7 санын қосу және азайту

Алматы облысы,Іле ауданы, Боралдай кенті

«№39 гимназия мектепке дейінгі шағын орталығымен» мемлекеттік коммуналдық мекемесі

Ашық сабақ

Тақырыбы: «7 санын қосу және азайту».

Өткізген: Хамитова Д.А.

1 «В» сынып

Күні 04.02.2014

Пәні математика Сабақтың тақырыбы: 7 санын қосу және азайту. Сабақтың мақсаты:

1. Білімділік: Оқушыларға 7 санын қосу және азайту тәсілдерімен таныстыра отырып, оқушылардың шапшаң есептеу дағдыларын қалыптастыру. Киелі 7 санның ұғымына түсінік беру.
2. Дамытушылық: Алған білімдерін саралау, санды санға қосуға, саннан санды азайтуға үйрету. Белгісіз санды азайтуға төсілдіру. Ойлау, есте сақтау қабілеттерін, ауызша есептеу дағдыларын, логикалық ойлау қабілеттерін дамыту.
3. Тәрбиелік: Еңбекқорлыққа, достыққа, мейірімділікке тәрбиелеу.

Сабақтың барысы

І. Ұйымдастыру кезеңі. 2 мин. Психологиялық дайындық

Мұғалім:

Қош келдіңдер, балалар,

Дайынбыз ба сабаққа?

Бар ма үйден дайындық,

Тапсырмаңыз дұрыс па?

Оқушылар:

Ойымызды айтайық,

Білімімізді байқайық.

Мына отырған ұстаздар,

Қалсын бір сәт марқайып.

• Қазір бізде қай сабақ?

• Балалар бүгін біздің сабағымыз өзгеше болмақ.

• Біз қонаққа сиқырлы тақтаға келдік. Білгенімізді, үйренгенімізді ортаға салайық.

• Сабағымыз өзгеше болғандықтан сіздерді мен өзгеше бағалаймын.

• Әр қашанда сіздер тек бес қана алу үшін, бес жұлдыз фигураны сабақта жақсы жауап бергендерге таратып отырамын.

• Балалар өткен сабақта математика пәнінен қандай тақырыппен таныстық?

• Үйге қандай тапсырма берілді?

ІІ. Үй тапсырмасын тексеру. 5-10 мин.

А) 132 -беттегі №4.

4+2+3=9 5+4+1=10 10+0-7=3

7-5+1=3 9-2-2=5 4-3+8=9

Сұрақ -жауап

• 6 санның қосу кестесін, 6 санның азайту кестесін еске түсірейік

• Қосылғыштың компоненттерін ата?

• Азайтқыштың компоненттерін ата?

ІІІ. Білімді жан - жақты сұрау, тексеру кезеңі. 3 мин.

«Келіңдер бірге ойнайық»

2 3 4 5 6

1 1 1 2 2 2 1 4 3 3

Дұрыс санды көрсетіңдер

• Қай сан 4-тен кем, ал 2-ден артық?

1. 2 3 4 5 6 7 8 9 10

• Қай сан 6-дан артық, бірақ 8-ден кем?

1. 2 3 4 5 6 7 8 9 10

IV. Жаңа материалды үйренуге дайынлық. 3 мин.

«Жұмбақ өлең шешейік»

Жаңылмастан жетеуі

Кезек қызмет етеді

(«апта» 7 күн)

• Балалар біз қандай санға байланысты жұмбақ шештік.

• Ендеше, бүгінгі сабағымыздың тақырыбы 7 санын қосу және азайту.

V. Жаңа материалды түсіндіру, қабылдау кезеңі. 15-20 мин.

Түсіндірме

7 саны туралы не білеміз?

Мен сендерді 7 санына байланысты ұғымдарымен таныстырып кетейін. Қазақ халқы ертеден келе жатқан 7 санына байланысты ұғымдарды қасиетті, киелі сан деп санайтын.

7 - тақ сан

7 - бірліктен тұрады

7. апта: Әр адам жеті атаға дейін туыс саналады.

1.Ата 2. Әке 3. Бала 4. Немере 5. Шөбере 6. Шөпшек 7. Немене

7 шелпек: Жұма күні ең жақын туыстардың аруағына бағыштап жеті шелпек пісіріп таратады.

7. күн: 1 аптаны айтуға болады.

1. Дүйсенбі 2. Сейсенбі 3. Сәрсенбі 4. Бейсенбі 5. Жұма

6. Сенбі 7. Жексенбі

- Қыс бітіп қай мезгіл басталды?

- Көктем

- Көктем айларын атап жіберіңдерші?

- Бүгін көктемнің қай қай айы?

- күн ретін атап кету.

- Наурыз айында қандай мерекелер болады?

- наурыз көженің жеті тағамын атап кету.

7 күн

7 жұт 7 шелпек

7 қазына 7 7 апта

7 түс 7 жетім

7 қасиет

Көрнекі құралдың көмегімен 7 санын қосу және азайту тәсілін түсіндіру.

1 2 3 8 9 10

+7 -7

Суретпен жұмыс:

• Суреттен нені көріп тұрмыз?

• Қандай түсті шарлар?

• Қанша шар?

• Шардағы сандарға назар аударайық?

• Ол бойынша не айтуға болады?

• Балалар оқулыққа назар аударайық.

• Оқулықпен бірге дәптермен жұмыс жасаймыз.

Оқулықпен жұмыс:

+ 7 = - 7 =

+ 7 = - 7 =

+ 7 = - 7 =

Ережені қайталап айтып кету.

• Қосылғыштардың орны ауысқанымен қосындының мәні өзгермейді.

Сергіту сәтін өткізу.

• Балалар бізге бір аптаға жеті күнге жоспар құрылып тұр. Сол әр күннің жоспарын іске асыруымыз керек.

1 күн Дүйсенбінің тапсырмасы:

№2 көк және қызыл кесінділер ұзындықтарының айырмасын қызыл және жасыл кесінділер ұзындықтарының қосындысымен салыстыр.

9 см - 7 см =2 см

7 см +3 см = 10 см

2. см ˂ 10 см

№3 есеп құрастыр және шығар:

• Балалар біз күнде 2 ші сабақтан кейін қайда барамыз? Онда не жасаймыз?

• Тамақты немен ішеміз?

• Шайға ше?

• Қасық неден жасалған?

• Оларды кім жасайды?

• Осы қасыққа байланысты есеп шығарып көрейік?

• Есепті шығару үшін қандай амал пайдаланамыз?

Үлкен қасық - 10 ? артық

Кіші қасық - 7

Шешуі: 10 - 7 = 3

Жауабы: 3 үш үлкен қасық артық

3 күн Сәрсенбінің тапсырмасы:

№4

9 - 3 9 - 4 9 - 5 9 - 6 7 8 9

Азайғыштарды салыстыр.

Азайтқыштарды салыстыр.

Осыған ұқсас тағы бірнеше айырма жаз.

Олардың мәндерін салыстыр.

№6 Жауабын ата.

Зообақта болғанда

Құмда ойнаған үшеуін,

Әткеншек тепкен екеуін,

Арқаларын қыздырып

Отырған тағы үшеуін

Көріп қалып, санадым.

Қанша маймыл байқадым? (8)

VІ. Жаңа материалды түсінгенін тексеру кезеңі 3 мин

4 күн Бейсенбінің тапсырмасы:

Сұраққа жауап бер

1. Айнур 4 ақ гүл және 3 қызыл гүл сатып алды. Айнурда барлығы неше гүл?

2. Азайғышы 7 болатын қандай айырма құруға болады. (Ауызша орында)

5 күн Жұманың тапсырмасы:

Нәтижесі 7 -ге тең болатын қосу амалына мысалдар құрастыру:

+ 1 = 7 + 3 = 7 5 + = 7 + 0 =7

6 күн Сенбінің тапсырмасы:

Орындықтардың нөмірлерін анықта.

2 4 7 5

2 3 6 7

7 күн Жексенбінің тапсырмасы:

Сиқырлы дөңгелектерді аш.

2+7 8-7

9-7 7-6 7-3

3+7

1+7 7+5 4+6

10-7

VІІ. Жаңа материалды бекіту және оқушылар білімін бағалау 2 мин

• Балалар бүгінгі сабаққа не үйрендік?

• Қандай санды қосу және азайтуды үйрендік?

• Қандай амалдар шығардық, қандай есептер?

VІІІ. Үй тапсырмасын хабарлау 2 мин.

133 - бет №5 салыстыр:

БАҒАЛАУ

• Бүгінгі сабағымызды өлеңмен бастап едік, енді өлеңмен аяқтаймыз.

Математика -өміріңде, өлеңде,

Математика -тамыр жайған тереңге,

Математика -болашаққа жетелеп,

Ұрпақтарды танытады әлемге.

• Балалар, математиканы жақсы меңгеріп, әлемге танытатын сендер болатындарыңа мен сенемін!