Диалогтік оқыту дөңгелек үстел

«Балаға күштеп білім беруден гөрі, баланың білімге

деген құштарлығын ояту ең маңызды мақсат»-
К.Д.Ушинский

Дөңгелек үстел

Тақырыбы:«Диалогтік оқытудың тиімділігі»

Мақсат:

• Мұғалімдердің оқуы-жаңа идеялардың тууы

• Диалогтік оқытуды және ұйымдастыру формаларымен танысады.

• білім беруде оқушыға жеке көңіл бөлуді дамытуға ықпал ететін оқыту әдісі ретінде әңгімені,

мысалы, жауап алу мен шағын топта жұмыс істеу әдістерін қалайша тиімді қолдануға болатыны

туралы өз түсінігін қалыптастырады

• Өз іс тәжірибелерін ортаға салады, талдайды, зерттейді

• Түйінді пікірлер айтылып қорытынды жасалады

Күтілетін нәтиже:

1.Оқыту мен оқудағы тілдің басты рөлін түсінеді.
2. Білім беруде оқушыға жеке көңіл бөлуді дамытуға ықпал ететін оқыту әдісі ретінде әңгімелесуді, жауап алу мен шағын топта жұмыс істеу әдістерін қалайша тиімді қолдануға болатыны туралы өз түсінігін қалыптастырады
3. Білім алу тәжірибесіне диалогті әдістер енгізеді.

Ұйымдастыру:

1.«Автор орындығы» стратегиясы жүргізіліп тақырыптың мақсаты анықталады \Фазилова А\

- Диалогтік оқыту оқушыларға не береді?
-Диалогтік оқытудың мұғалім үшін маңызы қандай?
-Оқытуды диалогтік тәсілмен дамытудағы сұрақтардың маңызы

-Сіз өз іс-тәжірибеңізде қалай қолданып жүрсіз?

\Слайдтар/

2. Диалогтік оқыту әдістері арқылы оқушылардың белсенділігін арттыру \баяндама, бейнежазба көрсетілімдері

Фазилова А: \баяндама\ \ДО туралы слайдтар/

Диалог - мұғалімдер балалардың оқуға деген ынтасын оята алатын пәрменді тетік.
Сұрау және топтық жұмыс диалогтік тәсілдің балаларды оқыту сапасын арттыру құралы. Выготскийдің сөзімен айтсақ, «оқыту бала ертеңіне бағытталуы тиіс». Әр бала мүмкіндік деңгейіндегі тапсырмаларды орындай алуы естен шықпауы керек. «Мәселе нені үйретуде емес, қалай үйретуде» деген халық даналығы мұғалім балаға дайын білімді емес, соны игеретін әдіс - тәсіл мен құралды беру керектігін ескертеді. «Қайда баратынын білмейтін кеменің бағытына сәйкес жел соқпайды» деген нақыл сөз бар. Дамыта оқыту барысында, кез - келген мәселе дұрыс шешілу үшін, ол мәселе алдымен нақты қойылуы тиіс. Мұғалім - бұл жағдайда білімді түсіндіріп қоюшы, бақылаушы, бағалаушы емес, танымдық іс - әрекетті ұйымдастыратын ұжымдық істердің ұйытқысы. Тек осындай оқыту ғана баланың интеллектісінінің көзін ашып, шығармашылығын дамытады.

Фазилова А: \Бейнежазба көрсетілімі\

Шағын топта «зерттеушілік әңгіме» әдісін қолдануы туралы бейнежазбадан көрсетіп, топтық жұмысты тиімді ұйымдастыру, бағыт бағдар беру, оқушылардың белсенділігін арттыру үшін ынталандыру әдістері туралы нақты пікірлерін ортаға салады. Топтық жұмыс оқушылар үшін тиімді болуы үшін топтың құрылымы да маңыздылығын, оқушылар топта ынтымақтастықпен жұмыс жасауын қадағалау туралы мысалдар келтіреді.\ бейнежазба\ Топтық жұмыста үлгерімі төмен оқушылардың құрдастарынан үйренуін ұйымдастыру, қайта бағыттау сұрақтарын беру, түрткі болу сұрақтарын қою әдістері туралы мысалдар келтіреді. \бейнежазба\

Абылгазинова А: \Бейнежазбакөрсетілімі\

Топтық жұмыста топтардың бір-біріне сұрақтар қоюы арқылы диалогтік оқытуды сабаққа оқыту нысаны ретінде қалай енгізгенін баяндап, тиімділігін нақты айғақтармен дәлелдейді.

Топтардың бір-біріне жоғары дәрежелі сұрақтар қоюы, олардың сын тұрғысынан ойлауын дамытатын туралы мысалдар келтіреді. \бейнежазба\

• Көрсетілген бейнежазбалар бойынша иұғалімдердің пікірлері тыңдалады, әдістер талданады.

Қорытындылау: \слайдтар\

Негізгі түйінді идеялар:

• Диалог - мұғалімдер балалардың оқуға деген ынтасын оята алатын пәрменді тетік.
  Сұрау және топтық жұмыс диалогтік тәсілдің балаларды оқыту сапасын арттыру құралы