Ө ө дыбысы мен әрпі

1 сынып

Әліппе Сабақ №

Мұғалім:

Сабақтың тақырыбы: Ө ө дыбысы мен әрпі.

Сабақтың мақсаты:

Білімділік: Оқушыларға Ө ө дыбысы мен әрпін таныту.. Ө ө дыбысына байланысты жаңа сөздермен таныстыру.

Дамытушылық: Шығармашылықпен жұмыс істеуге ықпал ету, ойлау шеберлігі мен сөйлеу мәдениетін дамыту.

Тәрбиелік: Оқушылардың өнерге, білімге деген сүйіспеншілігін арттырып, достық қарым−қатынасқа тәрбиелеу.

Сабақтың типі: Оқушылардың жаңа білімді меңгеру сабағы..

Сабақтың түрі: Аралас сабақ

Әдіс-тәсілдері: Түсіндіру, сұрақ-жауап, көрнекілік көрсету арқылы түсіндіру, жарыс, ойын.

Көрнекілік: Тақырыпқа байланысты суреттер, қималар, заттар.

Сабақтың барысы:

Ұйымдастыру кезеңі: а) Сәлемдесу , оқушыларды түгендеу.

ә) Сабаққа әзірлігін тексеру, оқу құралдарын дайындау.

Жаңа сабақ.

Сабақ тақырыбы мен мақсатымен таныстыру.

Оқушыларға Ө ө дыбысы мен әрпін таныту.

Тақтаға ілінген суреттермен жұмыс. Суреттегі заттарды атау. Сол сөздер ішінен

Ө дыбысынан бас талатын сөздерді тапқызу.

Оқулықпен жұмыс.

Өркеш сөзіне дыбыстық талдау жасау. Осы сөздерге сөйлемдер құрау.

Ө ө дыбысына анықтама беру.

1. Ө ө − дауысты дыбыс.

2. Ө ө дыбысы бар сөздер (сурет бойынша)

3. Сөздерді буынға бөліп, буын санын анықтау.

4. Дыбыстың сөз басында, ортасында, аяғында келетініне мысалдар келтіру.

Жаңа сөздер (таныс емес сөздерге түсінік беру).

өзен өріс бөрік өрнек көрме

өлең өрік көрік өрмек көрпе

өнер өмір көмір өркеш көрші

Кеспе буындармен жұмыс.

Буындардан сөз жасау.

Осы буындардан сөйлем құрау.

Мәтінмен жұмыс. «Өркеш» - Арқаңдағы шошайған не ? - деді бұзау.

Мәтінді буындап оқу. - Өркеш қой, - деді бота.

Мәтінді мәнерлеп оқу. - Өркеш саған не керек? - деді бұзау.

Мазмұнын айту. - Балалар мінсе, құлап қалмасын, - деді бота.

Жылдамдыққа оқуды жетілдіру

Ертегі тыңдау

Балалар, түйе су ішкенде жалтақтап артына қарай береді екен. Не себепті артына мойнын бұрып қарайтынын білесіңдер ме?
Онда мен сендерге қызық ертегі айтып берейін.
Ертеде түйе өте әдемі болған екен. Ағаштың бұтақтары сияқты мүйізі және сусылдаған жерге дейін жететін құйрығы болыпты. Түйе су ішкен сайын өзінің сұлулығын судан көріп өзіне риза болады. Бір күні оған бұғы келіп: «Түйе сен сондай ақылды, әрі сұлусың ғой, мен бүгін қонаққа барушы едім, бір күнге мүйізіңді бере тұршы»,- дейді. Түйе мәз болып, оған мүйізін береді. Сөйтіп тұрғанда оған жылқы шауып келіп: «Түйежан, сенің әдемілігіңде шек жоқ, менде бір күнге әдемі болғым келеді, құйрығыңды бере тұршы»,- дейді.
Бірнеше күн өтеді, бұғы мен жылқы алған заттарын қайтармайды. Түйе қарызымды қашан қайтарады деп тоса-тоса шаршап, бұғыға келеді.

- Сен менің мүйізімді қашан қайтарасың?

- Сенің құйрығың қашан өседі, сол кезде мен сенің мүйізіңді қайтарамын, - деді бұғы.

Түйе маң-маң басып жылқыға келеді.

- Жылқы, сен менің құйрығымды қашан қайтарасың?

- Сенің мүйізің өскен кезде, мен сенің құйрығыңды қайтарамын,- деді жылқы.
Арада бірнеше айлар өтеді, бірақ түйенің не мүйізі, не құйрығы өспейді. Түйе су ішіп, өзін судан көрген сайын қарызымды әкеп қалады ма деп, жалтақтап артына қарай беретіні содан екен.

Сергіту сәті.

Ойын «Кім көп біледі?» Кім ұзаққа кетеді, сол жеңіске жетеді.

1. Екі бала шығарып, ө дыбысынан басталатын сөздер айта отырып қадам аттап жарысады.

2. Ішінде ө дыбысы бар кез-келген сөз ойлап айту.

Жазу үлгісімен жұмыс.

Ө ө дыбысының әріп таңбасымен таныстыру.

Байланыстыра жазу.

Ауада жазу.

Ө Өркен өзен жаққа барды.

ө өзен өлең өмір өрік

а у о ы Ұ т п н Ғ р л ш й қ е і ә ө
д м б С ж ң к

Шығармашылық жұмыс. Сурет бойынша әңгіме құрастыру

Рефлексия

Бүгінгі сабақта мен ... үйрендім.

Маған ... қызық болды.

Маған ... қиын болды.

Мен ... түсіндім

Сабақты қорыту: Біз не білдік? Талқылау.

Оқушы білімі мен белсенділігін бағалау.