаған, ел қалаған елбасы Н.Ә.Назарбаевтың арқасында мұндай ауыз толтырып айтарлықтай жетістіктерге жеттік. Ендігі кезекте бостандықтың қадірін түсініп, еліміздің еңсесін тік көтеріп, игі істерге жол бастайық.
- Жоғарыда құрбыларым тәуелсіздік бізге не бергенін айтып жатыр. Ал мен болсам өзім 4 жыл бойы білім алған алтын ұям колледжімнің жетістіктерін айтқым келеді. Осыдан 20 жыл бұрын педучилище болды. Кейінен колледж болып ауыстырылды. Қазіргі таңда 100 жылдық тарихы бар оқу орнында ана тілімде білім алып жатқаныма мақтанамын. Осы ретте ұстаздар қауымына барлық биылғы колледж бітірушілердің атынан рахметімді айтамын. Әсіресе, педагогика ғылымдарының докторы, академик Шалқыма Хайроллақызы Құрманалина, топ жетекшіміз Райса Қасымқызы, пән мұғалімдері Гүлнар Сырымқызына, Ақкүміс Аманбаеваға, Асима Мұратқызы секілді ұстаздарға ерекше алғыс білдіреміз.
- Иә, расында да тәуелсіздік бізге Отан, Жер, Тіл, Еркіндік берді. Жақында Оралхан Бөкей көркемсөз оқу қалалық сайысында бірінші орынды жеңіп алдым. Жастаймынан өнерді сүйемін. Қазақ тілі мен әдебиеті пәнін қызығып оқимын. Келешекте өнер жолын таңдап, шетелге қазақ өнері арқылы танытқым келеді. Әрине айта берсек тәуелсіздіктің бізге бергені көп, қайта керісінше біз аз берген сияқтымыз. Алайда біз әлі жаспыз, сондықтан алдағы уақытта еліміздің дамуына үлес қосамыз. Біздер -егеменді еліміздің тізгінін ұстайтын жастармыз. Сондықтан жастарға өздерін нащақорлықтан, маскүнемдіктен бойларын аулақ ұстағандары дұрыс деп ойлаймын. Мәртебең асқақ, бақытың мәңгілік болсын деймін, туған елім.
- Қазақстанның әлемдегі барынша дамыған 50 мемлекеттің қатарына кіру жөніндегі барлық ойлар мен жоспарларды қисынды қорытындысына жеткізетін де жастар болмақ. Жастардың білімдері, күш-жігерлері мен еңбектері күшті де өркенді Қазақстанды орнатуға жұмыс істейтініне сенімім мол. Еркін елде өскен ұрпақтың рухы әрдайым биік болуы тиіс. Жастары жалын жүректі, өршіл намысты, биік рухты болса - ол елдің еңсесі де биік болады. Әр сабағымызда міндетті түрде тәуелсіздік туралы айтып өтеміз. Ұстаз ретінде ұлтжанды, елім деп еңіреп тұрған жастарды тәрбиелеу міндетіміз. Мен де, Мағжан Жұмабаев секілді, жастарға сенемін.
-Білімді ұрпақ
-Тәрбиелі ұл-қыз
-Салт -сананы ұстанған ұрпақ
-Ата-ананы құрметтейтін саналы ұрпақ
-Отанын шын сүйетін патриоттар Біздің Қазқастан Республикасы жылдан-жылға, күннен-күнге өркендеп, өсіп кеңейіп, гүлденіп келеді. Олай болса, Үлкендерден ақ тілек тілейік! Құрметті ұстаздарға сөз беріледі. 2 жүргізуші:
Ендігі тілегіміз тәуелсіздігіміздің туын көкке көтерер, еліміздің көк байрағын желбіретер, ата - бабаларымыздың асыл мұраттарын асқақтатар бүгінгі жас ұрпақ, ертеңгі еліміздің тізгінін ұстар жастарымыз өз жерімізді, өз елімізді қадірлеуге, сүюге тиіс екендігін естен шығармаса екен дейміз. Еңселі еліміздің ертеңі сендердің қолдарыңда. Қазақстанды биікке жетелеңіздер, жеткізіңіздер. Жарқын болашаққа қадам басып келе жатқан халқымыз үшін Тәуелсіздігіміз мәңгі жасай берсін! ТӘУЕЛСІЗДІК ЖАСАЙ БЕРСІН! Ән «Атамекен». 1 жүргізуші:
Елімізде тыныштық, әлемде бейбітшілік болып, егеменді елдігіміз ұзағынан
болсын дей отырып бүгінгі ашық тәрбие сағатымызды аяқтаймыз.