Разработка урока по музыке на тему Дархан даланың үні сыбызғы

Ашық сабақ

Музыка пән мұғалімі:

Мұқташева Гулшат

2015 - 2016

Сыныбы: 1 « а »

Сабақтың тақырыбы: Дархан даланың үні сыбызғы.

Сабақтың мақсаты: Сыбызғы аспабымен таныстыру

Білімділік мәні :Сан ғасырлық тарихы бар музыкалық аспаптармен таныстыру.

Дамытушылығы:Оқушылардың жан - жақты білімдерін арттыру.

Тәрбиелік мәні : Музыкалық аспаптар арқылы көптеген ұлттардың өнерін танып, білу, аспаптардың туыстастығын көрсету.

Сабақтың түрі: дәстүрлі

Сабақтың типі:Жаңа сабақты меңгерту

Сабақтың әдісі: Жаңа сабақ түсіндіру , әңгімелеу, музыка тыңдау, шығармашылыққа баулу.

Пәнаралық байланысы: Музыка әдебиеті , тарих, әдебиет, технология.

Сабақ барысы:

Ұйымдастыру кезеңі: Амандасу, сыныпты түгендеу.

Қызығушылығын ояту.
- Балалар, ертегіні жақсы көресіңдерме?
Ертеде бір адам көл жағалап келе жатып, бір дыбысты естиді. Ол дыбысты іздесе, көл жағалауынан сынған қамысты көреді. Қамыс желдің тербеуімен әуендетіп тұр екен. Бұл дыбысқа қайран қалып, сол қамысты кесіп алады. Қамысты үрлеп көрсе, одан әдемі дыбыс шығады.Табиғаттың сыйы болған қарапайым қамыс сұлу әуенге толы музыкалық аспапқа арналды. Қазақ халқы осы аспапты сыбызғы деп атайды.Уақыт өте келе аспапқа бірнеше тесік жасап, құбылтып түрлі әуенге салып ойнайды.

Өткен әндерді қайталау.

Актуалдау: Жұмбақты шеш:

1.Тиіп кетсе жылаған,

Дауысы көпке ұнаған.

(Домбыра)

2.Сызылған үні, сүйкімді тілі.

(Сыбызғы)

Жаңа сабақ: Дархан даланың үні- сыбызғы.

Сыбызғы- қазақтың үрмелі аспабы. Көбіне қамыстан, ағаштан жасалады. 3-4 ойығы бар.

Сыбызғы аспабында күй орындаушы, күйші Сармалай күйші. Ол Орал жерінде туған. Қазақ халқының музыкалық аспаптары домбыра, қобыз, шертер, дабыл, дауылпаз, қоңырау, асатаяқ, тұяқтас тағы басқа көптеген аспаптары бар.

Музыка сауаттылығы: Үрмелі аспаптар үріп арқылы орындалады.

Ән орындайық!

Домбырасыз сән қайда?

Елдің жырын жырлаған

Қайғысын да толғаған.

Домбырасыз ешқашан,

Жүрекке ем қомбаған.

Қ-сы:

Домбырасыз ән қайда?

Домбырасыз сән қайда?

Ән мен күй бар өмірде

От та лаулап жанбай ма?

Құрманғазы ,Тәттімбет

Домбырамен сайраған.

Жүрекке от жақсын деп,

Елге күйін арнаған.

Абай , Жамбыл, сал Біржан,

Таңғалдырып ән салған.

Жүрегіңді жандырған

Естіген жан тамсанған.

Қорытындылау :

- Үрмелі аспаптарды ата?.
- Сыбызғы аспабы қалай пайда болды?
- Сыбызғыға ұқсас қандай аспаптар бар?

Үйге тапсырма: Дархан даланың үні сыбызғы туралы кеңірек ақпарат іздеп келу.

Бағалау .