Менің отбасым және математика (5 сынып)

"Менің отбасым және математика" атты ойын-сайыс
Ойын-сайыс «Менің отбасым және математика»

Мақсаты: Ата-аналарды балаларымен бірге мектепішілік іс-шараларға қатыстыру, отбасы мүшелерін алдарына қойған мақсаттарына жетуге ынталандыру. Ойынға қатысушылардың математикаға деген қызығушылығын арттыру. Математикалық мәдениеттілікке тәрбиелеу.

Команда құрамында: екі оқушы, екі ата-ана
Команда жанкүйерлері: сынып оқушылары, ата-аналар, сынып жетекшілері.
Әділқазылар алқасы: мектеп әкімшілігі және мұғалімдер

Мұғалім: Құрметті ата-аналар, қымбатты оқушылар! Бүгінгі кешіміз қызықты өтіп және тек қана оқушыларға емес, ата-аналарға да әсері мен пайдасы тиеді деген сенімдемін. Расында да математика - барлық ғылымдардың патшасы демекші, күнделікті өмірде математикасыз күніміз жоқ. Бұл туралы бүгінгі «Менің отбасым және математика» атты кешімізде әңгіме жүргізілуі себебі балалар математика туралы алғашқы мәліметтерді отбасынан алады.

1-жүргізуші:

Армысыздар, оқушылар сымбатты,

Ұстаздары мектебімнің қымбатты.

Атсалысып қатысайық сайысқа,

Бірге ойнап, бірге ойлайық жұмбақты.

2-жүргізуші:

Армысыздар ата-ана құрметті,

Сіздерден де талай сұрақ сұралар.

Оқушымен сайыс жасап жарысып,

Сіздердің де кезің келді сыналар.

1-жүргізуші:

Жеңімпаз деп білеміз ойы барды,

Сіздерге мықты талап қойылады.

Есептердің түр-түрі біздерде бар,

Жұмбақтың да түр-түрі қойылады.
2- жүргізуші:

Шын мықтының мықтылығын растайық,

Әділ баға беруден де қашпайық.

Көп сөйлемей, босқа тұрмай ендеше,

Дәл бүгінгі кешімізді бастайық.

1- жүргізуші:

Бірімізден біріміз қалыспайық,

Әділ, әрі байыппен жарысайық.

Сайыстың дәл бағасын берер жандар,

Әділ қазы алқасымен танысайық.

2- жүргізуші:

Сайысымызды бастамас бұрын
Әр топтың білімін дұрыс бағалау үшін әділқазылар алқасын сайлап алайық.

Мектеп директоры: Рахымбеков Жасұлан Жақыбайұлы

Директордың оқу ісінің меңгерушісі: Елюбаева Нұрсұлу Жорабаевна

Тәрбие ісінің орынбасары: Балмағанбетов Төлеген Шайкенұлы

Және ұпайларды есептеуші: Алиева Жанара Қахармановна.

Бүгінгі сайыс шарттары әділқазылар алқасының алдына дайындалып қойылған.
1- жүргізуші:

Сұрақтар түр-түрімен табылады,

Шын жүйрік шабысынан танылады.

Шын жүйрікті анықтап берер бізге,

Қазыларға қошемет соғылады.

2- жүргізуші:

Біреулерге талай білім жиылар,

Біреулерге сәттілік кеп құйылар.

Ал біреулер тек көмекке сенгендер,

Ал біреудің қатты істейтін миы бар.

1- жүргізуші:
Әр команданы ортаға шақырамыз.

«Сұңқар» - тобы

«Тұлпар» - тобы

«Барыс» - тобы

Мұғалім: Сонымен сайысымызды бастаймыз.

1-кезең. ТАНЫСТЫРУ (5-10 ұпай)

Әр топтың ата-аналары мен оқушылары өздерінің алдын-ала дайындап келген таныстыруын айтады және топтың атын қорғайды.

2-кезең. КІМ ЖЫЛДАМ ??? (1 дұрыс жауап - 10 ұпай)

1 топ:

1. Қатар тұрған үш санның қосындысы да, көбейтіндісі де 6 - ға тең. Ол қандай сандар? (1,2,3,)

2. 20 метр матаны 10 бөлікке 2 м-ден бөлу үшін , неше рет кесу керек? ( 9)

3. 7 май шам жанып тұр. Екеуі сөніп қалды, қанша май шам қалды? ( 2)

4. Әкесі 30 жаста , баласы 5 жаста. Неше жылдан кейін әкесі баласынан 27 жас үлкен болады (ешқашан)

2 топ:

1. 4 жұмыртқа 10 минут піссе 10 жұмыртқа неше минут піседі? (10 минут)

2. Бір азаматтың әкесі Николай Петрович, ал оның ұлы - Алексей Владимирович. Ол азаматтың аты-жөні кім? (Владимир Николаевич)

3. Таяқтың екі басы бар. Егер оның бір жағын кессе, таяқтың неше басы қалады? (2)

4. Әкесі мен ұлы ағашты 12 рет кесті. Қанша бөрене шықты? (13)

3 топ:

1. Ағаш үстінде 30 торғай отыр еді, аңшы оның екеуін атып түсірді. Торғайдың қаншасы қалды? (екеуі)

2. Егер екі кірпіштің салмағы 8 кг болса, 1,5 кірпіштің салмағын тап. (6 кг)

3. 360 секундты минутқа айналдыр (6 минут)

4. Заттарды санау үшін қолданылатын сандар қалай аталады? (натурал сандар)

3- кезең. МАҚАЛ-МӘТЕЛДЕР (бір мақал - 10 ұпай)

Әр топ ұяшық таңдайды, сол ұяшықта жасырылған сан кездесетін мақал-мәтелдер айтылады. Ойлануға 1 минут.

1 ұяшық - 2

2 ұяшық - 1

3 ұяшық - 7

2 санына

Бас екеу болмай, мал екеу болмас.

Екі уыс алтын берсе, үшіншісін қоса сұра.
Екі қарға таласса, бір қарғаға жем түсер.
Екі баланың ортасындағы шал бала болады,

Екі шалдың ортасындағы бала дана болады.

Екі аяқтыда бажа тату, төрт аяқтыда бота тату.

1 санына

Бір күн ашыққаннан қырық күн ақыл сұрама.
Білікті бірді жығар, білімді мыңды жығар.

Жігіт бір сырлы, сегіз қырлы болсын.
Мыңның жүзін білгенше, бірдің атын біл.
Ер бір рет өледі, ез мың рет өледі.

7 санына

Жеті атасын білмеген ұл жетесіз.

Жеті атасын білген ұл жеті жұрттың қамын жер.

Жеті жұрттың тілін біл, өз тіліңді құрметте.

Жігітке жеті өнер де аз.
Жеті рет өлшеп, бір рет кес.

4-кезең. Есепте есеңді жіберме. (жоғарғы ұпай - 5)

Топтағы оқушыларға есептер беріледі. Есепті дұрыс шығарған оқушылардың тобына ұпай қосылады.

5-кезең. Сергіту сәті. ҚҰРАМАҚ (жылдамдықтарына қарай 5-10 ұпай)

Әр топқа сұрақтармен берілген фигуралар таратылады, сол фигуралардан бір фигура құрастыру керек.

6-кезең. 7 - ҚАСИЕТТІ САН (жоғарғы ұпай 7)

Әр топ ұяшық таңдайды, сол ұяшықта жасырылған сұраққа жауап береді. Ойлануға 1 минут.

1 ұяшық - «Жеті қазына»

2 ұяшық - «Жеті жоқ»

3 ұяшық - «Жеті ата»

Жеті қазына: 1. Ер жігіт. 2. Сұлу әйел. 3. Ілім-білім. 4. Жүйрік ат. 5. Құмай тазы. 6. Қыран бүркіт. 7. Берен мылтық.

Жігіттің жеті қазынасы:

Жүрдек аты -жігіт қаны, қанаты
Қыран бүркіт - қарым күші, қуаты.
Құмай тазы - бастан берік сенімі,
Ақ мылтығы - сөнбес оты, серігі
Алмас кездік - жігіт сусы, һәм мысы
Ау жылымы - амал, айла, әдісі
Қара қақпан серті себі тірліктің
Осы жеті қазынасы жігіттің.

Жеті жоқ: 1. Жерде өлшеуіш жоқ 2. Аспанда тіреуіш жоқ 3. Таста тамыр жоқ

4.Тасбақада талақ жоқ 5. Аллада бауыр жоқ 6. Аққуда сүт жоқ 7. Жылқыда өт жоқ

Жеті ата: 1. Бала. 2. Әке. 3. Ата. 4. Арғы ата. 5. Баба. 6. Түп ата. 7. Тек ата.

7 кезең. ЖҰМБАҚ САЙЫСЫ (1 дұрыс жауап - 10 ұпай)

1. Бұл саған ... дейді шешесі
   Үзіліс арасында ыңғайсыз жағдай
   Тынымсыз оның аяқталғанын тосасың
   ( сабақ )
   2. Үлкендер сөзімен , өмір- ол ...
   1 сынып сонымен басталады
   11 сынып сонымен аяқталады
   (емтихан)
   3. Бөлмеде ол төртеу
   Бұзықтарды сонда қояды
   Транспортирмен өлшенеді.
   (бұрыш)
   4. Бір, үш, бес, он
   Жиырма, елу
   Жүз, екі жүз, мың бар,
   Әрқайсысының құны бар.
   ( теңгелер)
   5. Сабақ арасындағы
   Мектептегі ең жағымды сәт
   Өзі тез аяқталады.
   (үзіліс)
   6. Үздіктер оны сирек жасайды
   Содан сабақ алады
   Ол үшін баға кемітіледі
   ( Қате)

8 кезең. ҚОЛДАНБАЛЫ МАТЕМАТИКА

Үш топқа өмірмен байланысты үш тапсырма беріледі. Топтар соны орындайды. Жоғарғы ұпай - 15 ұпай

1-топ тапсырмасы. 4 алманы 4-ке бөліңіздер. Біреуі тарелкада қалуы керек.

2-топ тапсырмасы. 800, 500 және 300 граммдық ыдыстар бар. 800 граммдық ыдыстан 600 грамм суды құйып алыңыздар.

3-топ тапсырмасы. 35 кәмпитті әр тарелкада қайталанбатындай етіп 5 тарелкаға бөліп салыңыздар.

Қорытындылау. Әділқазыларға сөз беріледі. Сайыскерлер марапатталады.