Конспект урока на тему Н, М, Л абяан ба үзэг

Сентябриин 24

Хэшээлэй темэ: «Н, М, Л» абяан ба үзэг

Зорилго: Хашалган «н,м,л» абяан ба үзэгүүдтэй танилсуулха, тэдэнэй аялгантай ниилэжэ үе болодог тухай ойлгуулха, зүбөөр уншуулжа, бэшүүлжэ hургаха

Хэрэгсэлнүүд: үзэгүүд, алфавит, предметнэ зурагууд.

Хэшээлэй ябаса:

1. Эмхидхэлэй үе

Хүүгэд, хүүгэд, хүүгэд,

Хонхо хаанаш зэдэлнэ.

Хүхюун, согтой үхибүүд

Хэшээлдээ булта гэшхэлнэ.

2. Хэлэлгэ hорилго

Бороо, бороо, бороо

Ороо, ороо, ороо.

Газар hороо, hороо,

Газар одоо нороо.

Тестировани

Адли абяагаар эхилhэн үгэнүүдые оло.

А) наран

Б) шаазгай

В) шарга

Г) шоно

3. Хэшээлэй темэ болон зорилгонуудтай танилсалга

Тус темын эхиндэ үгтэhэн номой нюурта «Ном», «Луу» гэhэн зурагуудые хараад, энэ үгэнүүдые үгүүлхэ, схемэнүүд дээрэ шэнжэлгэ хэхэ. Энэ үгэнүүд хэды үетэйб, үгэнүүдэй эхиндэ ямар абяанууд дуулданаб, үгэнүүдэй hүүлдэ ямар абяанууд дуулданаб?

Түрүүшын абяануудые үгүүлхэ. [Н] абяагаар эхилhэн үгэнүүдые hанагты. Жэшээнь: ном, наран, нугаhан, нэрhэн, нойтон. [М] абяагаар эхилhэн үгэнүүдые hанагты. Жэшээнь: мал, модон, Мурка, мэргэн, мяхан. [Л] абяагаар эхилhэн үгэнүүдые hанагты. Жэшээнь: лама, лонхо, луу, литэ, лентэ.

hүүлдэнь Л, М, Н үзэгүүдтэй танилсуулха. Н, М, Л - ехэ үзэгүүд, н, м, л - бага үзэгүүд. Ехэ Н, М, Л үзэгүүдээр хүнэй нэрэ бэшэгдэдэг, мэдүүлэлэй түрүүшын үгэ ехэ үзэгөөр бэшэгдэдэг, бага н, м, л үзэгүүдээр - юрын үгэнүүд.

Бэеэ hорилго

4. Бэхижүүлгын хүдэлмэри

- Ном соо үгтэhэн үенүүдые уншагты.

- Yенүүдээр үгэнүүдые бии болгогты. Уншагты.

- Yгэнүүдые уншагты.

- Модельдэ үгэнүүдые тааруулагты.

Yгэ соо хэды аялган бэ, тэды үе.

- Мэдүүлэлнүүдые уншагты.

- Зурагуудые нэрлэгты, хоёр бүлэгтэ хубаагты.

5. Бэшэлгэ: Н, н, М, м, Л, л үзэгүүдые самбарта бэшэжэ харуулха.

6. Хэшээлдээ хэhэн ажалай сэгнэлтэ

Ямар ажал hонирхолтой байгааб?

Ямар даабаринуудые дуратайгаар дүүргээбши?

Өөрыгөө шалга.

Өөрөө хэхэ ажал: Н, М, Л үзэгүүдтэй үгэнүүдые hанаад ерэхэ.