Жұмыс дәптері Әріптер әлемі 1сыныпқа арналған жинақ

Ақмола облысы

Қорғалжын ауданы

Үсенов атындағы Сабынды орта мектебі

Әріптер әлемі

(1 сыныпқа арналған жинақ)

Құрастырған: бастауыш сынып мұғалімі

Бейсенбаева Әлия Мұсақызы.

2014 жыл

Бұл жинақ баланың сауатын ашуға көмегін тигізіп, ойлау белсенділігін арттырады. Өлең жолдарын жаттау арқылы сөздік қорларын молайтады. Баланың жас ерекшеліктері ескеріліп берілген тапсырмалар қолдың бұлшық еттерін дамытады. Жазу дағдысын меңгеруде кездесетін қиындықтарды жеңуге көмектеседі.

Оқуға ынталандырады.

Қолданылған әдебиеттер:

1. «Бастауыш мектеп»

Республикалық ғылыми әдістемелік журнал.

2. «Бастауыш сыныпта оқыту» Республикалық ғылыми әдістемелік журнал.

3. «Ғажайып буындар»

сауат ашу кітапшасы.

Сөзжұмбақты шеш.

Әріптер әлемі

(1 сыныпқа арналған жинақ)

Аа

Алыбы алыптардың - Ата-ана,

Ақыл, Ар, Адам,

Арман -

А-дан ғана.

Тапсырма:

Алмұрттың суретін сал.

Буындардан сөз құрастыр.

Ь, Ъ

Әріп емес, таңба.

Жаңылысып қалма.

Айыру мен жіңішкелік белгісі.

Түсіндің бе, енді!

Кездеседі өзге

Тілден енген сөзде.

Тапсырма:

Сөздерді буынға бөліп оқы.

Фильм, рельс, лагерь,

альбом, коньки, рояль.

Рр

«Р-рр» деп бір ит жолықты,

Райхан одан қорықты.

Тапсырма:

Радионың суретін сал.

Оо

Орындықта отырып,

Оқулықты оқылық.

Тапсырма:

Орақтың суретін сал.

Чч

Чемпионаттағы кешегі,

Чехтар жеңді деседі.

Тапсырма:

Сайқымазақтың буындарын оқы,

ч әрпі бар буындарды бая.

Ээ

Экология - бүкіл әлем тағдыры,

Экологтар жолға қояр ұлы істі.

Тапсырма:

Экрандағы жазуларды оқы.

Лл

Латиф пен Лайық

Лақты қуды,

Бұл-айып.

Тапсырма:

Лақтың суретін сал.

Шш

Шабындық жер шалғай ма?

Шалғысы бар шал қайда?

Тапсырма:

Шарлардың суретін сал.

Цц

«Циркуль керек» деп маған,

Цехқа қарай кетті ағам.

Тапсырма:

Цирк сөзіне

дыбыстық талдау жаса

Щщ

«Щёткамен тазарт киімді»,-

Деп ағам маған бұйырды.

Тапсырма:

Ащы, тұщы сөздерін

буынға бөліп жаз.

___________________________________________

___________________________________________

___________________________________________

___________________________________________

Сс

Самарқау Самат сабақта,

Сап үңілді сағатқа.

Тапсырма:

Сегізді әдеміле.

Уу

Уфаға барып оқыған,

Уәли жібек тоқыған.

Тапсырма:

Киіз үйдің суретін сал.

Ёё

шахтёр

«Ё» әрпін біз білдік,

Ёлкаға бас болып жүретін.

Тапсырма:

Ёлканың суретін сал.

Фф

Фототілші Фуатты,

Фархат келіп қуантты.

Тапсырма:

Телефон, ферма сөздерін

буынға бөліп жаз

_________________________________________

_________________________________________

__________________________________________

__________________________________________

Ыы

Ырыс алды - ынтымақ.

Ынтымақ -ырыс қазығы.

Тапсырма:

Ыдыс-аяқтың суретін сал.

Дд

Дәмежанға дәрігер,

Дәрі беріп әбігер

Тапсырма:

Доптың суретін сал.

Вв

Ваня ағай толғанды,

Виолончелін қолға алды.

Тапсырма:

Вазаның суретін сал.

Хх

Хаттар айтар амандықты,

Хабарлайды жақсылықты.

Тапсырма:

Досыңа хат жаз.

___________________________________________

___________________________________________

___________________________________________

___________________________________________

___________________________________________

___________________________________________

___________________________________________

___________________________________________

Тт

Тәп-тәтті нан -Таба нан,

Таба алмай қалдым табадан.

Тапсырма:

Тағаның суретін сал.

Мм

Мен көп тердім мақтаны,

Марат мені мақтады.

Тапсырма:

Моншақтың суретін сал.

Юю

Оюларды салыңдар,

Ою мәнін таныңдар.

Ою-өрнек тоқыңдар,

Ою жайлы оқыңдар.

Тапсырма:

Түрлі-түсті қағаздан ою қиып,

осы бетті әдеміле.

Яя

қоян

Ясы - көне қала тегінде,

Яссауи келген өмірге.

Тапсырма:

Тақияны әдеміле.

Нн

Нағашым өтінді Назардан,

«Нан әкел» деп базардан.

Тапсырма:

Нанның суретін сал.

ң

жаңғақ

Шаң-тозаң, кетті-ау мазаң,

«Ң» әрпін тап, таң, паң, маңнан.

Тапсырма:

Шаң сөзіне дыбыстық талдау жаса.

Һһ

айдаһар

«һ» әрпінен «қаһарман»

«Гауһар» деген сөз қосам.

Тапсырма:

Гауһар сөзіне дыбыстық

талдау жаса.

Пп

Парвиз палау пісірді,

Папасына ұсынды.

Тапсырма:

Пілдің суретін сал.

Ғғ

Ғажабымын ғарыштың

Ғалымдардай таныс кім?

Тапсырма:

Ғарыш сөзіне дыбыстық талдау жаса

Жж

Жаз биыл да жаңбырлы,

Жайлау талай жаңғырды.

Тапсырма:

Жайлаудың суретін сал.

Үү

Үзіліп түскен түйнекті,

Үйрек тістеп түйрепті.

Тапсырма:

Үйрек сөзін буынға бөліп жаз.

__________________________

________________________________

Ұұ

Ұл атауы ұрыншақ,

Ұят екен ұғынсақ.

Тапсырма:

Ұяның суретін сал.

Іі

Ізбасар болар ініміз,

Ісінен оны біліңіз.

Тапсырма:

Тісжуғыштың суретін сал.

Әә

Әкелген еді анам «Әліппе»,

Әр беті толған әріпке.

Тапсырма:

Әліппе сөзіне

дыбыстық талдау жаса

Зз

көз

Зәуре ұзақ биледі,

Зерлі көйлек кигені.

Тапсырма:

Зырылдауық сөзіне дыбыстық талдау жаса.

Гг

Газет, Гауһар, газ, гуіл,

Гүл сөзінен «Г»-ні біл

Тапсырма:

Түрлі-түсті қағаздан

гүл құрастырып, жабыстыр.

Өө

Өз бөлмемнен көрмедім,

Өрмекшінің өрмегін.

Тапсырма:

Өрмекшінің суретін сал.

Ққ

Қауырсынын құстардың,

Қызықтауға құштармын.

Тапсырма:

Қауынның суретін сал.

Йй

тай

Йод-дәрі, мемлекет-Йемен,

Басталады шолаң «й»-ден

Тапсырма:

Йодтың суретін сал.

Ии

Иттер келіп икемді,

Иесіне сүйкенді.

Тапсырма:

Иненің суретін сал.

Кк

Көктемде жер кепкенде,

Көк қонды көк белге.

Тапсырма:

Кеменің суретін сал.

Ее

Еріншектің ертеңі,

Елге таныс ертегі.

Тапсырма:

Ешкі сөзіне дыбыстық талдау жаса.

Бб

Барабан, балға, бала - барлығы да,

Бой ұрып, бас ұрады осы «Б»-ға

Тапсырма:

Бақа сөзіне дыбыстық талдау жаса.