Разработка на тему: Сын есім

№ 6 орта мектеп

АШЫҚ САБАҚ

Тақырыбы:

Сын есім

Бастауыш сынып мұғалімі: Ибрагимова М.И.

Қазақ тілі

Сыныбы 3 «А»

Сабақтың тақырыбы: Сын есім.

Сабақтың мақсаты:

1. Білімділік: Оқушыларға сын есімнің мағынасы, сұрақтары туралы жан-жақты білім беру.

2. Дамытушылық: Сын есім туралы білімін кеңейтіп, танымдық қиыншылықтарды жеңуге дағдыландыру, шығармашылыққа баулу.

3. Өзіне сенімділігін қалыптастыру, жазу сауаттылығын арттыру, ойлау қабілетін дамыту.

Сабақтың түрі: жаңа сабақ.

Сабақтың әдісі: түсіндіру, ой қозғау, сұрақ-жауап.

Пән аралық байланыс: әдебиеттік оқу.

Сабақтың көрнекілігі: интерактивті тақта, аңдар суреті.

Сабақтың барысы:

1. Ұйымдастыру кезеңі.

Ақпыз, қара, сарымыз.

Ағайынбыз бәріміз.

2. Үй тапсырмасын сұрау.

1. Етістік деген не?

2. Етістіктің сұрақтары қандай?

3. Негізгі етістік пен туынды етістікті қалай ажыратамыз?

4. Болымды етістік деген не?

5. Болымсыз етістік жасайтын жұрнақтарды ата.

Өмірмен байланыстырып сөйлем құрау.

Жаңа сабаққа дайындық кезеңі.

• Қазір қай мезгіл?

• Қыс.

Осы қыс мезгіліне байланысты (қар суреті, мұз, аяз) сөйлем құрап көрейік.

Аязды қыс бет тондырады.

Ақ, ұлпа қар.

Мұз қалың, жылтыр мұз.

Үскірік суық аяз.

Олай болса осы сөздердің барлығы нені білдіреді?

• Сын есім.

Ой толғау.

Сын есім нені білдіреді?

Дәмін

Сын есім Түрін

Көлемін

Сапасын

Аңдардың суретін көрсете отырып, оларға тән белгілерді ажырату.

Мысалы:

Түлкі қызыл, қу (түрі, сапасы)

Қоян сұр, қорқақ, ақ (түсі, мінезі)

Аю қоңыр, маймақ (түрі, болмысы)

Жаңа тақырыпты түсіндіру.

Ережені еске түсіру.

Сын есім заттың сынын, сапасын, қасиетін, дәмін, түр-түсін білдіреді, сұрақтары қандай, қай?

Кітаппен жұмыс.

1-жаттығу. Сөйлемдерді көшіріп жаз. Сын есімдерді тауып, сұрақ қой.

Әр қатарға 2 зат есім беріп, сын есімді табу.

Мысалы:

I қатар II қатар III қатар

Гүл Аспан Тамақ

Кітап Терек Сандық

Ескерту: түрі, пішіні, дәмі болуы қажет.

Мұның барлығы нені білдіреді?

Ой толғау.

Заттың түрін, пішінін, дәмін білдіреді. Олай болса, бұл сын есім деп аталады.

Қарама-қарсы мағыналы сөздер:

1. Кең-....................

2. Ыстық-...............

3. Биік-...................

4. Шабан-...............

5. Жарық-..............

6. Өткір-................

7. Жақсы-.............

Мақал-мәтелдер бойынша сын есімдерді қой.

А) Әдепті бала .......(арлы) бала,

Әдепсіз бала .......(сорлы) бала.

Ә) ....... ерге нұр жауар (талантты)

Б) Отан оттан да ......(ыстық)

В) Жалқаулық - ...... ауру (жаман)

Г)----бала - қуаныш

------бала өкініш (жақсы, жаман)

-----кісі бастар

-----кісі қостар

Сурет бойынша әңгіме құрау.

Құраған әңгімелерін оқу.

Бағалау.

Қорытынды. Мен бүгінгі сабақта не білдім?

Нені әлі білгім келеді?

Жұмбақтар шешу.

Іші жұмсақ, сырты қатты,

Еті қызыл, сүті тәтті. (қарбыз)

Айнала тақтай ағаш үй

Төбесі жайдақ, аласа үй

Елу тұрғын еркін сыйған,

Бұл не деген тамаша үй? (сіріңкенің қорабы)

Қабат-қабат ақ тақыр

Беті тегіс жып-жылтыр

Қабат сайын тізілген

Қатар-қатар жол жатыр (кітап)

Қызыл, жасыл түсім бар,

Соңымнан, кәне, ұшыңдар! (шар)

Ащы емес,

Тәттімін.

Бос емеспін,

Қаттымын. (қант)

Көкала шопан киеді,

Күн шуақты сүйеді. (қарбыз)

Үй жұмысы. 4-жаттығу. 53-бет. Сын есімдерді зат есімдермен тіркестіріп жазу, сөйлем құрау.