Сөйлем мүшелерінің байланысы 3 сынып

Сабақ жоспары:

Сыныбы: 3

Пәні: қазақ тілі

Сабақтың тақырыбы: Сөйлем мүшелерінің байланысы

Сабақтың мақсаты:

Білімділік: оқушыларға жаңа білімді меңгерту, сөйлем мүшелерінің байланысын сөйлеу әрекетінде дұрыс қолдана білу, сөйлем мүшелеріне тән өзіндік ерекшеліктерін үйрету;

Дамытушылық: оқушылардың шығармашылық қабілеттерін арттыру,ой-еркіндігіне баулып, тілін, сөздік қорын дамыту және көркем жазуға дағыландыру; дүниетанымын кеңейту;

Тәрбиелік: оқушыларды азаматтылыққа, парасаттылыққа жатпайтын мінездерден сақтандыру, ізгілікке, адамгершілікке тәрбиелеу; алған білімдерін тиянақтау, жүйелеу;

Сабақтың типі: жаңа білімді меңгерту

Сабақтың түрі: саяхат

Әдіс-тәсілдері: сұрақ-жауап, ойын,

Дидатикалық материалдары: оқулық, плакат, слайд, қима қағаздар

Пәнаралық байланыс: дүниетану,

Сабақтың барысы:

1. Ұйымдастыру кезеңі.

Оқушылармен сәлемдесу. Психологиялық дайындық

Қатар-қатар тізіліп

Оқушыға лайық.

Қолымызды жіберіп

Түп-түзу боп тұрайық.

Жақсы болып сабақта

Әдеп сақтау сәніміз.

Отыруға нақпа-нақ.

Дайындалдық бәріміз:

I қатар -жәй отыр,

II қатар-тез отыр,

III қатар-сен де отыр,

Сабақ бастар кез боп тұр!

2. Үй тапсырмасын сұрау және бағалау

3. Жаңа сабаққа кіріспе.

Эпироф : Н.Ә.Назарбаевтың сөзі

Еңбегіңмен алған білімің өзің үшін де, елің үшін де таусылмас қазына болмақ!

Сұрақ-жауап

• Балалар қазір қай мезгіл?

• Қай ай?

• Күздің соңғы айының соңғы күндері қандай керемет!

• Керемет демекші, осы әлемде де кереметтер көп емес пе?

• Қандай кереметтерді білесіңдер?

1. Египет пирамидасы.

2. Вавилондағы Семирамида аспалы бағы.

3. Ертедегі Артемида храмы.

4. Олимпиядағы Зевстің мүсіні.

5. Галикарнастағы Мавсол патшаның табытханасы.

6. Жерорта теңізі аралығындағы Гелиостың (Күн Құдайы) қолдан жасалған мүсіні.

7. Александрия маягі

- Балалар біз бүгін осы әлемдегі 7 кереметке саяхатқа шығамыз. Бізге әр кереметтің өзіндік сыйлары бар екен. Саяхатымызды әлем кереметтерінің алғашқысы- Египет пирамидасы.

4. Жаңа білімді меңгерту

Египет пирамидасының сыйы «Ұғып ал!» ойыны(жаңа тақырыппен танысып, түсінік алу)

1. «Адасқан сөздер» дидактикалық ойыны. Тақтаға төмендегідей сөздер жазып қоямын.

Гауһар, берілген, үйге, орындады, тапсырманы.

а) Оқушылар оқып шығып, сөйлем мүшелерінің ретімен қойылмағаны анықтайды.

ә) Оқушылар сөйлемдерді орнымен қойып шығады (Гауһар үйге берілген тапсырманы орындады).

Сөйлемдегі сөздер дұрыс құрылу үшін, олар өзара мағыналық байланыста болу керектігі сызба арқылы түсіндіремін.

Гауһар не істеді? Гауһар орындады. Кім орындады? Гауһар орындады.

Гауһар қай тапсырманы орындады? Гауһар үйге берілген тапсырманы орындады.

Гауһар нені орындады? Гауһар тапсырманы орындады.

Не істеді? орындады

Кім?

Гауһар

Қай? үйге берілген

Нені? тапсырманы

Тұрлаулы мүшелердің ерекшелігі:

1. Бастауыш көбінесе баяндауыштың алдында келеді, ал баяндауыш сөйлемнің аяғында тұрады.

2. Тұрлаусыз мүшелер сөйлем жасауға көмектесіп, қатарласып тұрады.

Ереже: сөйлем мүшелері бір-бірімен тығыз байланыста болады. Олардың байланысын сұрақ қою арқылы білуге болады.

2-керемет. Вавилондағы Семирамида аспалы бағының сыйы-

Оқулықпен жұмыс.

1-жаттығу. Сөйлемдерді көшіріп жазып, сұрақ қою арқылы сөйлем мүшелеріне талдау.

1. Айбек кітап оқыды. 2. Нұржан суық суға жуынды. 3. Нұртай саябаққа барды. 4. Үйдің жанында бау-бақша бар. 5. Айжан әжесімен әңгімелесті.

3-керемет. Ертедегі Артемида храмы

Сергіту сәті.

Орнымыздан тұрамыз,

Қолды белге қоямыз.

1,2,3 қарлығаш боп ұшамыз.

Қоян шықты далаға,

Жан-жағына қарады.

Жүгірді, секірді.

Орнына келіп отыршы. 4-керемет. Олимпиядағы Зевстің мүсіні. «Ойнада, ойла» ойыны. 2-жаттығу. Қиында қағаздарды құрастыру арқылы сөйлем құрап, байланысын көрсету 5-керемет. Галикарнастағы Мавсол патшаның табытханасы «Кім зерек?»ойыны. 3-жаттығу. Әр сөйлемнен тұрлаулы мүшелермен байланысатын сөздерді теріп жазу

6-керемет. Жерорта теңізі аралығындағы Гелиостың (Күн Құдайы) қолдан жасалған мүсінінің сыйы «Кім жылдам?»ойыны. 5-жаттығу. Сөйлемдерді тұрлаусыз мүшелермен толықтырып жазу

5. Жаңа білімді бекіту

7-керемет. Александрия маягінің сыйы INSERT жүйесі бойынша кесте толтыру

Не білемін?

Не білдім?

Не білгім келеді?

6. Үй тапсырмасын беру.

4-жаттығу

Шығармашылық тапсырма: "Елін сүйген, елі сүйген елбасы" тақырыбында эссе жазып, сөйлем мүшелеріне талдау

7. Бағалау

8. Қорытынды.