- Преподавателю
- Математика
- Математикалық поезд 5-6 сынып
Математикалық поезд 5-6 сынып
Раздел | Математика |
Класс | - |
Тип | Конспекты |
Автор | Сматаева Б.Г. |
Дата | 11.01.2015 |
Формат | docx |
Изображения | Нет |
Сматаева Ботагоз Габдрафиковна
Ақмола облысы Ерейментау қаласы
№1 орта мектебі
Математика пән мұғалімі
«Мектеп-білім» поезы
Бағыты «Ерейментау- Астана»
(математикалық ойын)
Мақсаты: оқушылардың математика пәніне деген қызығушылығын арттыру, логикасын дамыту, ынталандыру, математика пәнін өмірмен байланыстыру.
Әдісі: Ойын жүргізу, өзара жарыс.
Көрнекілігі: 1. Поезд - үш вагоннан тұрады.
2. Анықтама бөлімі.
3. Касса.
4. Аквариумдегі балықтар.
5. Есептер, жұмбақтар
Жоспары: 1. Ұйымдастыру.
2. Поезға билет алу.
Жүрісі: Құрметті ұстаздар, оқушылар! Бүгін 5-6 сыныптар арасында өтетін «Ерейментау - Астана» бағыты бойынша «Мектеп - білім» математикалық ойынын бастаймыз.
Жүргізуші - 1: Уа, жарандар, жарандар,
Мына бізге қараңдар.
Бөлмеде біздің тыныштық,
Естілмейді дыбыс түк.
Мұны біз де қоштаймыз.
Кешіккенді тоспаймыз.
Ғылымдардың ғылымы,
Математика жайында,
Ойынымызды бастаймыз.
Жүргізуші - 2:Ойынға қатысушы оқушылар келіп, билеттер алады
Жүргізуші: (3-рет қоңырау соғады). Ойыншылар жолсерікке билеттерін көрсетеді де вагонға отырады.
Жүргізуші - 1: Өмір деген көк мұхиттың толқыны,
Бір-бірімен жатқан шулар, жалғасып,
Бір-бірімен жатқан шулап, арбасып,
О, толқындар арпалысып алға шық -
деп ақын жырлағандай, ендеше қай топ алға шығар екен. Купедегілер - «Алғырлар», плацкарттағылар - «Тапқырлар», жалпы вагондағылар - «Ойшылдар» тобы.
Жүргізуші - 2: Тыңдаңыздар, тыңдаңыздар «Мектеп - білім» поезы жолға шықты.
Ойыншылар (әндетіп).
Өнер қуған математик жастармыз,
Есептерді лезде шешіп тастаймыз.
Командалық ылғи тапқыр, қырандар,
Жарысуға келіп тұрған ұландар.
-
Жүргізуші - 1: Тыңдаңыздар, тыңдаңыздар! «Мектеп - білім» поезы « Едіге» станциясына келіп тоқтады. Бұл станцияда «Балық аулау» ойыны ойналады. Әр топтан бір оқушыдан келіп балық аулайды, яғни балықтағы сұрақтарға жауап береді
-
Сіз - автобус жүргізушісіз. Автобуста алғашқыда 23 жолаушы болды. Бірінші аялдамада 3 әйел адам түсті және 5 ер адам кірді . Екінші аялдамада 7 ер адам кірді және екі әйел түсті. Жүргізуші неше жаста?
-
Жасы жүзге келген қария өмір бойы өзінің туған күнін 25 рет қана атап өткен. Себебін анықта.
-
10 жасында 1-ден 100-ге дейінгі сандардың қосындысын тез есептеген неміс математигі кім?
Жүргізуші - 2: Тыңдаңыздар, тыңдаңыздар! «Мектеп - білім» поезы жолға шықты.
Ойыншылар: Білім қуған біз оқушы ұландар,
Келіп тұрған жарысуға қырандар.
Есеп десе ішкен асын қоятын,
Біз боламыз математик ұландар.
Жүргізуші - 1: Тыңдаңыздар, тыңдаңыздар! «Мектеп - білім» поезы «Еркіншілік» станциясына келіп тоқтады. Бұл станцияда жұмбақ шешеміз. (Үш топқа үш түрлі жұмбақ беріледі).
-
Бұлбұлдың 2 құлақ, 1 басы бар
Салдыраған 8 жерден таңбасы бар.
Бұлбұлды жолға салып айдағанда,
Салатын неше түрлі жорғасы бар.
(Домбыра) -
Алды -артымыз шексізде
Жете алмайсыз біздерге
Сәуле менен кесінді
шыққан тегін білесін бе? (түзу) -
Өмірің сенің қызық,
Жолында жоқ түзу сызық,
Басы да жоқ аяғы.
Бір айналым баяғы. (дөңгелек)
Жүргізуші - 2: Тыңдаңыздар, тыңдаңыздар! «Мектеп - білім» поезы жолға шықты.
Ойыншылар: Шақырып жарыстарға сан салалы,
Ұландар топ жарғалы жар салады.
Ту етіп достық пенен татулықты,
Қарсылас командасын қарсы алады.
Жүргізуші - 1: Тыңдаңыздар, тыңдаңыздар! «Мектеп - білім» поезы «Сары-оба» станциясына келіп тоқтады. Бұл станцияда «Ғажайып заңдылықтар.» ойыны ойналады
-
Сандар қатарын жалғастыр.
3, 7 , 11, 15, 19,...
-
Артық сөзді алып таста:
метр, дециметр, килограмм, сантиметр, миллиметр.
-
Сандар қатарын жалғастыр. 4, 5,8, 9, 12, 13,...
-
Қай қатар артық?
2 5 8 11 14
1 4 7 10 13
10 20 30 40 50
Жүргізуші - 2: Тыңдаңыздар, тыңдаңыздар! «Мектеп - білім» поезы өз сапарын жалғастырады.
Ойыншылар: Ұландар биіктерде қалықтасын,
Жеңіспен көк жүзінде шарықтасын.
Жеңіс туы алауласын,
Бәйгені бізден ешкім ала алмасын.
Жүргізуші - 1: Тыңдаңыздар, тыңдаңыздар! «Мектеп - білім» поезы «Қырқыншы» станциясына келіп тоқтады. Мұнда топтарға алдарындағы әріптерді қолданып, неғұрлым көп математикалық терминдер жазындар
С І Р К Б Ы И Т Ұ Ш Ү Н Е
Жүргізуші - 2: Тыңдаңыздар, тыңдаңыздар! «Мектеп - білім» поезы жолға шықты.
Ойыншылар: Достықпен бірлікті біз етіп тұлға,
Жеңіспен жеткен едік талай сында.
Қара қылды қақ жарып әділқазым,
Еңбегін ұланыңның әділ сына.
Жүргізуші - 1: Тыңдаңыздар, тыңдаңыздар! «Мектеп - білім» поезы Астана қаласына келіп тоқтады.
Енді әр топ жинаған жетондарын жолсеріктер санап қойындар
Жеңімпазды анықтайық
Жүргізуші - 1: Құрметті ұстаздар, оқушылар! «Мектеп - білім» поезы өз сапарын аяқтады. Келіп тамашалағандарыңызға көп-көп рахмет, қош сау болыңыздар.