Өнерлі өрге жүзер

Ақтөбе облысы, Шалқар ауданы, Тоғыз стансасы

№7 орта мектебінің музыка пәнінің мұғалімі

Есеналиева Айгүл Сакипжановна

Тақырыбы: Өнерлі өрге жүзер

Мақсаты: оқушылардың алған білімдері мен үйренген әндерін паш ету, өнерге деген қызығушылыған арттыру, талантты балаларды көрсету. Дауыс диапазондарын дамыту. Сахна мәдениетіне баулу.

Көрнекілігі: баян аспабы, нақыл сөздер, тақырып жазылған плакаттар, музыкалық орталық, мукалық аппаратура.

Өнерге байланысы даналық сөздер:

«Өнерпаз болсың арқалан» Құлақтан кіріп бойды алар,

Әсем ән мен тәтті күй.

«Талаптыға нұр жауар» Көңілге түрлі ой салар,

Әнді сүйсең менше сүй. (Абай)

Өтілу барысы:

Мұғалімнің кіріспе сөзі:

-Сәлеметсіздер ме, аяулы ата-аналар, қадірменді ұстаздар, құрметті қонақтар!

Жердің сәні- жеміс, өнім, дақылы,

Адам сәні-өнер, білім, ақылы,-демекші балаларымыздың «Өнер қарлығаштары» атты ән кешіне қош келдіңіздер!

Ең алдымен «Әнге әуес, күйге құмар бала жаны сұлу, өмірге ғашық болып болып өседі» деген қазақтың ұлы жазушысы М. Әуезовтың даналық сөзін естен шығармасақ, бүгінгі бала-ертең еліміздің азаматы-жаны сұлу, рухы күшті, парасатты болатыны сөзсіз. Мектебіміздегі өнерпаз балалардың концертіне кош келдіңіздер!

1 -жүргізуші

Ерке өсіп, ең жайлаған ұл мен қыз,

Асыға сәлем жолдап, жүректен біз.

Тәтті күй, асқақ ән мен әсем биді,

Сіздерге тарту етіп келіп тұрмыз.

2-жүргізуші

Кел, достар, бастайық,

Бастайық ән кешін!

Қызықтан бос қалып,

Қызықтан бос қалып,

Еш бала жүрмесін.

1-жүргізуші

Құрметпен көп тосқан

Келді ата-анамыз.

Келіңдер, кел, достар,

Қазір ән айтамыз.

2-жүргізуші

Ал, тура қараңдар,

Жасқсы ән, күй келсін.

Білмейтін балалар,

Білгеннен үйренсін.

1-жүргізуші

Мектептің әдемі ғой әр сабағы,

Қызық- ау, әсіресе ән сабағы.

Шарипа Шара болып би билесе,

Күлипа Күлаш болып ән салады.

2-жүргізуші

Бәріміз бұл сабақта тамашамыз,

Үкілі бөрік киіп жарасамыз.

Апайға ән үйреткен риза болып,

Үйді-үйге өлең айтып тарасамыз,-демекші ән сабағынан үйренген әндерімізді сіздердің алдарыңызға тарту етпекшіміз.

1-жүргізуші

Біз өнерсіз боламызба?

Көрсін аға-апалар. .

Көрсін папа-мамамызда,

Риза болсын апайлар мен ағайлар.

2-жүргізуші

Анам -биші

Әкем - күйші,

Асқан шебер

Өзім күйші, әнші

Бүгінгі кеш ата-аналар,

Өнерімізді танып алшы.

1-жүргізуші

Мерекелер мектептен басталады,

Тез жетер балаға жасқа бәрі.

Заман сырын алдымен аңғаратын,

Мектеп -өмір айнасы қас-қабағы.

2-жүргізуші

Арна бар ма мектептен бас алмаған

Жақсылық жоқ мектепте жасалмаған.

Мектепте мерекелер тойланады,

«Мектеп ана» деп текке аталмаған.

1-жүргізуші

- Бүгінгі ән кешіміздің шымылдығын «Өнер қарлығаштары» атты әнімен

бастаймыз. Сөзін жазған Әбдірахман Асылбеков, әнін жазған Жоламан

Тұхылбаев орындайтын мектебіміздің талантты балдарынан құралған хор

ұжымы.

2-жүргізуші

Білім шыңын өрлейміз басып алға,

Қиындық жоқ, бөгеліс жолымызда.

Салтанатпен сап түзеп, ән шырқаймыз,

Көк туымыз желбіреп қолымызда.

1-жүргізуші

Гүлдей боп жайнаймыз,

Біз уақыттың жүрегіміз.

Біз-бақыттың түлегіміз,

Бұлбұл боп сайраймыз.

Сөзін Қ. Мырзалиев жазған, Байділдаевтың әні «Май жыры» әні осы

орындауда.

2-жүргізуші

-Халық өнерінен, яғни дәстүрлі ән өнеріне зор үлес қосқан әнші-

композитор, жан-жақты өнерпаздығына орай, ел оны «Сері» атандырған,

заманының озық өнерпазы Сегіз Сері еді. Сегіз Серінің әні «Ақбақай».

Фариза Оңғарсынова «Өмір-ырғақ» өлеңі оқылады

... Өмір-ырғақ, нәзік әуен, асқақ үн,

... айдын, дала, аспан - үн!

Ғұмыры жоқ ырғақтардан басқаның!

Ей, адамзат, бас әуенге, қос әнге,

Шырқат биік тіршіліктің дастанын!

Өмір- ырғақ, әуеніне ермесең,

Тірлігің- тұл, тас жаның!

Ғұмыры жоқ ырғақтардан басқаның!

2-жүргізуші

-Музыка өнерінің түп қазығы, халық музыкасы. Халық музыкасы қай

халықтың болмасын-асыл мұрасы. Ал, халық әні сол халықтың жан-дүниесі

іспеттес. Ендеше осы орындауда украинаның халық әні «Веснянка».

1-жүргізуші

-Хор жанры өзіндік ерекшелігі бар, өзіңді, басқаны, сүймелдеушіні тыңдай

білуді, олармен үндесуді талап ететін өнер. И. Карпустың сөзіне жазылған,

К.Глюктың әні «Праздник хора». Аударған Котеляр.

2-жүргізуші

-Қазақ композиторы, халық арасында тамаша әндері кең тараған және

Қазақстанда хор өнерінің негізін қалаушылардың бірі Бақытжан

Байқадамовтың «Айгөлек» әнін 2-сынып оқушыларының орындауында

тамашалаңыздар.

1-жүргізуші

Төбеден қарша зулар оқ борайды,

Айналаны ал қызыл отқа орайды,

Жеңіс үшін жастығын берген ерлер,

Бейбіт өмір, еліне төкті арайды,-дей келе, Ұлы Жеңістің 70 жылдығы

тойлануда. Сіздерге арнап Сөзі М. Мақатаеватікі, әні Н. Тілендеивтің

«Ақкептерлер» әнін хордың орындауында қабыл алыңыздар.

2-жүргізуші

-Осы орындауда халық күйі «Келіншек» хорға лайықтаған Бақытжан

Байқадамов.

1-жүргізуші

-Музыкада шекара жоқ, кездесетін кедергілер де болмайды. Музыка-қайда барсақта, біздің жұтатын ауамыз секілді ортақ өнер. Эстонның халық әні «Бәрімізде музыкалық аспап бар».

2-жүргізуші

-Романс-адамның терең сезімін білдірумен қатар, Отанын сүюге, адамгершілік қасиеттерге жетелейді. Қазақтың дана ақыны Абайдың сөзіне жазылған, дарынды сазгер, күйші, дирижер Н. Тілендиевтің романсы «Әсемпаз болма әрнеге».

1-жүргізуші

-Сөзін ауданымызға белгілі ақын Зиядин Әбдуәлиев жазған, әнін осы ауылымыздың төл перзенті, жергілікті сазгер Есенжол Өтебасов осы өңірге арнап «Кішіқұм келбеті» деген ән жазған болатын. Осы әнді 5-сынып оқушысыларының орындауында қабыл алыңыздар.

2-жүргізуші

-Қазақтың маңдайына біткен ақиық ақыны М. Мақатаевтың сөзіне жазылған, Айтқали Жайымовтың әні «Үш бақытым» әнін вокалды-топтың орындауында тамашалаңыздар.

1-жүргізуші

-Қазақ вальсінің королі, яғни сырлы саздарымен әрбір қазақ жанына ұялаған ән аға, Шәмші аға. Сондықтан ән ағаның әніне тоқталмай кету мүмкін болмай тұр. Сіздердің алдарыңызға Шүкіровтың сөзіне жазылған, Шәмші Қалдаяқовтың әні «Сыр сұлуы» әнін қабыл алыңыздар.

2-жүргізуші

Мен қазақпын, биікпін, байтақ елмін,

Қайта тудым, өмірге қайта келдім.

Мен мыңда бір тірілдім, қайта өлмеске,

Айта біргім, келеді, айта біргім.

Самғаған көкке қыраны, күн байрағы,

Бүгінгі Қазақстан гүл жайнады.

Атағы әлемге аян, айбыны зор,

Даңқы асқан, бағы тасқан нұрлы аймағы,- демекші бүгінгі ән кешіміздің шымылдығын Ш.Сәриевтің сөзіне жазылған С.Бәйтерековтың «Қазақ елі» әнімен жабамыз.

1,2-жүргізушілер

-Ән кешімізге келіп, тамашалағандарыңызға көп-көп рахмет! Сау болыңыздар!