Қош бол, құтты әліппем!

№39 қазақ орта мектебі

Тәрбие сағаты

Тақырыбы: "Қош бол, құтты Әліппем"

Өткізген: Кобанова С.А

2014-2015 оқу жылы

Тақырыбы: "Қош бол, құтты Әліппем!"

Мақсаты: Оқушылардың ең алғаш сауат ашқан сүйікті кітаптары әліппені қалай меңгергендіктерін,әріпті қалай танығандықтарын қорытындылау.

Көрнекілігі: шарлар,үнтаспа,бейнетаспа,қанатты сөздер.

1. Хор: "Ұмытпаспын ұстазым"

Такежан: Саламатсыздар ма,құрметті ұстаздар! Бүгінгі 1 сынып оқушыларының "Қош бол,құтты Әліппем!" атты ертеңгілігіне келіп отырсыздар. Әліппені бітіру алдыңғы өмірге бастайтын белестердің бірі.Сондықтан бүгінгі ертеңгілік сіздермен біздер үшін ортақ та салтанатты мереке.

Алия: Армысыздар, бүгінгі кештің қонақтары!

Такежан: Бүгін ең алғаш білім жолында табысқан сырлас досымыз,аяулы оқулығымыз Әліппе.

Алия: Тұңғыш рет санамызға білім дәнін еккен,әріптермен таныстырған білім тұтқасы Әліппе.

Такежан: Қош бол,құтты Әліппем! атты қымбатты әліппемен қоштасу сәтіне...

Хормен: Қош келіпсіздер!

Алия: Иә,кеше ғана жұдырықтай жүрегіміз лүпіл қағып,мектеп табалдырығын жүрексініп аттап едік.

Такежан: Дұрыс айтасың,Алия. Сол сәттерді еске түсірсек қалай болады. (Бейнебаян)

Алия: Қолымызға әліппені алып,әріп танып едік. Енді міне сол әліппемен қоштасқалы отырмыз. Сол ертеңгілігімізге келген құрметті қонақтар ішінде осы білім ордасының басшысы Амитжанова Индира Базаралықызына сөз береміз.

Алия: Такежан, әліппе дегеніміз не?

Такежан: Әліппе- білім теңізінің кемесі.

Алия: Әліппенің кемеге қандай қатысы бар?

Такежан: Қазақта талай данышпан,ғалымдар,тіпті бүгінгі тұңғыш президентіміз де білім теңізінің кемесінен терең білім алып шыққан. Ал, әліппе кеменің алғашқы сатысы.

Алия: Ойбу,қонақтарымыз күтіп қалды ғой,кешімізді бастайық!

Ендеше жылдамдатып білім теңізіндегі "Әліппе" кемесін ортаға шақырайық. (Музыка әуенімен ортаға оқушылар шығады)

Такежан: Адамзат тек біліммен жарасады

Сол арқылы биікпен таласады.

Ғалым,ақын,данышпан,дарынды да

Әліппемен барлығы жол ашады.

Алия: Биік шың деп дұрыс айттың асқаралы,

Гүлденеді біліммен жастар жаны.

Келісемін құрбым-ау пікіріңмен,

Әліппемен барлығы басталады.

Такежан: Оқушалардан сұрап көрейінші!

Іші толы әріпке,

Білімдегі жарық не?

Оқушылар: Болашаққа жол ашар

Ол сүйікті Әліппе!

Алия: Ендеше,Әліппені ортаға шақырайық!

Оқушылар: Әліппе,Әліппе!

Әліппе Бекхан: Армысыздар жас достар!

Армысыздар ата-ана

Болашаққа жол бастар

Әліппең келді ортаға

Мерекеңмен құттықтаймын

Бүлдіршіндер,балғандар!

Жақсы білім көрімдік,

Болсын сізге халайық

Не үйрендік,не білдік?

Қане ортаға салайық.

Такежан: Аса құрметті Әліппе! Сіз әліде келер ұрпаққа керек ұлтымыздың асыл қазынасы боласыз. Сондықтан,сіз шаршамаңыз, ұстазымыздың жанына жайғасыңыз,төрлетіңіз.

Ән Бақытжан: "Мектеп"

Омар: Ана-әке атын сен

Бізге үйреттің Әліппе

Бәрін нағыз жақсының

Сенен білдік Әліппе.

Дильназ: Бүкіл қазақ баласы дәріптеген

Қоштаспақпыз сүйікті Әліппемен

Ризамыз, бәрімізіді тансытарған,

Сөз бен дыбыс, әр түрлі әріптермен.

Ұлан: Әліппем менің,Әліппем

Сені қолға алып мен

Есігін аштым мектептің

Ертеңгі сәуле жарықпен.

Сабина: Көздері қорықты

Кіші мен ұлықта

Таныған әріпті

Бірінші сыныпта.

Мирас: Бәрінен жоғары

Тұратын рухта

Кеудеге қонады

Бірінші сыныпта.

Даниль: Ардақты арайлы,

Салт-дәстүр ғұрыпта

Бойыңа тарайды

Бірінші сыныпта.

Сымбат: Таң атып,күн шығып

Бұғады тұныққа

Біл сырын құлшынып

Бірінші сыныпта

Медена: Біртіндеп бойлайсың

Тұнса әлем тұныққа

Ғалымша ойлайсың

Бірінші сыныпта

Асқанда асқарда

Ұяңды ұмытпа

Ұлы арман басталған

Бірінші сыныпта

Мерлана: Әліппе деген алтын жол

Апарар сені алысқа

Жеңіл емес ауыр жол

Тырмысып бақ намысқа.

Хор: "Қош бол Әліппе"

Адия: Мың бұрала билеген

Шаршауды білмеген

Қарсы алайық кәніки

Қуыршақ биін көрермен.

Такежан: Альфавиттер шығыңдар!

Орындарыңа тұрыңдар

Бастайық кәне айтысты

Жібермейік намысты. (ортаға альфавиттер шығады)

Адия: А-ны айтқанда дауысым дірілдейді

Ұстазым көз алдыма күлімдеді

Күн сайын әріптердің атын біліп

Сөз оқимын айырып,буынды енді.

Аянат: Әдептілік - дегенің

Әрқашанда керегің

Әсемпаздық дегенің

Әуре -сарсаң әлегің.

Али: Балбұлақтың басында

Бір бәйтерек қасында

Бұлан,бұғы келіпті

Бір-біріне кезекті.

Алибек: Астанада өтпекші

Валейболдың жарысы

Жеңіске сонда жетпекші

Досымның барған мәнісі.

Бекжан: Гүлсім гармон ұсынды

Гүлшат берді мүсінді

Бәрін фото суретке

Гүлбану келіп түсірді.

Аружан: Дина келді Данаға

Дереу шық деп далаға

Дүкен жасап ойнаймыз

Деді анау араға.

Нүркен: Қиындықтан қорықпа

Қаймығып еш торықпа

Қайратың мен жігерің

Қол қанатың жорықта

Ернар: Отан - менің ата-анам

Отан-досым бауырым

Отан-өлкем,Астанам

Отан-туған ауылым.

Дидар: Киіз үйдің уығы

Балықтың уылдырығы

"У" әріпінен басталар

Алғашқы сүттің уызы.

Ән "Есеп сабағы"

Алия: Ал,қазір уақыт біраз жерге таяп қалағандықтан "Ана тілін" шақырып,Әліппемен қоштасып шығарып салайық.

Такежан:Әрине,шығарып саламыз.

Алия: Достарым менің,енді Әліппеміздің жолын жалғастырып, білімдеріңізге білім құятын "Ана тілі" пәнін ортаға шақырайық.

Ана тілі.Сымбат: Сәлеметсіздер ме, балалар?

Туған елдің тілімін

Ақылы мен таңымын

Түсіндірер бәріне

Ана тілі пәнімін.

Ана тілің - арың бұл

Ұятың боп тұр бетте

Өзге тілдің бәрін біл

Өз тіліңді құрметте.

Такежан: Ортамызға Әліппені шақырып,батасын алып, шығарып салайық.

Бекхан: Әліппенің бетін жарық ет,

Ұл-қызды түгел білімді ет!

Келесі оқу-жылына

Аман-есен түгел жет!

"5" болсын алар бағаңыз! Аумин!

Алия:Ал,балалар Әліппені шығарып салмаймыз ба? Қане, бір,екі,үш Қош бол Әліппе! (Ана тілін Әліппенің орнына жүргізушілер екі жағынан ұстап отырғызады)

Бақытжан: Ұстаз десек көреміз қасиетін

Ұстаз десек елжіреп тас иетін

Ұстаз десек аспаннан күн күлімдеп,

Құдірет ол барша жан бас иетін.

Мерлана: Ең алғаш алғанымда әліппені

Қызығып қарай бердім әріптерді

Мен үшін жұмбақ болып қалар ма еді

Ұстазым оның кілтін алып берді.

Нұрсұлтан: Қымбат оған шәкірттің самғағаны

Үзілмеген жүректен арман әні

Тебірентіп жүректі толқытатын

Ұстазыма бұл әнім арналады.

Ән: "Жарқын жүзді ұстазым"

Такежан: Мектеп-кеме, білім-теңіз,

Барар жерге тез жетеміз

Ана тілді қолға алып,

Азамат боп ер жетеміз.

(Музыка ойнап тұрады)

Алия: Келесі сөз кезегімізді ұстазымызға берейік.

Ата-аналардың құттықтау сөзі,

Оқушыларға сыйлық тапсыру.

Өтетін күні: 27.12.2014 жыл

Өтетін уақыты: 10:30

Өтетін орны: 105 кабинет, 1-қабат.