«Білімділер додасы» математикалық сайыс

Білімділер додасы тақырыбында математикалық сайыс сабақ өткіздім. Бұл сайыс топтық жарыс түрінде өткізілді. Сайысқа 2 топ қатысты. Олар 8-9 сыныптардан құралған альфа және Бетта тобы. Сайыс бірнеше бөлімдерден тұрды. Таныстыру бөлімінде өздерін оқушылар таныстырып, көзге түсті. Одан бөлек бәйге, ғажайып төрттік, жеті жұмбақ, сандар сыры, бағытыңды өзгерт тақырыптарында бірнеше бөлімдерден тұратын сұрақ-жауап ойын түрлері өткізілді. Оқушылар барлық сайытарға белсене қатысып, өздерін көрсете білді...
Раздел Математика
Класс -
Тип Другие методич. материалы
Автор
Дата
Формат docx
Изображения Есть
For-Teacher.ru - все для учителя
Поделитесь с коллегами:

Тақырыбы: «Білімділер додасы» интеллектуалдық сайысы

Мақсаты:

  1. Білімділік: Оқушылардың математикаға қызығушылығын, ынтасын, зейінін арттыру, алған білімдерін тереңдету.

  2. Дамытушылық: Ой-өрісін кеңейту, логикалық ойлау қабілеттерін дамыту.

  3. Тәрбиелік: Окушыларды жолдастыққа, алғырлыққа, белсенділікке және жеке тұлға етіп қалыптастыру

Көрнекілігі: нақыл сөздер, карточкалық тапсырмалар, логикалық есептер, әр топқа даярланған үстелдер, интерактивті тақта.

Түрі: топтық сайыс

Типі: Ойын түрінде

Барысы:

Құрметті ұстаздар, қонақтар және оқушылар, сіздерді «Білімділер додасы» атты сайысымызды тамашалауға шақырамыз. Бүгін біз математиканың жұмбақты да тартымды әлемімен танысамыз. Біз бұл әлемнің қаншалықты қызықты,әрі сан түрлі екендігіне көз жеткіземіз.

Сәлеметсіздер ме, ұстаздар!

Айтар ойын тұспалдар.

Сіз оқытқан оқушылардың,

Сәті келді сыналар.

Есепті түрлі-түрлі шығарамыз,

Арасында ойын ойнап жарысамыз.

Ойға оралымды, қиын сұрақ бәрі де бар.

Әзіл есепті де жүзеге асырамыз.

Олай болса, тұрмайық,

Кешімізді біз бастайық,

Әділ бағаға қалтасы толы,

Әділқазыларды шақырайық.

Әділ қазылар алқасының:

Төрайымы: Байбоз Ш

Мүшелері: Сейтова А, Садақбаева Р, Жеделбайқызы А, Досмаганбетова А

Ал енді бүгінгі сайысымызға қатысатын топты ортаға шақырайық.

І топ: «Аксиома» тобы - 8 «А»,9 «А» сынып оқушылары

ІІ топ: «Теорема» тобы - 8 «Б», 9 «Б» сынып оқушылары

Ғылымның сырын ұғына,

Шығыңдар білім шыңына.

Ұқыптық пен зеректік,

Жеткізер сіздердей өренді.

Жетіңдер мынау шыңына, - дей келе сайыскерлерімізге сәт-сапар тілейік.

Сайысымыз мынадай бөлімдерден тұрады:

  1. Таныстыру

  2. Бәйге

  3. Ғажайып төрттік

  4. Жеті жұмбақ

  5. Сандар сыры

  6. Бағытыңды өзгерт

І бөлім. Таныстыру

Ендеше ойыншылар өздерін таныстырып өтсін.

Атамыз білім дәнін болған екпек,

Оқытып балаларды білім секпек.

Қазақтың кең даласын жарық қылған,

Атамыз Ыбырайға мың рахмет.

Білімдіден шыққан сөз,

Талаптыға болсын кез.

Нұрын, сырын көруге

Көкірегінде болсын көз.

Қарап тұрмай бәйгеге еріңіз,

Шәкірттерге әділ шешім беріңіз

Жүзден жүйрік, мыңнан тұлпар шығарар

Бәйге,бәйге, бәйгені бір көріңіз.

ІІ бөлім. Бәйге

Шарты: Әр топқа сұрақтар оқылады. Әр дұрыс жауап 5 ұпай.«Білімділер додасы» математикалық сайыс«Білімділер додасы» математикалық сайыс




Ең қиыны жарыстың «Ғажайып төрттік» келді

Мықтыларды қалыпты жеңсін енді.

Тез жауап бер ойланып тұрып қалмай

Осы ойыннан көреміз ерен ерді.

ІІІ бөлім. Ғажайып төрттік

Шарты: Ұяшықты таңдап, қойылған сұрақтарға жауап беру. Әр дұрыс жауап 1 ұпай

«Білімділер додасы» математикалық сайыс

Сұрақтар:

Тұлғалар:

  1. Ұлы Александр патшаның тәрбиешісі, ұстазы болған, Грециядан шыққан ұлы данышпан ғалым (Аристотель)

  2. «Математика - ғылымдар патшасы, ал арифметика - математика патшасы» - сөзінің авторы кім? (Карл Гаусс)

  3. Аристотель еңбегін зерттеген, - «Шығыс Аристотелі немесе екінші ұстаз» атанған 870-950 жж өмір сүрген ғалым (Әл-Фараби)

Ең-ең....

  1. Ең кіші жай сан (2)

  2. Ең үлкен екі таңбалы сан (99)

  3. Ең алғашқы математик әйел (Гипатия)

Тіл өнер

  1. 121 қай санның квадраты (он бір, одиннадцать, eleven)

  2. Есепте: 62-6 ( отыз, тридцать, thinty)

  3. Бір-бірімен жарысқан,

Төрт аю, бір арыстан.

Екі қой мен бір түлкі

Бәрі нешеу кім білді. (сегіз, восемь, eight)

Математикалық сөздік

  1. Куб.... (текше)

  2. Дискриминант...... (анықтаушы)

  3. Биссектриса...... (жарма)

Бұл жерге келмейді ешкім ермек үшін,

Есеп-қисап, сан, цифр термек үшін,

Көрсетіп есептеудің жолын қалай,

Келдім оларды айтып бермек үшін.

ІҮ бөлім. Жеті жұмбақ

  1. Математикалық таңба ол,

Білімің болса ашасың

Теріс сан болса астында,

Мағынасы жоқ деп қашасың. (квадрат түбір)

  1. Бірдей санды бірнеше рет

Көбейтуден тұрады.

Егер оны ықшамдасаң,

Қандай атау болады? (дәреже)

  1. Егіз туған қос жүйрік,

Жарыса шауып терлейді,

Бірін-бірі көрмейді,

дамылсыз қанша шапса да,

Бір мәреге келмейді (параллель түзулер)

  1. Күшіне сенген бір мықты,

Жығып салды сегізді (шексіздік)

  1. Айналған шешу құралына,

Төрт саны араласқан құрамына

«Теңдеудің түбірлері нешеу» - деген

Қандай сан жауап береді сұрағыма (дискриминант)

  1. Бойы екі қарыс, бойында сыйып тұр отыз арыс (сызғыш)

  2. Нәрселерді санағанда,

Керек ол бізге ауадай.

Айтыңдаршы бұл қандай сан,

Жан-жағыңа қарамай (натурал сан)

Ү бөлім. Сандар сыры

Шарты: Берілген сандарға байланысты танымдық сұрақтарға жауап беру. Дұрыс жауап 10 ұпай.

«Білімділер додасы» математикалық сайыс

1 санының басқаша қандай атауларын білесің, яғни синонимдерін ата. (жеке, дара, жалғыз, сыңар, жалқы)

2 санының басқаша қандай атауларын білесің, яғни синонимдерін ата. (қос, жұп, егіз)

3 арсызды ата. (ұйқы, күлкі, тамақ)

4 түлік пірлерін ата (ойсыл қара, қамбар ата, зеңгі баба, шопан ата)

5 қаруды ата. (найза, садақ, мылтық, қылыш, айбалта)

7 қазынаны ата. ( ер жігіт, сұлу әйел, берен мылтық, ақыл-білім, жүйрік ат, қыран бүркіт, құмай тазы)

Мәңгі бақи есте қалар,

Қызықты бір ойын болсын.

Білімдірек шәкірт озар,

Сұрақтары қиын болсын.

ҮІ бөлім. Бағытыңды өзгерт (сіріңкемен жұмыс)

«Білімділер додасы» математикалық сайыс«Білімділер додасы» математикалық сайыс



ҮІІ бөлім. Марапаттау

  1. Қанып сандар сырына,

Шықсақ білім шыңына.

Деп алаулап жүрегі

Қосқан әуен жырына,

Математиктер жасасын!-дей отырып кешіміздің қорытындысын хабарлау үшін сөз қазылар алқасының төрайымына беріледі.

ҮІІІ бөлім. Аяқтау

Ғылым жолы бірде жеңіл, бірде қатты,

Ақыл - ойлар әлемді арбап алды.

Математика ғылымдар патшасы атты

Таңырқатып, аңыз қылған адамзатты.

Келер ұрпақ даналарға ұқсап туса,

Омар Хаям, Әл-Фараби жолын қуса,

Елімнің болашағы гүлденеді,

Ғылымның шамшырағы жанып тұрса.

Алдыңызда жайнаған жүздер әні

Сіздермен кездесер біздер әлі.

Әділ-қазы, көрермен сау тұрыңдар

Күтеді бізді жарқын күндер әлі

Осымен «Білімділер додасы» атты сайысымыз аяқталды. Келесі кездескенше сау-саламат болыңыздар!









© 2010-2022