- Преподавателю
- Начальные классы
- Разработка по начальном классу Отбасым-күншуағым 4-класс
Разработка по начальном классу Отбасым-күншуағым 4-класс
Раздел | Начальные классы |
Класс | 4 класс |
Тип | Другие методич. материалы |
Автор | Бесимбаева А.Ж. |
Дата | 15.01.2016 |
Формат | docx |
Изображения | Нет |
Тақырыбы: Отбасым - күншуағым
Мақсаты:
-
Ата-анаға деген құрмет, сыйластық деген ұғымдарды балалардың санасына жеткізіп, қалыптастыру. Бала тәрбиесіндегі ата-ананың алатын орнының ерекше екендігін түсіндіру.
-
Халқымыздың тәлім-тәрбиесі ананың ақ сүтімен, әже өнегесімен, ата ақылымен берілетіндігін, өзіндік ұлттық қасиетімізді балалардың бойына дарыту.
-
Отбасы мүшелерінің арасындағы бауырмалдық, қайырымдылық, достық қарым-қатынасты қалыптастыру, үлкенді сыйлауға, кішіге қамқорлық жасауға, сыпайы, ілтипатты болуға тәрбиелеу.
Көрнекілігі: слайд, суреттер, буклеттер, нақыл сөздер.
Барысы:
І. Кіріспе
- Балалар, бүгінгі тәрбие сағатымыздың ерекшелігі топпен жұмыс жасаймыз. Мұнда топ мүшелері ақылдасып, шешімге келіп, өз ойларын ортаға салады. Олай болса, тәрбие сағатымыздың тақырыбы бәрімізге таныс әрі ыстық «Отбасым - күншуағым» деп аталады.
- Отбасы деген не? (Топ мүшелері ақылдасып, бір жауап айтылады)
- Отбасы мүшелері кімдер?
ІІ. Қызығушылығын ояту. (Слайдтан үйдің суреті шығады)
Сұрақ: - Бұл не? - Үй дегенде сіздерге қандай ой келді?
- Қазір сіздерге үйдің суреттері беріледі, сол үйді сіздер безендіресіздер. Сол кезде сіздердің өміріңізді отбасының қаншалықты орны бар екендігін анықтаймыз.
(Үй ілінеді, қорытындылап кету)
-
Отбасы не екендігін білдік, үйіміз жасақталды. Демек, адам баласының түп қазығы - алтын ұясы екенін ұғындық.
ІІІ. Негізгі бөлім
-
Тәрбие үрдісі (отбасының суреті көрсетіледі)
-
Тәрбие отбасынан басталады, болашақ ұрпақтың еліне, Отанына деген сүйіспеншілігі алдымен ата-ананың ықпалымен қалыптасады. «Дәулет есіктен, ақыл бесіктен кіреді» дегендей, білім бесігі мектептен, тәрбие бесігі отбасынан бастау алады. Олай болса, сіздерге мынадай тапсырма беріледі: (слайдтан тәрбиенің үрдісі көрсетіледі)
-
1-топ - отбасынан алатын тәрбие жөнінде;
-
2-топ - білім ордасы - мектептен алатын тәрбие жөнінде;
-
3-топ - қоғамнан (қоршаған орта) алатын тәрбие жөнінде пікірлеріңді білдіресіңдер.
Мұғалім: Адам баласы тәрбиені отбасынан да, білім ордасынан да, қоршаған ортадан да алады екен. Бірақ, жеке адамның бойындағы ар-ұяты, ой-өрісі, әдептілігі мен мәдениеттілігі отбасынан бастау алады. Сондықтан, отбасы тәрбиесі бірінші орында тұруы тиіс.
-
«Бақытты отбасы модулін құру»
Күн шуағына отбасындағы жанұя мүшелерінің бір-біріне деген қарым-қатынасын білдіретін сөздерді тауып жазу.
(әр топ өз нұсқасын оқиды)
-
Шығармашылық жұмыс « Менің ойымша...»
1) «Құндылық құнын ұғыңдар»
Отбасымда ең сыйлы-
Ең ақылды-
Ең сүйкімді-
Ең құрметті-
Ең құнды
Ең бағалы-
Ең қажетті-
2) Отбасы туралы мақал-мәтелдер жазу.
3) Сұрақтарға жауап беру:
-Балдан тәтті не? ( бала)
- Балаға кім сыншы? (ата)
- Қара шаңырақ иесі кім? (кенже ұл)
- Әкеден балаға берілетін зат (мұра)
- Үйде кім қадірлі? (қонақ, қарт, бала)
- Елде кім қадірлі? (хан, әкім, ұстаз)
ІY. Қорытынды бөлім
-Отбасымыздың шуағы сөнбес үшін не тілейік?
(жүрекшеге тілек жазып, ілу)
«№ 14 орта мектебі» мемлекеттік мекемесі
Ашық тәрбие сағаты
ОТБАСЫМ - КҮНШУАҒЫМ
Бесимбаева Ақмарал
Жеткізгенқызы
Ақтау - 2013ж.