Альтернатив сабақ: Қамқор болғым келеді

Теміртау қаласы.

№8 жалпы білім беретін орта мектебі.

Манапова Жанар Пулатқызы

бастауыш сынып мұғалімі.

Тақырыбы : «Қамқор болғым келеді.»

(Адамдарға қолдан келгенше көмек беру ,

туыстарына және жақындарына

қамқорлық көрсету құзіреттілігі.)

Мақсаты:Түйінді құзіретті жүзеге асыру үшін жағдай құрады.Қамқорлық туралы түсініктерін кеңейту,туыстары мен жақындарына көмек көрсетуге және қамқор болуға тәрбиелеу.

Әдістер:Түсіндіру,сұхбат,әңгіме,ойын,жаттығулар .

Керекті құралдар:Аудиотаспа,суреттер

өлеңдер,нақыл сөздер,тақта.

Сабақтың өту барысы:

Шаттық шеңбері

-Оқушылар ,бүгінгі күн өте тамаша!

-Қане,бәріміз бір-бірімізбен амандасайық.(Оқушылар бір-бірімен амандасады.)

Қарсы ал ерте күн көзін,

Төсегіңді жина өзің.

Сыйлап үлкен кісіні,

Қамқорлыққа ал кішіні.

Психологиялық жаттығу.

Табиғат туралы әнді үнтаспадан тыңдату.

-Қане,оқушылар,көз алдымызға әдемі табиғатты,орман ішін,әртүрлі аңдарды,өзімізді қоршаған жақындарымызды,туыстарымызды достарымызды елестетейік.Әрқайсың кімге,неге қандай қамқорлық жасағандарыңды еске түсіріңдер.

-Қамқорлық жасағанда қандай сезімде болдыңдар?

-Қамқорлық дегенді кім қалай түсінеді,айтыңдаршы,қане?

(Бұл сурет тақтаға ілінеді.)

Дәйек сөздер:

Қамқорлықты тек жақсы адам жасайды,

Мүсәпір жан қамқорлықты аңсайды.

(Оқушылар дауыстап оқиды және әр оқушының пікірі тыңдалады.)

«Оқу » әдістемелік тәсілі.

«Қолғанат » әңгімесін оқу.

Авторы: Мәжит Сейфуллин.

Сәкен шаруаға ұқыпты болды.Үстін тап-тұйнақтай таза ұстайтын еді.Ағайынды жетеуміз.Сәкен бәрімізден үлкен.Жаздыгүні ол бізден бұрын оянады да,үй шаруасына көмектеседі.Біз оянып ,далаға шыққанда Сәкен есіктің алдында жүреді. Ол бізді Қараөзек бойына соқпақ жолмен бастап алып кетеді.Мөлдір бұлақ басына барамыз да ,жуынамыз.Сәкен әуелі кішкентай қарындастарымыз Рахима,Халима,Салималарды жуындырады,шаштарын тарап ,өріп береді.Содан кейін барып өзі жуынады.Біздің күндегі әдетіміз -осы.

Қайтадан қаз-қатар тізіліп алып ,ауылға қарай жүреміз.

-Айналайын,ақ қаздарым,-деп анамыз Жамалбике есік алдынан бізді қарсы алады. Сәкеннің маңдайынан сүйіп жатып: -Қолғанатым менің!- дейді.

……Бәріміз тап-таза болып тамаққа отырамыз.

Әңгімелесу.

Сұрақтар:

1.Сәкен қандай бала?

2.Ол бауырларына қандай қамқорлық жасайды?

3. Анасы Сәкенге қалай ризашылығын білдірді?

4.Сен іні-қарындастарыңа осындай қамқорлық жасайсың ба?

Ән шырқайық,достар!

Ән: «Мен қамқоршы баламын.»

Мен қамқоршы баламын,

Шырқап әнге саламын.

Күшігінде көршінің

Қамқорлыққа аламын. 2 рет.

Шығармашылық жұмыс:

Оқушыларға отбасы мүшелерінің бейнелерін тартып,оларға қандай қамқорлық жасайтындарын суреттің жан-жағына жазады.

Әр оқушы өзінің жазғанын оқып береді.Әже деген жазудың орнында әженің суреті болады.Жан -жағына жоғарыдағыдай шеңберлер салынады.Бұл жұмысты оқушы портфолиосына салып қоюға болады.

Сергіту сәті:

Қуыр-қуыр ,қуырмаш

Балапанға бидай шаш.

Әй-әй,балапан,

Жамандықтан қаш.(Әні бар)

Сахналау:

Мектептің іші ,үзіліс кезі. Жадыра жылап тұр.

Ол сенен кіші. Онымен ешкімнің шаруасы жоқ, тіпті кейбір балалар оны мазақтап жүр.Сен оның ақшасын жоғалтып алғанын білдің.Саған мамаң артық ақша берген жоқ.

Осы сәтте сен не істер едің?

(Оқушылар рольге бөлініп ,осы жағдаяттты бейнелеп көрсетеді.)

«Синквейн» техникасы.

1-жол:Бүгінгі тақырыпты зат есім түрінде жазу.

2-жол: Осы тақырыпқа сай екі сын есім жазу.

3-жол:Осы тақырыпты ашатын үш етістік жазу.

4-жол:Тақырыпқа байланысты сезімді білдіретін сөйлем жазу.

5-жол:Қорытынды ,тақырыпқа байланысты синоним жазу.

(1-ші жолға тақырыпты ашатындай дәйек сөз жазылады.)

Үйге тапсырма:

Оқушылар «Қамқор болғым келеді » тақырыбына сурет салып келеді.Әр оқушы өзі салған суретін қорғайды.

Қорытындылау:

1.Қамқорлықты тек жақсы адам жасайды,

Мүсәпір жан қамқорлықты аңсайды.

2.Қамқор болсаң кішіге,

Қамқор болсаң кісіге.

Самайыңа ақ түссе,

Қамқор болар бәріде.

( Оқушылар берілген дәйек сөзбен,өлең жолдарын мәнерлеп оқиды.)

Сұрақтар:

1.Бүгінгі тақырыптан не білдіңдер?

2.Қамқорлықты үнемі жасап отыру керектігін түсіндің бе?

3.Қамқорлық сөзін түсіндіріп көрші.

Жүректен -жүрекке:

-Құрметті ,оқушылар,бүгін біз қамқорлық деген үлкен ұғымның мән-мағынасын аштық. Ал,енді мына ойыншық жүрекшені алып,шеңбер бойымен өзіңмен қатар тұрған оқушыға өзіңнің ізгі тілегіңді айтып ,жақсы ниетіңді айт.

Мұғалім де сөз соңында оқушыларға өз тілегін айтады.

Мұғалім тілегі:

-Оқушылар, қамқорлық -бұл үлкен ,мағынасы өте кең ұғым.Сіздерге бір-біріңе,отбасының кез-келген мүшелеріне,айналамыздағы қамқорлыққа мұқтаж әрбір тірі жанға ,табиғатқа қамқоршы болыңдар,- дегім келеді.Қамқорлық жасау жақсы,жүрегі жайсаң адамның қолынан ғана келеді.

-Сабақ аяқталды.

-Сау болыңыздар,оқушылар!

-Сау болыңыз,мұғалім!