Урок удмуртского языка во 2 классе по теме «Луло но лултэм существительнойёс»

Раздел Начальные классы
Класс 2 класс
Тип Конспекты
Автор
Дата
Формат doc
Изображения Нет
For-Teacher.ru - все для учителя
Поделитесь с коллегами:

Тема: «Луло но лултэм существительнойёс»

Уроклэн мугез: Существительной сярысь тодэмзэс юнматон. Луло но лултэм существительнойёсын тодматон. Предложениысь существительнойзэ шедьтыны дышетон но солы юан пуктыны быгатэмзэс юнматон.

1.Орг. момент.

2Чылкыт гожъяськон.

Чиньыослы но киослы упражнение.

Азьчиньые азьветлись,

Чукчо кадь, ваньмаз вуись.

Шоретиез гань-ганьгес.

Со мынам йонъяськисьгес.

Нимтэмез зундэс нуллэ,

Урдыса йырзэ ветлэ.

Чельые гинэ востэм,

Пичигес, куанер будэм.

Вот полы Вань чиньылы

Дась котьку юрттиськыны.

Со ваньзэс огазея,

Кылдытэ чиньы семья.( Ю.Байсарова)

.Орфографической диктант.

-Диктантмылы кылъёсты кутом мадиськонъёсты тодыса.( Гожтиськемзэс валэкто).

Нюлэс кушын сыло нылъёс,

Дэремъёссы тодьыесь,

Кышетъёссы вож-вожесь. ( Кызьпу)

Кузь пельёссы чорк ! сыло,

Сэзь синъёссы чиляло.

Кинъёс сыче туж шаплы

Кызъёс улти тэтчало? (Кечъёс)

Вуриськись ке но овол,

Ултозяз веньёс нуллэ. (Чушъял)

Пуштрес быжо апай

Кызысь кызэ тэтча,

Чыжин утча. ( Коньы)

Бусыти чуж бугор питра. ( Зичы)

3. Выль тема бордын ужан.

- Орфографической диктантысь кылъёсты эшшо огпол лыдзыса, вералэ, кыче тодметъя огазеямын та кылъёс? ( Ваньмыз существительнойёс). Доказать каре. ( Верало правилозэ).

- Нош кызьы та кылъёсты кык группалы люкыны луоз?( Ма? но кин? Юанъёслы валэктон сётись кылъёс). Озьыен, асьмеос урокын луло но лултэм существительнойёсты висъяны дышетскомы.

247 уж. Пиналъёс суредъя но сётэм текстъя кин? ма? юанъёслы верась кылъёсты утчалозы. Мае возьмато кин? юанлы верась кылъёс, нош мае - ма?

Физкультминутка.

Тик-так, тик-так, тик-так-тик,

Дыртиськом ми котьку ик.

Тон но дырты ми сьоры,

Лэсьты уждэ туж сэрыт.

249 уж. Луло но лултэм существительнойёсты висъяны дышетско.

Синъёслы гимнастика.

Синъёс пытсамын. 30 секунд дыр куспын азьчиньыосын син сэрегъёсты массажировать кароно.

251 уж вылын луло но лултэм существительнойёсты висъяны быгатонлыксэс юнмато.

4. Гуртын 253 ужез быдэстозы.

5. Уроклы йылпумъян.

Собере «Узы-боры бичан» шудонэн шудо.

Одиг сэргын гондыр пуке. Пиналъёс тэле кылбур вераса лыкто, узы-боры бичамзэс возьмато:

Узы-боры бичаськом,

Гондырлэсь ми курдаськом.

Нош гондыр пуке,

Ми шоры со ыргетэ: р-р-р!

Собере гондыр соосты уе. Кинэ нырысь кутэ, со гондыр луэ.

© 2010-2022