Сабақ жоспары Салыстыру даярлық тобы

Пән:Сыныптан тыс.

Күні: 28.12.15.

Тақрыбы: Жасыл шырша жанында.

Мақсаты: 1.Қыс туралы білімін бекіту.

2.Жаңа жыл мерекесі ең қызықты ,отбасылық мереке екенін балаларға түсіндіру.

3.Жаңа жыл мерекесіне деген қызығушылығын арттыру.

Жаңа жыл мерекесі:

Аяз ата: Құтты болсын балалар,

Келген жаңа жылдарың.

Алаңдамай өсіңдер

Еркелеп қыз,ұлдарым.

Өткен жылы келіп ем,

Бәріңде де көріп ем,

Жыл өткізіп келем деп,

Уәдәмді беріп ем.

Ойларың мен бойларың да

Бірдей өсіп қалдыңдар ма?

Ал мен кіммін айтыңдаршы

Мені тани алдыңдар ма?

Ақшақар: Сәлеметсіңдер ме балалар ,Жаңа жылдарың құтты болсын!

Сүйсіндірер маңайды,

Ақшақармын арайлы.

Жалт-жұлт етке жұзімнен

Күміс сәуле тарайды.

Ақшақармың аппақпын

Қалай тыныш жатпақпын.

Менсіз қыстың сәні жоқ

Әншімін,жырмын,тақпақпын.

Мұғалім:Балар,өнерлеріңді көрсетейік Аяз ата мен Ақшақарға.

Айым: Жаңа жылды алдым,

Мініп алып күмеге.

Мен де бүгін ән салдым,

Араластым биге де.

Мерейлім: Оралдың өлкеме,

Жаңа жыл армысың.

Оранды ақ көрпеге

Асқар тау ,қарлы шың.

Бақнұр: Ақ қырауға малынған

Сақалы да,мұрты да

Аяз ата сағынған,

Сәлем берді жұртыма.

Гаухар: Безндіріпшыршаны

Жыл қуантты баршаны,

Той- маскарад басталды

Аяз ата оны басқарды.

Би: Малик А. Илияс А.

Аққала

Қарлығаш: Ауыл алды ақшақар,

Ақшақарда балалар,

Соғып жатыр аққала.

Бірі -инженер, бірі - ұста,

Жалқауы жоқ жұмысқа,

Кіп-кішкентай боп қана.

Бекарыс: Бірі әкеліп қар үйіп,

Біреуі әйнек ойыпты,

Біреуі есік қойыпты,

Өздеріне шақ қана.

Айдын: Бірі қарға су құйып,

Күліседі күлімдеп:

«Бітірейік» деп қана.

Қыс

Нұртілеу: Айнала күміс қар,

Енді не тұрыс бар?

Ал кеттік, балалар,

Бітпеген жұмыс бар.

Айнала ақ айдын,

Бәрі аппақ маңайдың.

Тазартып тастайық,

Ауласын ағайдың.

Жұмбақ жасыру:

Айдын: Зулап түсіп төменге,

Шықпас менсіз төбеге. (шана)

Ән: Ботай Н. Дәметхан А.

Жақсылық: Жылдың әнін бастайын

Аяз ата кеп қалды.

Майысады жас қайың

Көтере алмай көп қарды.

Сымбат: Бақша іші мереке

Ойын күлкі асқақ ән.

Жақсы әпкелер жаңа кеп,

Мерекені бастаған.

Қыс

Назерке: Ақ киімді, денелі, ақ сақалды,

Соқыр мылқау танымас тірі жанды.

Үсті- басы ақ қырау, түсі суық,

Басқан жері сықырлап келіп қалды.

Альбина: Бұлттай қасы жауып екі көзін,

Басын сілкісе, қар жауып мазаңды алды.

Борандай бұлт - сарқ етіп долданғанда,

Алты қанат ақ орда үй шайқалды.

Айтолқын: Әуес көріп жүгірген жас балалар,

Беті- қолы домбығып үсік шалды.

Шиден мен тон қабаттап киген малшы

Бет қарауға шыдамай, теріс айналды.

Ертегі: «Үйшік»: Айып Айым- автордың сөзін оқыды

Сұр тышқан - Дәметхан А.

Бақылдауық бақа - Нұрболат М.

Қорқақ қоян - Сембай Н.

Түлкі - Малик А.

Қасқыр - Мұрат Б.

Аю - Ботай Н.

Қызыл шұнақ

Мәди: Шытынайды тыста аяз-

Қызыл шұнақ үскірік.

Қылшылдайды жалаңдап,

Зәрлі үнмен ысқырып.

Әли: Ұшан-теңіз қалын қар,

Жерді басып жабады.

Шұнақ аяз жалаңдап,

Екі санын сабады.

Ақнұр: Мұздай демі бет қауып,

Аяз аузын ашады.

Құлақтанып қызыл күн,

Жасыл үшқын шашады.

Сұңғат: Айналамда ұшып жүр

Ақ мамық қар себелеп.

Қалт-құлт еткен бейне бір

Ақ қанатты көбелек.

Қарлығаш: Үстіме жалп-жалп жауады,

Ақ тауықтың жүніндей.

Жайнатады даланы

Ақ жібектің түріндей.

Ақерке: Ақ желегін жамылды

Сұрғылт тау-тас,сай-сала.

Ақ қардан көрпе жамылды

Ауыл үсті айқара.

Ата-ана құттықтау сөзі:Бапаева Г.

Аяз-ата: Жарайсыңдар, балалар барлықтарың өнерлі екнсіңдер.Ата-аналарда мықты екен .Мені бүгін бір қуантып,алыс жерден шаршап келгенде көңілімді көтердіңдер.

Ақшақар: Иә ,солай ,ата балалар керемет өнерлерің тамашаладық.

Аяз-ата: Ал енді біз жолға шығайық.Басқа да балалардың өнерін тамашалайық.

Күні:23.11.15.

Тақырыбы: Киіз үй

Пән:Бейнелеу өнері.

Мақсаты: 1.Киіз үй туралы түсінік беру.

2.Балаларға киіз үйдің суретін салып,оны ою-өрнектермен әшекейлеп безендіруді үйрету,түс және ырғақты сезінулерін дамыту.

3.Ой-қиялын,шығармашылық қабілеттерін дамыту.

Сабақтың көрнекілігі: Киіз үйдің суреттері.

Сабақ түрі: Аралас сабақ.

Әдіс-тәсілдері:Түсіндіру,сұрақ-жауап.

Сабақ барысы:

І.Ұйымдастыру кезеңі:

1.Амандасу.

2.Сынып түгендеу.

3.Оқу-құралдарын даярлау.

ІІ.Өткен сабақты еске түсіру:

-Балалар қимыл-қозғалыс неге керек?

- Жаттығуларды қай мезгілде жасайды?

- Қандай жаттығуларды білесіңдер?

ІІІ.Мақсат қою: Киіз үйді бейнелеу жолдарын үйрету.

ІV.Жаңа сабақ:

- Балалар мына жұмбаққа жауап беріңдерші:

Қазша қанатын жаяды,

Үйрекше мойнын созады,

Құсша қонады.(киіз үй)

Қазақтардың неғұрлым көп тараған үйі-бұл киіз үй,бұл үй көшпелі қазақ халқының көшпенді өмір салтындағы талаптарына жауап беріп отырған.

Киіз үй -жаз және қыс уақыттарындағы ең қолайлы үй болған ,мысалы қыста жылы жазда-салқын болып тұрған.Киіз үй өзінің сыртқы көрнісі мен көлеміне қарай әртүрлі (үлкен,кішкене,аппақсалтанатты,қоңыр үй және т.б).

Киіз үй бір неше бөліктен құраладі олар: шаңырақ, керкге,уық,осылардың үстінен жабылатын киіздер,үзік,бақан,түндік,белдеу.Киіз үйлерді шебер адамдар ұлттық ою-өрнекпен безендірген.

Шаңырақ.

Көтерілсе шаңырақ,

Ақ бақанды астына ап,

Жатқан уық жамырап,

Бірігеді бас құрап.

Кереге.

Ыңғайлы жоқ өзіңдей,

Тез жиналар ,қаласаң.

Тор жол дәптер көзіндей-

Керілгенде қарасаң.

- Балалар біз бүгін киіз үйдің суретін бейнелеп үйренеміз.Әліппе-дәптеріңе қараңдар. Киіз үйді жайлауда жаз мезгілінде орналастырады.

Сергіту сәті: Орнымыздан тұрайық,

Қолды белге қояйық.

Бір отырып,бір тұрып

Біз шынығып алайық.

Бір,екі,үш,

Орнымызды табайық.

- Бізде табиғаттың суретінен бастайық.Суретіміздің ортасына киіз үйді орналастырайық. Киіз үйді шаңырақтан бастап саламыз, керегесін салайық,ортасына есікті саламыз.Үйдің сыртын безендірейік оюлармен.

Дәптермен жұмыс: Оқушылардың берілген тапсырма бойынша ,жұмысты дұрыс орындалуын қадағалап бақлайды.

V. Түсінгендерін тексеру:

- Балалар біз бүгін ненің суретін салдық?

- Киіз үй неден құралады?

-Үйдің сыртын немен безендіреді?

VI. Қортындылау:

Жұмбақты шеш:

Көтеріп орман ,тоғай,тастың бәрін

Жапанда шөгіп жатыр үлкен нарың.

(киіз үй)

VII. Бағалау :

Салған жұмыстарын бағалау,мадақтау.

Күні:15.12.2015.

Сыныбы:Д «А»

Пән: Тәрбие сағаты.

Тақырыбы: Менің отаным -Қазақстан.

Мақсаты:

1.Оқушылардың еліміздің қысқаша тарихымен,мемлекеттік рәміздерімен таныстыру.

2. Өз Отанын сүйюге тәрбиелеу,тұған елге деген сүйіспеншілігін арттыру.

3. Халқымыздың әдеп-ғұрпын ,салт-дәстүрін сақтап әрі қарай жалғастыруға тәрбиелеу.

Көрнекілігі: Рәміздер,мақал-мәтелдер,Н.Ә. Назарбаевтың суреті.

Сабақ барысы:

Мұғалім: Құрметті ұстаздар ,ата-аналар келген қадамдарыңыз сәтті болсын. Ой да ортақ ,той да ортақ дегендей,сіздердің назарларыңызға «Менің отаным-Қазақстан»атты тәрбие сағатымызды ұсынамыз.

Иә бүгін үлкен мереке ,Тәуелсіздік алғанымызға 24жыл толып отыр.Халықтың тыныс-тіршілігі тарих таразына салып ,ұлы көш алға басып барады.

Күн болды бүл керемет

Ақ түйе қарны жарылған.

Ел болдық шүкір не керек

Әлемге аты танымал.

Міне балалар,біздер елімізбен мақтанамыз.Бұл еркіндік оңайлықпен келген жоқ. Қазақ елі еркіндікке жету үшін қаншама қиын-қыстау кезендерді бастан кешіржі. Қазақстан тәуелсіздік алды.

Мәди: 1986ж оқиға халықтың есінде мәңгі сақталады. 16 желтоқсанда қазақ жастары Орталық лаңға шығып ,Қазақстан тәуелсіздігін талап етті.

Айдана: Осының нәтижесінде 1991ж 16желтоқсанда Қазақстан Республикасы Тәуелсіздік туралы заң қабылданды.

Хор: Гимн.

Айдын: Мереке бүгін ұлы күн,

Бабалар рухы көксеген.

Азатты елдің ұлымен,

Теңескен төбем көкпенен.

Айтолқын: Мереке бүгін бақ күні,

Егеменді елімнің.

Желбірейді көк туы,

Түсіндей боп көгімнің.

Назерке: Жасасын жаса азат күн

Жасасын бейбіт ,ел,су,жер.

Бостандық алған қазақтың

Мәртебесін көрсін ел.

Мерейлім: Қасиетті мейірі

Киелі жер суымда

Қазағымның пейілі

Орнектеулі туында.

«Қазақстан-Республикам менің.»

Айтолқын: Айқаста жаудың алқымын сыққан,

Ажалға қимай намысты елін.

Төлеген,Мәншүк батырлар шыққан

Қазақстан -Республикам менің.

Нұртілеу: Абай туған, Сәкен туған,

Құрметте досым,қазақтың жерін.

Қамбаға жылда миллиард құйған,

Қазақстан-Республикам менің.

Бекарыс: Әйгілі күн ,шатыры аспан ,

Кең дала Төсі толған егін

Көлдіре көкке, күмістер шашқан.

Қазақстан- Республикам менің.

Мұғалім:1991ж16желтоқсанда Жоғары Кеңес Қазақстан Республикасының тәуелсіздігін жарияланды. Біздің еліміз демократиялық елге айналады.

Қазақстан Республикасының тәуелсіз ел ретінде меммлекеттік рәміздері бар.

Бекарыс: Кез келген меммлекеттік рәміздің ең маңыздысы-әнұран.Әнұран мемлекеттік салтанатты ән. Ол халықты әйгілі етеді. Оның сөздерінде халықтың мыңдаған жылғы тарихы бүгінгі өмірі мен келешек арманы айтылған.

«Республика күні»

Мейірім: Бақыт күні-осы күн,

Оны әнге қос,ұлым

Ардақтайды бұл күнді

Келетұғын ғасырың.

Сымбат: Аялайды ел мұны,

Өміріңде ендіғі.

Ертеңіміз ол біздің-

Еркіндіктің Ер күні

Бақнұр: Бақ аялап мәңгі елді,

Алтын арай таң келді.

Көтереміз туларды,

Шырқатамыз әндерді.

Назерке: Қазақстан Республикасының мемлекеттік Елтаңбасы бар.

Елтаңбасында көгілдір түс аясында шаңырақ бейнеленген,айнала күн сәулесіндей тарап, уықтар шаншылған .Жарық жұлдыз биіктен нұр шашып тұр.Екі жақтан қос қанатты пырақтар бейнеленген .Бидай тоқшылықты, молшылықты білдіреді. Ал төмендегі жағындағы «Қазақстан» деген жазу, елімізді әлемге танымал екенін көрсетеді.

«Елтаңбасы елімнің»

Айдана: Елтаңбасы елімнің

Неткен әйбат,әдемі,

Тұнығындай көңілді,-

Ортада - аспан әлемі.

Әли: Құт,береке-шаңырақ,

Орын алған ол төрден.

Қанатты қос арғымақ

Екі жақтан көмкерген.

Ақнұр: Тәуелсіздік жолында

Талай-талай тер тамған

Билігім өз қолымда-

Еркіндігім- Елтаңбам.

Жақсылық: Қазақстан Республикасының мемлекеттік туы бар.Тудың ортасында шұғылалы күн,оның астында қадықтап ұшқан қыран бейнеленген.Бұл түс -ашық аспанның белгісі.Тудың сол жағында ою-өрнегі бар.Алтын күн,Қыран және ою-өрнек біздің халқымыздың ашық келешегі мен бай-берекесі,тыныштық пен байлықтың белгісі.

«Қазақстан байрағы»

Назерке: Зеңгір аспан көгілдір,

Алтын куні төрінде.

Тамылжытып төгіп тұр,

Шаттық сыйлар көңілге.

Мәди: Көк аспандай көгілдір,

Қазақстан байрағы

Тұрса күндей төгіп нұр,

жылдарымыз жайдары

Жақсылық: Көк байрақтың бетінде,

Қыран бүркіт қанатты.

Сол қырандай еркіндеп,

Бала өседі талапты.

Мұғалім: 1990 жылы Шілденің 1-же «Тіл туралы заңы» күшіне енді.

Сұңғат: Ана тілің - арың бұл,

Ұятың боп тұр бетте.

Өзге тілдің бәрін біл,

Өз тіліңді құрметте.

Мұғалім: 1993 жылы Туәелсіздік Қазақстан конститутциясы бекілді

«Әділ заң»

Альбина: Барлық адам тең дейді,

Еңбек етсең, ер дейді.

Тегін білім аласың,

Демалысқа барасың.

Қорға дейді баланы,

Қолда дейді ананы.

Ел тілегі жазылған,

Біздің заң-ең әділ заң.

Хор: «Біз өмірдің гүліміз»

Мұғалім: Біздің бабаларыңыз, әкелеріміз, Қазақстанда туып, өмір сүрді. Сондықтан, біз оны Отанымыз -дейміз.

Айдын: Отан дейміз от жаққан жерімізді,

Отан дейміз өсірген елімізді.

Отан дейміз туған жер, ата мекен.

Биік тау, орман, тоғай елімізді.

Гауһар: Өзіңдікі-Елің де,

Өзіңдікі жерің де

Өзіңді-өзің еткен бе

Тәуелсіздік төрінде.

Егемен болмай-ел болмас,

Етек-жеңі кең болмас

Терезесі тең болмас.

Енді қазақ кем болмас.

«Қазақстан менің Отаным»

Ақерке: Асыл өлкем ерекше

Қазақстан мекенім!

Беп-белгілі емес пе,

Сенің ғажап екенің.

Биік болсын шоқтығың

Атыңды айтам ән қылып.

Желбірейді көк туың-

Төбемізде мәңгілік.

Хор: «Әрқашан күн сөнбесін»

Альбина: Біздер тәуелсіз қазақ елінің ең жас ұланымыз. Сондықтан өз жерімізді, өз елімізді, әкелерім мен аталарым сияқты қадірлеуге, сүюге, қорғауға тиіс екенімізді естен шығармайық.

«Тілегіміз бейбіт күн»

Айым: Сары-аппақ, қарамыз,

Бәрімізде баламыз.

Бір қалада тұрамыз,

Бір мектепке барамыз,

Ақ-қара деп, бөлмейміз,

Бір жыл туған төлдейміз.

Туысқанбыз татумыз,

Биіктерге өрлейміз.

Біз балдырған тең басқан,

Дос құшағын елге ашқан.

Тілегіміз-бейбіт күн,

Ашық болсын кең аспан.

Пән:Сыныптан тыс

Сыныбы:Д «А»

Мақсаты:1.Балаларддың ойыншық туралы түсініктерін кеңейту.

2.Сөздік қорларын,сөйлеу мәдәниетін,ойлау қабілетін дамыту.

3. Ойыншықтарын күтіп,ұқыпты,таза үстауға тәрбиелеу.

Көрнекілектер: Ойыншықтардың суреттері.

Сабақ барысы:

-Балалар бірге қосылып айтайық:

Біз ұқыпты баламыз,

Айтқан тілді аламыз.

Ойыншықты жинаймыз,

Үлкендерді сыйлаймыз.

Мұғалім:

-Сендердің сүйікті ойыншықтарың бар ма?

- Қыз балалар қандай ойыншықтармен ойнайді?

- Ал ұлдар ше?

- Осы ойыншықтар туралы тақпақ білесіңдер ме?

Менің ойыншықтарым.

Қарлығаш: Ойыншықтарым көп менің,

Бәрін жақсы көремін.

Кешке дейін жалықпай,

Олармен ойнап жүремін,

Мерейлім:Ойыншығым -күшігім,

Сүп-сүйкімді,жұп-жұмсақ,

Шіренгені болмаса,

Отырғандай ұл жұмсап.

Ақнүр: Ойыншығым -қуыршағым,

Не берсемде жемейді.

Еркелегі соншама,

Көтермесем жүрмейді.

Сймбат: Ойыншығым-қонжығым,

Анасын да білмейді.

Қорбаңдаған аюды,

Түсінде де көрмейді.

Гаухар: Ұшағым бар ойыншық,

Ұшырмасам ұшпайды.

Айналам деп аспанды,

Шаршағанға ұқсайды.

Бақнұр: Ойыншығым роботым,

Тілін өзім білемін.

Жасанды темір адамның,

Басқарамын жүрегін.

Айдана: Ойыншықтарым көп менің,

Бәрін бірдей көремін.

Жуындырып,тазалап,

Күтіп ұстап жүремін.

Доп.

Жақсылық: Добым,добым,домалақ,

Тоқтамайсың домалап.

Үстел үстін бүлдіріп,

Тәрелкені сындырып.

Тентек болып кеттің деп,

Тұрмын сені тепкім кеп.

Қуыршақ.

Айтолқын: Әй қуыршақ,қуыршақ,

Жуыңбайсың,жуынсақ.

Беті-қолдың батпағын

Елең қылмай жатқаның.

Қашан адам боласын?!

Назерке: Әй,қуыршық,қуыршақ,

Біз қуырдақ қуырсақ,

Отырасың бұртиып,

Шікірейіп,шіртиіп,

Қашан адам боласың?!

Айым: Әй,қуыршақ,қуыршақ,

Су әкел деп қиылсақ,

Бетті теріс бұрасың,

Бедірейіп тұрасың.

Қашан адам боласың?!

Пойыз.

Нұртілеу: Рельсті жолы ұзын,

Мынау-менің пойызым.

Тық-тық,

Тық-тық,

Жолға шықтық.

Тақ-тұқ,

Шамды жақтық.

Беп !

Жолдан кет.

Тақ-тұқ,

Керек сақтық.

«Ойыншықтар айтысы» ертегісін үснады.

Автордың сөзі:Мерейлім.

Қуыршақ: Альбина.

Қоян:Назерке.

Аю: Айдын.

Текшклер: Сұңғат,Мәди.

Велосипед:Гаухар.

Доп: Айдана.

Көгершін:Ақерке.

-Ал балалар,бәріміздің сүйікті ойыншықтарымыз бар екен.Осы ойыншықтарымызды үқыптап үстап үренейік.Ата-аналарымыздың сөзін тындап,

ойыншықтарды жинап жүру екенін үмытпаңдар.