Сызықтық функция

Математика 6 сынып

ШҚО Бесқарағай ауданы Үлкен-Владимировка орта мектебі, математика пәнінің мұғалімі Мукушева Динара Тлектесовна

Сабақтың тақырыбы: Сызықтық функция

Сабақтың мақсаты:

Білімділік: Сызықтық функция тақырыбы бойынша білімдерін жинақтау, есептер шығару

Дамытушылық: Ойын элементтері арқылы пәнге деген қызығушылықтарын арттыру, логикалық сауаттылығын дамыту. Шығармашылық жұмыс істеуге, зейіндерін күшейтуге, өз білімдерін бағалай білуге дағдыландыру, өзіндік жұмыс істей білу дағдыларын дамыту.

Тәрбиелік: Бірігіп ұжымда жұмыс істеуге, бірі-бірін сыйлауға, көмектесуге және татулыққа тәрбиелеу.

Сабақтың түрі: дәстүрлі емес

Сабақтың көрнекілігі: деңгейлік тапсырмалар, таратпа материал, жазу құралдары

Жабдықтау: компьютер, интерактивті тақта

Ақпараттық білім ортасы: «Математика - 6 сынып» (Т.А.Алдамұратова, Т.С. Байшолпанов, Алматы «Атамұра» 2011) оқулығы, электронды оқулық, дидиктикалық материалдар

Көрнекілік: деңгейлік тапсырмалар, тест тапсырмалары, жазу құралдары,

Сабақтың жоспары:

1.Ұйымдастыру кезеңі

2. Үй жұмысын тексеру

3. Өткен сабақты пысықтау, сұрақ-жауап

4. Ауызша есеп шығару

5. Оқулықпен жұмыс

6. Сергіту сәті

7. Бір біріне математикалық сұрақтар қою.

8. Қорытынды

9. Бағалау

10.Үйге тапсырма

Сабақтың барысы:

1. Ұйымдастыру кезеңі. Сабаққа психологиялық дайындық.

Мұғалім. Сәлеметсіздерме балалар! Балалар бүгін біз екі топқа бөлініп саяхатқа барамыз. Жолда бізге әр турлі кедергілер кездесуі мүмкін, бірақ біз достарымызбен бірге кез келген кедергіден өте аламыз, себебі біз бір бірімізге көмектесеміз. Саяхатымыз сәтті болуына тілектеспін. Ал кеттік!

2. «Өзінді-өзін тексер» - аялдамасы, үй жұмысын тексеру

Оқушылар бірінің дәптерін тексереді, баға қояды

3. «Тек қана алға» аялдамасы, өткен сабақты пысықтау, сұрақ-жауап

І топтың сұрақтары:

1. Сызықтық функцияның графигі кандай сызық болады?

1. y=3x+5 функциясының графигінен l-дің мәні неге тең?

2. Тура пропорционалдық функциясы қандай формуламен беріледі?

ІІ топтың сұрақтары:

1. y=kx+l функциясының графигі қалай салынады?

2. Координаталары берілген нүктенің түзуге тиісті (тиісті емес) екенін қалай тексереміз?

3. y=l функциясы қалай аталады?

4. «Кім жылдам?» - аялдамасы, ауызша есеп шығару

у=kх +b формуласында b- ны көрсетіңдер

1. y=3x-5

2. y=4-2x

3. y=-4x-2

4. y=6+5x

5. y=2,5x-0,5

6. y=8+1,5x

5. «Білікті бірді жығар, білімді мыңды жығар» аялдамасы оқулықпен жұмыс №1342, №1343, №1373

6. Сергіту сәті: «Қара жорға» - биі

7.«Сен маған, мен саған» - аялдамасы, оқушылар бір біріне математикалық сұрақтар қояды

8.«Графиктер» - аялдамасы, сабақты қорытындылау

Графиктерді пайдаланып тапсырмаларды орындаңдар

Сызықтық функциямен формулалары арасындағы сәйкестікті анықтандар.

1 топқа арналған сұрақ: координаталық жазықтықта у=в графигі қалай орналасқан?(Ох осіне параллель)

2 топқа арналған сұрақ: координаталық жазықтықта у=кх графигі қалай орналасқан? ( координаталар басынан өтеді).

9. - Балалар! Біздің саяхатымыз аяқталды. Біз «Функция» атты ғажайып қаламызға жеттік.

Топ басшылары балалардың бағаларын айтады.

10. Үйге тапсырма. Сыныпта шығарған есептердің жұптары.