Открытый урок на тему “Параллель проекциялау, оның қасиеттері ”

№19 геометрия

Күні: 12.11.2014

Сабақтың тақырыбы: "Параллель проекциялау, оның қасиеттері "

Сабақтың мақсаты: а) білімділік: Оқушыларға кеңістіктегі параллель

проекциялауды және оның қасиеттерін түсіндіру;

ә) дамытушылық: сабаққа қызығушылықтарын, ойлау қабілеттерін дамыту;

б) тәрбиелік: оқушыларды ұқыптылыққа тәрбиелеу.

Сабақтың түрі: жаңа сабақ

Құрал-жабдықтар: сызғыш

Әдіс тәсілдер: баяндау, есептер шығару

Сабақтың барысы:

1.Ұйымдастыру кезеңі

2. Үй тапсырмасын тексеру:

1) Үшбұрыштарға байланысты планиметрияның негізгі формулаларын жазбаша түрде алу ( 5 мин)

2) І-тарау бойынша ауызша сұрақ-жауап ( ):

3. Жаңа материалды түсіндіру

Кеңістіктегі параллель көшіру деп фигуралардың кез келген (x;y;z) нүктесі (x+a; y+b; z+c) нүктесіне көшетін түрлендіруді атайды. Мұндағы

a, b, c - тұрақты шамалар. Кеңістіктегі параллель көшіру мына формулалармен беріледі :

x^' = x + a; y^' = y + b; z^' = z + c,

бұлар параллель көшіруде (x;y;z) нүктесі көшетін нүктенің x^', y^', z^' координаталарын өрнектейді.

Параллель көшірудің қасиеттері:

1. Параллель көшіру дегеніміз - қозғалыс.

2. Параллель көшіргенде нүктелер параллель түзулер бойымен бірдей қашықтыққа жылжиды.

3. Параллель көшіруде әрбір түзу оған параллель түзуге көшеді.

4. А және А^! нүктелері қандай болса да А нүктесін А нүктесіне көшіретін жалғыз ғана параллель көшіру бар болады.

5. Кеңістікте параллель көшіргенде әрбір жазықтық не өзіне не оған параллель жазықтыққа көшеді.

Мысал. Есеп №1. Параллель көшіруде А(1; 0; 2) нүктесі А(2; 1; 0) нүктесіне көшетін болса, параллель көшірудің формуласындағы a, b, c мәндерін табыңдар. (шығару жолын көрсету)

4. Есептер шығару №5, №7, №13

5. Сабақты бекіту сұрақтары: Кеістікте параллель көшіру қандай формуламен анықталады? Параллель көшірудің қасиеттерін атаңдар.

6. Сабақты қорытындылау

7. Оқушыларды бағалау

8. Үйге тапсырма:

№20 геометрия

Күні: 13.11.2014

Сабақтың тақырыбы: "Кеңістік фигуралардың жазықтықтағы кескіндері "

Сабақтың мақсаты: а) білімділік: Кеңістік фигурасын жазықтыққа дұрыс кескіндеуді және кеңістік фигураларын дұрыс бейнелеуді үйрету;

ә) дамытушылық: Ой - өрістерін, сабаққа қызығушылықтарын дамыту;

б) тәрбиелік: Өз ойларын сызбаға түсіре білуге, тазалыққа

тәрбиелеу.

Сабақтың түрі: Жаңа сабақ

Құрал-жабдықтар: сызғыш

Әдіс тәсілдер: баяндау, есептер шығару

Сабақтың барысы:

1. Ұйымдастыру кезеңі

2. Үй тапсырмасын тексеру

3. Қайталау сұрақтарын беру:

1. Екі жазықтықтың параллельдік белгісін тұжырымда?

2. Параллель түзулердің параллель жазықтықтармен шектелген кесінділерінің

қандай қасиеттері бар?

3. Параллель көшіру дегеніміз не?

4. Параллель көшірудің қасиеттерін атаңдар.

4. Жаңа материалды түсіндіру

Кеңістік фигурасын жазықтыққа кескіндеудің кейбір қасиеттері:

1. Фигураның түзу сызықты кесінділері сызба жазықтығында кесінді болып кескінделеді.

2. Фигураның параллель кесінділері сызба жазықтығында параллель кесінділермен кескінделеді.

3. Бір түзудің немесе параллель түзулердің кесінділерінің қатынасы параллель проекциялауда сақталып қалады.

Кеңістік фигураларын бейнелеу кезінде мынадай ережелерді ұстанған жөн:

1. Проекциялау кезінде, көпжақтарды бейнелеу барысында оның бейнесінде көрінбейтін сызықтар мейлінше аз болуы қажет.

2. Фигураның әр түрлі кесінділерінің бейнелері бір түзудің бойында орналаспауы қажет және фигуралар дұрыс орналастырылуы қажет.

3. Пирамиданы бейнелеу барысында оның төбесінен табан жазықтығына түсірілген препендикуляр табанында нақты анықталуы қажет.

(Әрбір айтылған қасиеттерді сызбасымен түсіндіру)

4. Есептер шығару: №198(1); №207; №214; №218.

5.Сабақты қорытындылау

7. Оқушыларды бағалау

8. Үйге тапсырма: №198(2); №208;№219.