«Математик - кәсіпкер» ойыны 9-сынып

Сабақтың тақырбы: «Математик - кәсіпкер» ойыны

Сабақтың мақсаты: қазіргі заман талабына сай іскерлік пен дағдыға үйрете отырып, математикалық білімдерін экономикалық тұрғыдан пайдалана білуге үйрету. Логикалық ойлауға және капиталды өз білімдеріне жұмсай білуге үйрету.

Ұйымдастыру:

Еліміздің ертеңгі үлкен тірегі жас ұрпақтың терең білімді, жан жақты дамыған, зерек болуы - заман талабы. Болашағынан үлкен үміт күттіретін оқушыларымыз аз емес. Міне, осындай оқушыларымыз бүгінгі сын елегінен өтпек.

Енді, сыныптан банкирлерімізді таңдап алайық. Сыныптағы оқушылардан әр қайсысы тоғыз банк қызметшісінен тұратын екі банк басқармасын жасақтап алуымыз керек. Ол үшін сынып оқушылары бір-бірден ортаға шығып құтышадан бір фигура алады. Сол фигураның түсіне, пішініне қарай оқушылар топтарға бөлінеді.

I кезең. Танысу кезеңі

1. Әр топ банк басқармасы болып табылады. Банктің атауы, президенті болады. Оны қазір осы жерде тағайындау қажет.

2. Әр топқа ойын барысында тапсырмалар беріледі. Әр тапсырманың қиындығына байланысты құны болады. Әр банктің бастапқы капиталы 20.000 теңге.

3. Дұрыс жауап берген банк есепшотына тапсырманың қиындығына сәйкес қаржы түсіп отырады. Топ дұрыс жауап бермеген жағдайда, тапсырма құндылығына сәйкес қаржы есепшоттан кемиді.

II кезең. Математикалық жұмбақтар

Құны 1000 теңгелік жұмбақтар:

Жүз мүйізі бар үстінде киізі бар. (киіз үй)

Жоқ өзінде бас та, қас та, мойын да,

Ұзындығы жазылып тұр бойында. ( сызғыш )

2000 теңге: Қос құлакты жүз тісті, жүзінен бірақ із түсті (ара)

Өмірің сенің қызық,

Жолында жоқ түзу сызық,

Басы да жоқ аяғы.

Бір айналым баяғы. (дөңгелек)

3000 теңге: Атадан - он баламыз, бір бір жастан арамыз, қосылып кейде

басымыз, азайып кейде қаламыз, бөлініп кейде арамыз, көбейіп те аламыз. Ол не? (сандар)

Нәрселерді санағанда,

Керек ол бізге ауадай,

Айтыңдаршы, бұл қандай сан,

Жан-жағыңа қарамай? (натурал сан)

III кезең. Логикалық есептер.

4000 теңге. 1) Арман, Аян, Абзал ағайынды үшеуі класта оқиды. Абзал Арманнан, ал Аян Абзалдан кіші емес, бүл үйдің үлкені, ортаншысы, кішісі кім? (Абзал)

2) Қайрат Жанардан кіші, бірақ Талғаттан үлкен. Ал, Ажар Жанардан үлкен болса, ең үлкені кім? (Ажар)

5000 теңге. 1) Бес тоғыздықты пайдаланып амалдар қолданып, он санын жаз. (99:99+9)

2) Төрт алтылықты пайдаланып амалдар қолданып, он санын жаз. (66-6:6)

IV кезең. Математикалық терминдер

Топ басшылары екі әріптің ішінен біреуін таңдайды, соң сол әріптен басталатын математикалық терминдерді, сөздерді атайды. Әрбір сөз 1000 тг-ден есептеледі.

"К " әріпімен басталатын математикалық сөздерді атаңдар (косинус, көбейту, куб, конус, кесінді, көлем , координата, квадрат ....)

"П" әріпімен басталатын математикалық сөздерді атаңдар (пифагор, плюс, параллелограмм, пирамида, парабола, параллелепипед, планиметрия, параллель, перпендикуляр .... )

V кезең. Тарихқа көз жүгіртейік

Топтарға ежелде қолданған өлшем бірліктерінің суреттері беріледі, сурет бойынша өлшемнің атауын табу керек. Әрбір дұрыс жауап 5000 тг

Бұл өлшем қалай аталады? Бұл өлшем қалай аталады?

Бұл өлшем қалай аталады? Бұл өлшем қалай аталады?

Жауаптары: қарыс, сүйем, білем, адым

Білгенің артық емес: Сондай-ақ келесі ұзындық өлшемдері де болған

Тұтам - бес саусақты жұмғандағы көлденең ұзындық. Сүйем - бас бармақ пен сұқ саусақты жазғандағы аралық. Сынық сүйем - бас бармақ пен сұқ саусақтың екі буыны бүгілгендегі аралық, бір сүйемнің төрттен үш бөлігі. Қарыс - бас бармақ пен ортан саусақты кергендегі аралық. Кере қарыс - бас бармақ пен ортан саусақты керіңкіреп созғандағы аралық. Аршын - шынтақтан саусақ ұшына дейінгі ұзындық. Құлаш - иық деңгейінде созылған екі қол ұшының аралығы. Кере құлаш - иық деңгейіңде кере созылған екі қол ұшының аралығы. Сала (көш) құлаш - үш құлаш. Адым, қадам - жай жүргендегі екі аяқ арасының алшақтығы. Аттам - адымның созылыңқы шегі. Ұзындыққа есік пен төр аралығы, қамшы сабы, арқан, желі бойлары, бір көйлектік (мата) өлшемдері де алынған.

Сол сияқты салмақ өлшемдері, көлем өлшемдері, қашықтық өлшемдері де болған. Ал енді осы өлшемдердің ежелгі атулары мен түсініктерін үйден дайындап келсіңдер. Бұл сендерге шығармашылық тапсырма.

VІ кезең. Бәйге жарысы.

Әр топ басшылары өздері сұрақтар нұсқасын таңдайды. Әр дұрыс жауап 1000 тг.

І-нұсқа

1. Қай сан барлық санға қалдықсыз бөлінеді?(0)

2. 1метрде неше см бар? (100см)

3. Бұрыш өлшейтін құрал (транспортир)

4. у=х² функциясының графигі.(парабола)

5. Ең кіші жай сан?(2)

6. Бір нүктеден шығып екі сәуледен құралатын геометриялық фигура? (бұрыш)

7. Оң санның модулі неге тең? (оң санға)

8. Қиылыспайтын екі түзу қалай аталады? (параллель түзулер)

9. ІІІ - ширектің таңбасы (-;-)

10. Қандай үш бір таңбалы сандардың қосындысы олардың көбейтіндісіне тең?(1,2,3)

ІІ-нұсқа

1.Қай санға бөлуге болмайды?(0)

2. Екі ғасырда неше жыл?(200)

3. Шеңбер сызатын құрал?(циркуль)

4. Бір нүктемен шектелген түзудің бөлігі?(сәуле)

5. Барлық қабырғасы тең тік төртбұрыш?(квадрат)

6.Тік төртбұрыш ауданын есептейтін формула? (S=ав)

7. Координаталық жазықтықта неше ширек бар? (4)

8. Тік төртбұрыш қабырғалары 4 және 6. Р=? (20)

9. ІVширектің таңбасы? (+;- )

10. Қайсы артық 1кг мақта, әлде 1кг темір?(бірдей)

ІІІ-нұсқа

1. Ең кіші жай сан?(2)

2.Миллионда неше нөл бар?(6)

3.Тік бұрыш неше градусқа тең?(90⁰)

4.Тік бұрыштан кіші бұрыш?(сүйір)

5. Оң сан мен теріс санның көбейтіндісі (теріс сан)

6. Квадрат қабырғасы 9см. Периметрі неге тең?(36)

7. 1 тонна мақта ауырма, әлде1тонна темір ауыр ма?(бірдей)

8. Шаршының неше қабырғасы бар?(4)

9. Күн көзі жылына неше рет шығады?( 365)

10. Теріс санның модулі неге тең? (оң санға)

ІV-нұсқа

1. 11 жай сан ба, әлде құрама сан ба?(жай)

2. Ең кіші натурал сан?(1)

3. Геометриядағы негізгі фигуралар? (нүкте, түзу)

4. Барлық бұрыштары тік төртбұрыш (тік төртбұрыш)

5. Жазыңқы бұрыш неше градусқа тең? (180)

6. Кесіндіні өлшейтін құрал қалай аталады?(сызғыш)

7. Кез келген екі нүкте арқылы не жүргізуге болады?(түзу)

8. Қабырғасы 6см және8см тік төртбұрыш ауданы неге тең (24см²)

9. Екі нүктемен шектелген түзу (кесінді)

10. Шеңбердің центрі арқылы өтетін хорда (диаметр)

Қорытынды: әр банк өздерінің жиналған капиталдарын есептейді. Өз капиталдарын көбейткен банк жеңіске жетеді.

5000

теңге

5000

теңге

5000

теңге

5000

теңге

5000

теңге

5000

теңге

5000

теңге

5000

теңге

5000

теңге

5000

теңге

Бұл өлшем қалай аталады?

Бұл өлшем қалай аталады?

Бұл өлшем қалай аталады?

Бұл өлшем қалай аталады?