Ашық сабақ Симметрия түрлері

СИММЕТРИЯЛАР.

Гүлшат ИМАНТАЕВА,

Ө.Қанахин атындағы орта мектебінің мұғалімі

Сабақтың тақырыбы:

«Симметриялар» тақырыбын қайталау.

Мақсаттары:

Симметриялар тақырыбы бойынша алған білімдерін пысықтау. Есте сақтау қабілеттерін сыни ойлауын дамыта отырып, өз бетінше еңбектену белсенділіктерін арттыру. Оқушыларды дәлдікке, ұқыптылыққа, жылдамдылыққа, ептілікке тәрбиелеу.

Оқыту нәтижесі:

• Шапшаң ойлауға, өз ойын ашық айтуға дағдыланады.

• Сыни ойы артады.

• Бірлесіп жұмыс жасауға үйренеді.

Уақыты

Ресурсы

Сабақтың мазмұны:

Мұғалімнің іс-әрекеті

Оқушылардың іс-әрекеті

1-2 минут

парақшалар, бағалау парағы

Оқушылардың көңіл күйін сабаққа даярлығын анықтау.

Топқа бөлу. /симметриялы фигуралар түріне қарай/

1 топ - Осьтік симметрия

2 топ - Центрлік симметрия

Бағалау парағын топ басшыларына беру, критерийлерімен таныстыру.

Оқушылар көңіл күй

белгілерін таңдау арқылы

сабаққа даярлығын

көрсетеді.

Топ басшыларын сайлайды.

3-5 минут

графикалық диктант, интерактивті тақта,

бағалау критерийі

Өткенді еске түсіру.

«Біліміңді сынап көр» /графикалық диктант/

1. Түзу шектелген фигура.

2. Жазыңқы бұрыштар 90⁰ бұрыш жасайды.

3. Қиылысатын екі түзудің ортақ бір ғана нүктесі болады.

4. Паралель түзулерді жатқан кесінділер де өзара перпендикуляр болады.

5. Вертикаль бұрыштар өзара тең.

6. Берілген түзуде жатпайтын бір нүкте арқылы сол түзуге бірнеше параллель түзу жүргізуге

7. Бұрыш - осьтік симметриялы фигура.

8. Кесінді - центрлік симметрия болмайды.

9. Шеңбердің симметрия осі шексіз.

10. Тік төртбұрыштың диагональдарының қиылысу нүктесі - оның симметрия центрі.

Оқушылар графикалық диктантты орындайды.

Графикалық диктанттың жауабы:

Оқушылар «ДЖИГСО» әдісі бойынша жауаптарын өзара алмастырып тексереді және екі топ кезектесіп дұрыс жауаптарды оқиды.

0-1 қате - 3 ұпай

2-3 қате - 2 ұпай

4-5 қате - 1 ұпай

6 қате не одан көп - 0 ұпай

7-10 минут

деңгейлік тапсырмалар, интерактивті тақта,

кеспе қағазадар.

Деңгейлік тапсырмалар.

А деңгейлі оқушыларға кеспе қағаздары таратылады.

В деңгей.

Координаталық жазықтықтағы А(2;6) нүктесіне:1) Ординаталар осіне қатысты симметриялы нүктені тауып, координаталарымен жазыңдар;

2. Абсциссалар осіне қатысты симметриялы нүктені тауып, координаталарымен жазыңдар.

С деңгей.

АВС тең бүйірлі үшбұрыштың В төбесі арқылы өтетін k түзуі - оның симметрия осі. А төбесінің симметрия осінен қашықтығы 3,5 см. ВС қабырғасының ұзындығы 9 см. АВС үшбұрышының периметрін табыңдар.

Р = 9*2+3.5*2=25

Жауабы: 25 см.

7-10 минут

флипчарттар, маркерлер.

Топтық жұмыс.

І топ - «Симметрия табиғатта»

ІІ топ - «Симметрия тұрмыста»

Интерактивті тақта арқылы толықтыру жасайды.

Симметрия - ғажап әлем. /слайд/

а)физикада

ә) техникада

б) табиғатта

в) архитектурада

г) көркемөнерде

д) математикада

Табиғаттағы және тұрмыстағы симметриялы денелерді бейнелеу және топ болып қорғау.

3-5 минут

интерактивті тақта

Сергіту сәті. /Логикалық есептер/

/бір шиді жылжыту арқылыдұрыс жауабын тап./

Cиырдың басын екі шырпыны қозғап теріс қаратыңдар

/1-тәсіл/

/2-тәсіл/

7-10 минут

оқулық

Оқулықпен жұмыс.

№1230, 1233

Топ бақылаушылары есепті өз тобында жақсы шығарып отырған оқушыларға және тақтаға шыққан оқушыларға есептің дұрыстығына орай ұпай жазып отырады.

3-5 минут

инт. тақта

Сөзжұмбақ «Симметрия»

1. О_х осі қалай аталады?

2. Әр түрлі екі шаманың арасындағы тәуелділік координаталық жазықтықта сызықпен кескінделгенін қалай атаймыз?

3. Ұзындықтың өлшем бірлігі.

4. - санның ...

5. Координаталық жазықтықты зерттеген француз математигі.

6. "Координата" латынның қандай сөзінен алынған?

7. "Параллель" гректің қандай сөзінен алынған?

8. О_У осі қалай аталады?

9. Екі қатынастың теңдігі.

Рефлексия

Бағалау

1-2 минут

«+», «-», «?» кестесіне оқушылар толтырады.

Бағалау парақтары бойынша

Оқушының

аты-жөні

үй тапсырмасы

«Біліміңді сынап көр» /граф. дикт./

Деңгейлік тапсырмалар

Топтық жұмыс.

Логикалық есептер

Есептер шығару №1230,1233

Сөзжұмбақ

Жалпы

ұпай

Қосымша

тапсырма

№ 1226, 11231

Ақтөбе облысы,

Ырғыз ауданы.