Өзін-өзі тану пәнінен Тамырын жайып тереңге

Сыныбы: 7 сынып
Тақырыбы: Тамырын жайып тереңге

Құндылығы: Дұрыс әрекет.

Қасиеттері: Сүйіспеншілік,жағымды қарым-қатынас, адамгершілік

Сабақтың мақсаты: Оқушыларға отбасы құндылықтары, ата- баба дәстүрі, ұрпақтар сабақтастығы туралы түсіндіру;
Міндеттері:
- балаларға отбасы құндылығы, отбасы бақыты, ұрпақтар сабақтастығы туралы білім беру;
- туған үйлері мен отбастарына деген сүйіспеншіліктері мен отбасындағы жағымды қарым- қатынас жасау іскерліктерін дамыту;
- туған үйлері мен отбастарын құрметтеуге, бағалай білуге тәрбиелеу;
1.Сабақ барысы. Ұйымдастыру

1.Амандасу

2. Оқушылардың көңіл-күйін сұрау.

2.Тыныштық сәті

Иран баққа ойша серуен (баяу музыка ойнап тұрады)
Мұғалім: Балалар ыңғайланып, денелеріңізді тік ұстап отырыңыздар. Көзімізді жұмбауға да болады. Таңертең сабаққа келе жатырсыз. Кенет күлімдеп күн шығып саған нұрын төкті. Сол кезде сенің бойыңда керемет күш пайда болды. Бұл нұр сәулесінің саған беріп жатқан жылылығы, жақсылығы, қуанышы. Оны сен достарыңа беруге мектепке қарай асықтың. Кенет алдыңнан Иран бақ кездесті. Бақтың ішіне жайлап еніп едің тамаша табиғат, мөлдір бұлақ, тау самалынан ескен самал жел, бәрі - бәрі тамаша, керемет күйге енесің. Сен сол жақсылықты достарыңмен, ұстазыңмен тезірек бөлісуге асығып мектебіңе келдің. (Музыка жіберіліп бір сәт тыңдатады)

3. Үй жұмысын тексеру

Дәптер бойынша берілген тапсырманы тексеру.

4. Жағымды (оң) пікірлер

ОТБАСЫ-
1. Сүйіспеншілікті сезінуге үйретеді
2. Жақсылыққа жетелейді,
3. Әрқашан қамқоршың, тілеулесің болады;
4. Білім алуға, еңбектенуге
үйретеді
5. Үлкендерді құрметтеуге, кішілерге қамқор болуға тәрбиелейді

5. Мұғалімнің, баланың әңгімесі

Әңгімелесу:
1. Өздеріңнің жақындарыңа деген сый-құрметтеріңді қалай білдіресіңдер?

2. Отбасы мүшелерінің ой-ниетімен, көзқарасымен, сезімімен санааса білесіңдер ме?

3. Отбасындағылармен пікірлерің, көзқарастарың тоғыса ма? Ал алуан түрлі болса ше?

4. Үлкендердің ризашылығын қалай алуға болады деп ойлайсыңдар?

6.Шығармашылық жұмыс. Жағдаяттарды талдау.

1-жағдаят

Бізді бағып-қағу үшін анам мектепте еден жуушы болып жұмыс істейтін. Бұл жағдай мені қатты ұялтатын. Бастауыш сыныпта оқып жүргенімде мені көруге келген еді. Ертеңіне досым: «Сенің анаң еден жуады екен ғой»,-дегенде, ұялғанымнан жерге кіріп кете жаздадым. Мұндай жағдайға түсуге қалай ғана дәті барды екен? Анама: «Мені осылай ұялтқанша, келмей-ақ қойғаның жақсы еді»,-дедім.

2-жағдаят

Анасы мен әкесі ұлының туған күнін асыға күтетін. Бұл күні анасы ұлына ұнайтын түрлі дәмді ас даярлапотбасы бақытты бір күйге енетін. Ұлының бүгінгі туған күнінде де ата-анасы мектептен ұлын тағатсыздана күтіп отыр. Телефонның даусы естілгенде, анасы мен әкесі тұтқаға қатар жүгірді. Баласы:

• Ана, мен достарыммен кафеге баратын едім, сенсеңіз, онда сіз жасаған тамақтардан да керемет, сіз жасаған тәттілерден де дәмді нәрселер жасап мені күтіп отыр,-деді Анасы:

• Жарайды, балам, абайлап жүр деді.

Қарама-қарсы жақтардың дәлелдері қандай болады?

Оқиғаның нәтижесі қандай болу керектігін оқушылар сахналау арқылы көрсетеді.

1. Отбасыңда қандай ағасың, қандай іні, қандай қарындассың?

2. Ағалыққа немесе әпкелікке тұрарлық қандай іс жасап жүрсің?

3. Лайықты іні немесе қарындас болып жүрсің бе?

7. Ән айту

Ауылым-әнім

Сөзі: Б. Тәжібаевтікі

Әні: Е. Хасанғалиевтікі

Қайда жүрсем, туған жерім,

Сен есімнен шығармысың.

Жастық дәурен құрған жерім,

Көз алдымда тұрармысың

Ғашық едім қыр гүліне

Қызық-тойым сенде өтеді.

Сенде өткерген бір күніме

Дүниеде не жетеді!

Сүйем таныс жолдарыңды,

Саған бастап әкелетін.

Сүйем жасыл талдарыңды

Жанға ләззат әперетін

Сүйем айна көлдеріңді

Мөлдіреумен қарайтұғын

Саған жырдан сый арнағам

Қиял құсын қуған жерім.

Туған жерін сүйе алмаған

Сүйе алар ма туған елін.

8.Үйге тапсырма

Өлеңді оқыңдар. Өз ата, әжелеріңнің өнегелі істерін әңгімелеп беріңдер.

«Отан отбасынан басталады» атты шағын әңгіме жазу.

9.Жүректен жүрекке

10.Соңғы тыныштық сәті.(Қорытынды)

Сабақтан алған әсерлеріңді көз алдарыңа елестете отырып, бүгінгі сабағымызды аяқтаймыз.