Lesson study сабақтарына талдау

Математика пәні мұғалімі Әлім Р.

Мен 5 сыныпта Ең кіші ортақ еселік пен ең үлкен ортақ бөлгішті табуға есеп шығару тақырыбында зерттеу сабағын өткіздім. Сабақтың мақсаты: ЕҮОБ пен ЕКОЕ табуды меңгерту, оны табу бойынша білігін жетілдіру.

Міндеттері: ЕҮОБ пен ЕКОЕ меңгеру және оларды қолдану білігін дамыту;

белсенділік, білімге талпыну қасиеттерін бойында тереңдету, оқу және оқыту үшін бағалау.

Күтілетін нәтиже: ЕҮОБ пен ЕКОЕ табуды меңгереді, оны қолдануды, тұжырым жасауды, өзін-өзі бағалауға үйренеді.

Сабақты Блум таксономиясы бойынша жүргіздім. Үйге оқушыларға ЕКОЕ табуға есеп құрастыру берілген. Сол бойынша оқушыларға кесте түрінде ЕҮОБ,ЕКОЕ табуға есептер берілді. Оқушылар кесте толтыру арқылы ЕҮОБ пен ЕКОЕ табуды еске түсірді ережені қайталады. Бүгінгі сабақта оқушылар алған білімдерін қолданып, әр түрлі жағдайдағы есептерді шығарды. Есептерді шығару барысында олар ЕҮОБ пен ЕКОЕ табуды меңгерудің қаншалықты керек екеніне көз жеткізді. Алдыңғы сабақтың бүгінгі сабақ пен байланысын көрді. Қабылдаған білімді талдады, саралады.Өмірді қолданылатынына көз жеткізді. Жеке жұмыс жасай отыра олар өздерінің нені білгенін, нені білетінін және ненің қиын болғанын білді. Топпен жұмыс жасау барысында оқушылар ынтымақтастыққа үйренді. Әр оқушы өз пікірінің құнды екенін сезінді .Оқушылардан алған кері байланыс олардың есепті шығарғанда оның дұрыс орындалғанына мән беріп, оның қалай орындалғанына мән бермегенін байқадым.

Екінші өткізген Сабақтың тақырыбы: Дұрыс және бұрыс жай бөлшектер.Аралас сандар

Сабақтың мақсаты:

Дұрыс және бұрыс ,аралас сан ұғымдарымен таныстыру; дұрыс және бұрыс бөлшектерді ажырата білу біліктілігін қалыптастыру.

Міндеттері: дұрыс және бұрыс бөлшектерді ажырата білу біліктілігін қалыптастыру, қолданылуын көрсету;

Топпен жұмыс жасау арқылы белсенділікке,ынтымақтастыққа білімге талпыну қасиеттерін бойында тереңдетуге баулу, оқу және оқыту үшін бағалау.

Күтілетін нәтиже: Дұрыс және бұрыс ,аралас сан ұғымдарымен танысады; дұрыс және бұрыс бөлшектерді ажырата білу біліктілігі қалыптасады. Өзін өзі бағалауға үйренеді.

Оқушыларға таратпа қағаздар берілді, онда бұрыс бөлшек, дұрыс бөлшек деген жазу бар сол арқылы екі топқа бөлінді. Оқушылар тақтада жазылған дұрыс, бұрыс деген жазудың қасына әкеп жапсырды.Сабақтың тақырыбы мен мақсаты анықталды. Оқушылар дөңгелектің боялған бөліктерін анықтау арқылы дұрыс және бұрыс бөлшектерді ажыратты. «Қарлы кесек» әдісімен оқушылар дұрыс және бұрыс бөлшектерді анықтап, ережесін құрастырып, жазды.Оқушылар деңгейлік тапсырмалар орындау арқылы өз мүмкіндіктерін анықтады, бағалады.Топтық жұмыс жасап, әр топ бірін-бірі «Екі жұлдыз, бір тілек» арқылы бағалады.деңгейлік тапсырмаларды орындау барысында оқушылар талдау жасаса, постер жасау арқылы алған білімдерін жинақтады, БББ кестесі арқылы кері байланыс берді.

Үшінші өткізген

Сабақтың тақырыбы: Дұрыс және бұрыс жай бөлшектер, аралас сандар, оларды координаталық сәуледе кескіндеу

Сабақтың мақсаты:

Дұрыс және бұрыс жай бөлшектер, аралас сандар, оларды координаталық сәуледе кескіндеу бойынша алған білімдерін тиянақтау.

Міндеттері: Сыни тұрғыдан ойлау арқылы дұрыс және бұрыс бөлшектерді ажырата білу, оларды координаталық сәуледе кескіндеу біліктілігін дамыту;

Топпен жұмыс жасау арқылы белсенділікке,ынтымақтастыққа білімге талпыну қасиеттерін бойында тереңдетуге баулу, оқу және оқыту үшін бағалау.

Күтілетін нәтиже: Сыни тұрғыдан ойлау арқылы дұрыс және бұрыс бөлшектерді ажырата білу, оларды координаталық сәуледе кескіндеу біліктілігі қалыптасады. Өзін өзі бағалауға үйренеді.

Оқушыларға таратпа қағаздар беріледі, онда бұрыс бөлшек, дұрыс бөлшек жазылған сол арқылы екі топқа бөлінді. Оқушылар сұрақтарға жауап берді.Өмірде қолданысы бар есепті ұсына отырып, оқушыларды сыни ойлауға жетеледім.Оқушылар сұраққа жауап бере отырып, есептің шығарылу жолын анықтады.алдыңғы сабақтан алған білімді қолданып, есептің нәтижесін координаталық сәуледе кескіндеп көрсетті.Осыдан кейін оқушыларға жеке деңгейлік тапсырмалар берілді. Тапсырманың дұрыстығын тақтада ілінген жауап арқылы өздерін өздері тексерді.Оқушылар жауабы геометриялық фигуралар арқылы бағаланды. Топпен жұмыс жасау барысында оқушылар арасында ынтымақтастық орын алғаны көрінді. Оқушылар топпен талдады, бір оқушы тақтаға шығып жазды.

Әр топ бір-бірінің жұмысын тексеріп, бағалады.Бас бармақпен бағалады. Жинақтау кезеңінде оқушылар тапсырманы постерде орындады. Оушылар постер жасады, дұрыс бөлшек, бұрыс бөлшек және аралас сан түрінде жазды, координаталық сәуледе кескіндеді.Постер жасау кезінде жекелеген оқушылардың өз білімдерін көрсетуге, дәлелдеуге тырысқаны көрінді. БББ кестесі арқылы кері байланыс берді.

Осы өткізген үш сабақтан менің түйіндегенім, оқушылардың білім сапасын көтеру үшін өзін-өзі бағалауға үйренудің, топпен жұмыс жасаудағы ынтымақтастықтың, деңгейлік тапсырмаларды орындау кезіндегі белсенділіктің маңыздылығы болды.