Разработка урока по татарскому языку на тему Обобщающее повторение членов предложения (5класс)

Тема: Җөмлә кисәкләрен гомумиләштереп кабатлау

Максат: Җөмлә кисәкләрен гомумиләштереп кабатлау, мисалларда ныгыту, дөрес итеп җөмлә кисәкләрен танып белү күнекмәләрен үстерү, табигатькә карата сакчыллык һәм күзәтүчәнлек сыйфаты тәрбияләү.

Дәрес тибы: дәрес-йомгаклау

Дәрес формасы: дәрес-сәяхәт

Җиһаз: мульти-мед. проектор, карточкалар

Дәрес барышы

1.Оештыру моменты. Уңай халәт тудыру.

- Исәмесез, укучылар. Кәефләрегез ничек?

- Кояшлы иртә кебек.

Туган телне, Тукай телен

Өйрәнергә дип килдек.

• Изге ният, яхшы кәеф белән дәресебезне башлыйбыз.

2. Белемнәрне актуальләштерү

- Укучылар, без үткән дәресләрдә җөмлә кисәкләре турында белешмә алдык. Бүген яңадан кабатлап, белемнәребезне ныгытып куячакбыз.

Слайд№1 Число белән тема.

Слайд№2

• Сезнең алда табышмак, әгәр җавабын тапсак, бүген дәрестә сөйләшәчәк темабызны билгеләрбез.

• Сүз кыш турында бара.

• Дөрес, балалар. Мин сезне кыш күргәзмәсенә чакырам. Күргәзмәгә керер өчен билет алырга кирәк. Сорауларга дөрес җавап бирсәк, күргәзмәгә, берсүзсез, керербез.

Слайд№3

• Билетларны алдык, күргәзмәгә рәхим итегез.

3.Тема Слайд 4

-Рәсемдә нәрсә күрәсез?(Укучылар җавабы)

- Дөрес, кыш сурәтләнгән. Бөтен тирә-як ап-ак юрган ябынган. Салкын көн. Агачлар ялт-йолт итеп торган ак күлмәк кигән. Бирелгән текст белән танышыйк

Слайд№5 Бирелгән җөмләләрне җөмлә кисәге ягыннан тикшерү.(Укучылар җөмләләрне тикшерә)

Слайд № 6

Бирелгән рәсем буенча фикер алышу.Текст төзү.(Бөтен җир: кырлар, болыннар, урманнар, елга-күлләр карга күмелде. Урманда "шылт" иткән тавыш та юк. Агач кәүсәләренә, ботакларына кар сарган. Җәнлекләр өннәренә, ояларына кереп посканнар. Кар өстендәге эреле-ваклы эзләр генә кыш көне дә урманда тормыш кайнап торуы турында сөйли. Кайбер җәнлекләр күптән инде кар астындагы җылы өннәренә кереп йокыга талган. Кар аларны салкыннан саклый).

• Дөрес, балалар бик матур эчтәлекле җөмләләр төзедегез. Ә хәзер канатлы дусларыбыз турында сөйләшеп алыйк. Кошлар кыш көне нишли? Без канатлы дусларыбызга ничек ярдәм итәбез? (Балалар җавабы).

Слайд№7 Бирелгән текстка кирәкле җөмлә кисәкләрен куеп яз.

• Текстта нинди җөмлә кисәкләре төшеп калган?

• Бу текстка аергычлар өстәп яздык.

• Нинди җөмлә кисәген аергыч дип атыйбыз?

• Җөмләдә предметның яки затның төрле билгесен белдереп килгән иярчен кисәк аергыч дип атала.Ул нинди? кайсы? кемнең? нәрсәнең? кебек сорауларга җавап бирә.

• Дөрес, балалар. Бераз ял итеп алыйк (физкультминутка).

Киек казлар очалар (кулларны як-якка җилпү)

Тирән күлгә төшәләр,(чүгәләү)

Рәхәтләнеп йөзәләр (йөзү хәрәкәте)

Алар аннан чыгалар (басу)

Канатларын кагалар (кагыну хәрәкәте)

Слайд №8, 9

Бирелгән шигъри юлларны дөрес итеп урнаштыр.

Cлайд№10

• Игътибар белән җөмләләрне күзәтегез. Алар нинди кисәкләрдән тора? Мондый җөмләләрне ничек атыйбыз?

• Бу җөмләләр ия белән хәбәрдән генә тора, алар җыйнак җөмлә дип атала.

• Рәсемгә карап җөмләләрне җәенкеләндереп языгыз.

Слайд№11

Ата-бабаларыбыз кыш турында мәкальләр дә иҗат иткән.Әйдәгез бергәләшеп мәкальләрнең мәгънәләрен ачыклыйк. (Укучылар җавабы. Бирелгән мәкальләрне җөмлә кисәге ягыннан тикшерү һәм нәтиҗәләр ясау).

-Бирелгән схемалар буенча җөмләләр төзеп алыйк. Җөмләләрегез кыш темасын чагылдырсын.(Схемалар тактаuа эленә).

4.Өй эшен бирү.

Кошларга җимлек ясау

"Кар ява" темасына инша язарга

5.Дәрескә йомгак ясау. Слайд №12

Укучыларга билгеләр кую