Ашық сабақ Қ дыбысы және әрпі мектепалды даярлық тобы

Бекітемін: Оқу ісінің меңгерушісі

Білім беру саласы

Қатынас

Тобы

Мектепалды даярлық тобы

Күн, айы, жылы

24.12.2014

Бөлімдер:

Сауат ашу және жазу негіздері

Тақырыбы:

Қ дыбысы және әрпі

Әдісі:

Сұрақ- жауап, түсіндіру

Мақсаты:

Балаларды Қ дыбысымен таныстыру.

Дыбыс саны мен түріне сәйкес келетін сөздерді іздету арқылы сөздік қорларын, ойлау қабілеттерін жетілдіру.

Туған жерге сүйіспеншілік сезімдерін тәрбиелеу.

Билингвальді компонент

Қазақстан-Казакстан

Көрнекіліктер

Әртүрлі ұлт балалары мен күннің суреті, қорапшадағы айна мен арпа дәндері

Әрекет кезедері

Тәрбиешінің іс әрекеті

Баланың іс- әрекеті

Мотивациялық қозғаушы

-Балалар,бәріңіз шаттық шеңберіне тұрыңдар. «Амансыңдар ма, достарым!»

Балалар бір-бірлеріңе қолдарыңды созып, шын жүректен амандасыңдар.

-Балалар, менің сендерге бір ертегі айтып бергім келіп отыр. Ол ертегінің не туралы екенін мен дыбыстар белгісімен жазып қойдым. Дұрыс тапсаңдар, ертегіні айтып беремін.

Тақтада ілулі тұрған 3 дыбыстан тұратын сөз белгісін көрсетеді.

-Бұл сөз қанша дыбыстан басталады?

-Бұл сөзде қанша дауысты, қанша дауыссыз дыбыс бар?

-Сөз қандай дыбыстан басталып тұр?

-Бұл қандай сөздеп ойлайсыңдар?

Балалардың жауаптарын тыңдап қатесін түзетіп, дұрысын мадақтау. Егерде таба алмаса балаларға көмектем.

-Балалар дұрыс айтасыңдар, бұл «күн» деген сөз. Яғни менің ертегім күн туралы екен.

Балалар шаттың шеберіне тұрып, бірі- бірімен амандасады.

-Сәлеметсің бе, Айкөркем?

-Амансың ба, Ерасыл?

Тақтадағы сөз белгісіне назар аударады.

Сұрақтарға жауап береді.

-Сөз 3 дыбыстан тұрады.

-Сөзде 2 дауыссыз және 1 дауысты дыбыс бар.

-Сөз дауыссыз дыбыстан басталып тұр.

Ұйымдастыру кезеңі

Тақтаға күннің суретін іліп, оқу іс-әрекетін бастайды.

«Бұл оқиға ерте көктемнің ағарып атқан бір таңында басталған еді. Әдеттегідей күндізгі саяхатына шыққан Ару Күн жанына өзінің көңілді де, көрікті, ерке шуақтарын ертіп алған. Тұнғиық көк жүзінде қалқып жүрген Ару Күн бірде түрлі бояуға малынып құлпырған, әдемілігін суреттеуге тіл жетпейтін жұмақтай жайлы жерді көреді.

Мың құбылған мынау неткен,

Алуан түсті ғажап мекен!

Бұдан асқан, жұпар шашқан,

Керемет жер бар ма екен?!-

Деп сұлулыққа қайран қалған Ару Күн өзінің ерке шуақтарын осы бір ғажап жердің тұрғындарын тауып келуге жұмсайды.

(Тақтада ілулі тұрған күннің астына әр ұлтөкілдерінің балаларының суретін ілу)

Ару Күн жүздері бақыттан жайнаған балдай тәтті балалардан сұрайды:

Бейне жазған текемет,

Бұл қандай жер керемет?!

Тұнып тұрған гүлдерге,

Кім тұрады бұл жерде?

Сонда балалар былай деп жауап береді.

-Бұл ғажайып жердің аты-ҚАЗАҚСТАН! Қазақстанда бір-біріне бақыт тілейтін, бір-біріне шаттық сыйлайтын бақытты жандар тұрады. Олар туған жерін керемет жақсы көреді.

Содан бері Ару Күн осы бір ғажап өлкеге өзінің жылуын бұрынғыданда көбірек төгетін болыпты».

-Балалар, сендерге ертегі ұнады ма? Ару Күн сұлулығына тамсанған ғажап жер қалай аталады?

-Қазақстан дегенде қандай дыбыстан басталады?

-Барлығымыз бірге, хормен айтып көрейік.

-Қ-қ-қ-қ

-Қалай айтылып тұр?

-Олай болса қандай дыбыс?

-Қандай текшемен белгілейміз?

Дәптермен жұмыс.

-Балалар, дәптеріміздегі суретке қарап атын атаңдар, неше әріп бар, оның нешеуі дауысты, нешеуі дауыссыз дыбыстар?

Кел, оқиық

Тақтаға кеспе әріптерді қойыпоқыту.

Кел, жазайық

Дәптердегі жазу жұмысын орындату.

Берілген оюды торкөздің ішіне салдыру.

Сергіту сәті:

Аппақ-аппақ қар жауды,

Ұмытайық жаурауды.

Қолдарыңды беріңдер,

Секірейік, келіңдер.

Ребусты шешу.

Қ ара

Саусақ жаттығуы

Қ әрпінен қорапшадағы арпа дәндерімен жаздыру.

Ертегі тыңдайды.

Өлең жролдарын қайталап айтады.

Әр ұлт балаларының суретін тамашалайды.

Өлең жолдарын қайталап айтады.

-«Қазақстан» сөзі «Қ» дыбысынан басталады.

Қ дыбысы дауыссыз, көктекшемен белгілейді.

Суретке қарап атын атайды, неше әріп, оның нешеуі дауысты, нешеуі дауыссыз екенін айтады.

-Ақ, қа, қу

Балалар Қ әріптерін жазу, торкөздегі оюды салу.

Сергіту жаттығуын қимылмен көрсету.

-Қара

Арпамен Қ дыбысын жазғызу.

Қорытындылау

-Бүгінгі сабақта қандай ертегі тыңдадыңдар?

-Қандай әріппен таныстырыңдар?

-«Қазақстан» деген ғажайып жерде сендер сияты ақылды балалардың көп екеніне мен сондай қуаныштымын!

Балалар қойылған сұрақтарға жауап береді.

Күтілетін нәтиже

Білуі

Қ дыбысының дауыссыз дыбыс екенін.

Меңгергені

Туған жердің кереметтігін, тыныштық саусақтың маңызды екендігін

Жасай алуы

Қ әрпін танып, көрсете білуі