Біз мектепке барамыз (ертеңгілік) 1 сынып

Тақырыбы: Біз мектепке барамыз....( тілашар ертеңгілігі)

Мақсаты: білімдері мен өнерлерінің нәтижесін көрсету.Сөздік қорын, тілін, ой-өрісін кеңейту және түрлі ойындар арқылы ойлау қабілеттерін арттыра отырып,бауырмалдыққа , мейірімділікке , ұйымшылдыққа тәрбиелеу.

Түрі: ертеңгілік

Көрнекіліктері:сандар ,әріптер, кеспе буындар

Барысы: І .Ұйымдастыру:

• Амандасу рәсімі
• Психологиялық тренинг

ІІ. Негізгі бөлім

Армысыздар балдырғандар қымбатты

Біздер үшін ашатын сан жұмбақты

Құшақ жайып қарсы аламыз сіздерді,

Біздер үшін қылықтарың тәп тәтті

Балалар біз енді не үйренгенімізді, нені білетінімізді ортаға саламыз ба?

-Балалар, біз қайда келдік?

-Мектепке

-Мектепке не үшін келдіңдер?

-Оқу үшін, білім алу үшін

-Біз қайда отырмыз?

-Біз сыныпта отырмыз.

Мектеп туралы қандай тақпақтар білеміз? Айтып берейік.

1.Мектеп үлкен бағдаршам

Ұстаз шырақ ұстаушы

Екеуі де аңғарсақ

Бақыт жолын нұсқаушы

2.Мектеп деген киелі ұғым ғажап ат

Тынысы мен тіршілігі ғаламат

Бала шақтан болашаққа ұмтылған

Түлеп ұшты талай талай азамат

3.Мектеп деген білім кені ,жыр кені

Мектеп деген ғылымның ең мекені

Мектеп деген тәрбиеші адамға

Мектеп деген даналардың мекені

4.Армысың ,мектеп ар бесік

Айқара ашқан есігін

Тәрбие білім бар нәсіп

Өзіңде өрлеп өсемін

ән: «Отан»

Ертегілер еліне саяхат жасап көрейік

Ерте ерте ертеде ,

Ешкі жүні бөртеде

Мектеп деген ата өмір сүріпті. Оның үш баласы болыпты бастауыш буын, Орта буын , Жоғары буын деген. Әр баласында бірнеше балаларынан болыпты. Олардың өздерінің атқаратын қызметтері болыпты.Мектеп атаның балалары өз балаларының қызметтері жөнінде айтып, мақтаныпты. Мұны естіген Мектеп атаның немерелері өз жетістіктерін бірімен бірі таласа былай мақтана бастапты: Әліппе деген немересі бәрі «мені жақсы көреді, өйткені мен әріп үйретемін», математика немересі «жоооқ, мені жақсы көреді, өйткені меннен есеп үйренеді» , бейнелеу өнері «мені ,меннен сурет салуды уйреніп, түстерді таниды», алгебра «жооқ, мені деп таласып , айтыса бастапты. Бұл дауды естіген Мектеп ата немерелерінің бәрін басын қосып, барлығыңның орның бар, себебі білімді сендерден алады, сендерден үйренгендерің арқылы барлығы адам болады деп былай депті:

Балаларым, балғындарым,

Көк майсалы шалғындарым.

Неге айтысып қалдыңдар?

Ұят болды-ау бұларың

Жақсы көреді барлығыңды

Балдай тәтті балаларым, депті

Содан бері немерелері айтыспай , тату тәтті өмір сүріпті.

ІІ. Білгенімді ортаға мен саламын.

-Балалар біз әріптермен танысып, буын , сөйлем құрап үйрендік. Сандармен танысып есептеп үйрендік. Осы білгенімізді ортаға салып көрейік

• «Адасқан әріптер»

(Теректерге жапсырылған жапырақтарды әріптерді дауысты, дауыссыз дыбыстар тобына топтап дұрыстап орналастыру)

• «Буын құра»

(берілген буындардан сөз құрастыру)

• «Жоғалған әріптер»

(суретке сәйкес жоқ әріпті жазу)

• «Орнымды табамын»

(ортасындағы суретке сай ретсіз орналасқан әріптерді түзеп сөз құрау)

Жұмбақ жасырып, жаңылтпаш айтып,мақалдап көрейік

Сергіту сәті (топ топ)

ІІІ.Математика айналамызда

Өмірде ойлап тұрсақ, бәрі де есеп

Ауырсақ ішетұғын дәріде есеп

Есепсіз сүрген өмір мазмұнсыздау

Дүниенің бар тұлғасы есеп десек

Дүниедегі құбылыстың бәрінде

Мүмкін емес есептерсіз түсіну

Математика-дүние кілті әлемде

Сандар туралы санамақ (Арсен , Мержан)

• «Құрамымды ата»

(әр топқа берілген сандардың құрамын жазып беру)

• «Көршісін тап»

(берілген сандардың көршілерін табу)

• «Кім шапшаң?» (есептер беру)

Математикалық жұмбақ

Көлден ұшты 3 қаз

Қайтып қонды 1 қаз

Қонбады оның нешеуі Қане кім тез шешеді? (2)

4 алманың екеуін

Досың сұрап алады

Айтшы сонда нешеуі

Өз қолыңда қалады? (2)

Аулада 5 үйрек

Қорада 1 үйрек

1 үйрек тығылды

1үйрек жығылды

Қалғаны неше үйрек? (5)

Алма бағы жайнаған

Қызыл алма айналам

Алдым үзіп үшеуін

Тағыда алдым екеуін

Алдым сонда нешеуін? (5)

Зообақта болғанда

Құмда ойнаған 3 уін

Әткеншек тепкен 2уін

Арқаларын қыздырып Отырған тағы 2уін

Көріп қалып санадым

Қанша маймыл байқадым (7)

Жан жаққа кетті зымырап

Мысықтан қорыққан тышқандар

Қорапқа кірді 1

Соңынан кетті 2

Тығылды сонда нешеуі? (3)

Логикалық сұрақтар

• Шөптің арасында қояндар тығылып отыр. Олардың 8 құлағы көрініп тұр. Қояндар саны нешеу?(4)

• Екі ешкінің мүйізі нешеу? (4)

• Менбір сан ойладым .Оған 4-ті қосқанда 5 шықты .Мен қандай сан ойладым? (1)

• Торда көжектің 10 құлағы көрінеді. Тордағы көжектің саны қанша?

• Қайың ағашта 3аалма, қарағайда 2 алма өсіп тұр. Барлығы қанша?

«Тіл дамыту, ой дамыту»

5-ік, 7-су, 100-ім,6-н, 100-ік,

Хор: ән «Мектебім»

Қорыту,мадақтау

Ғылымның сырын ұғына

Шығыңдар білім шыңына

Ұқыптылық пен зеректік

Жеткізер сендердей өренді

Білімнің нәрлі сырына

Оқитын әрі жазатын

Білімге қол созатын

Құтты болсын қарағым

Оқушы деген жаңа атың!

Құрметті оқушылар енді оқушы деген атқа лайық болып, ата-ана мен ұстазды сыйлайтын әдепті, зерек, тәртіпті болады деген сеніммен ертеңгілігімізді аяқтаймыз