» Ұстаздар - ұлы тұлғалар»

Ұстаздар-ұлы тұлғалар

(Мерекелік концерттік бағдарлама)

Сахна сыртынан Ұстаз туралы өлең оқылады

Данышпан да, дана да оқып сенен,
Атақ-даңқын асырды бар әлемнен.
"Ұстаз" деген аяулы, асыл жанды,
Жақсы көрем, арнаймын жақсы өлең!

(Сахнаға жүргізушілер шығады)

Жүргізуші:

Армысыздар, бармысыздар, Қош келдіңіздер, Құрметті де аяулы ұстаздар!

Ұстаз деген - жарық күні ғаламның,
Ұстаз деген - анасы ол адамның.
Бүкіл әлем мойындайды еңбегін,
Сен де одан адам болып жаралдың.

Бүгін бізде үлкен мереке. Бүгін ұстаздар қауымының төл мерекесі. Олай болса бүгінгі күн ұстаздарға арналмақ. Сіздерді шын жүректен мерекелеріңізбен құттықтаймыз!

(Гимн орындалады)

жүргізуші: Директордың міндетін атқарушы Назарова А.-ға сөз беріледі.

(Мұғалімдерге марапаттау беріледі)

жүргізуші:

Денсаулықтарыңыз мықты болсын, шаңырақтарыңыз шаттыққа толсын дей отырып Әбдіғаниева Аяжанды «Ұстазым» әнін мектебіміздің шәкірттерінің білім алуына үлес қосқан ардагер ұстаздарымыз: Авдрахимова Н. Сейітова А. Қабылова Р. Қощанова Ж. Қонарбаева Б сынды ұстаздарымызға арнаймыз.

1 жүргізуші

Сен қалай ойлайсың, Кристина? Менің ойымша, кез-келген мұғалім ұстаз бола алмайды. Себебі ұстаздық-өнер, тағылымы терең өнер. Олай болса, шын ұстаз болу үшін табиғи дарын ізгілікті ізденіс пен ерен еңбекке ұштастырылуы шарт. «Шәкіртсіз ұстаз тұл» деген сөз тегін айтылмаса керек.

1 жүргізуші: Мектебіміздің барлық мұғалімдерінің құрметіне 4 сынып оқушыларының «Аққу» биімен қарсы алыңыздар.

жүргізуші: Мектебіміздегі жас ұстаздар құрметіне 10 сынып оқушыларының «Ұстазым менің, ұстазым» әнімен қарсы алыңыздар.

жүргізуші : Мектебіміздегі барлық ағайларымыздың құрметіне «Біз бақытты баламыз» әнімен 7 сынып оқушыларын қарсы алыңыздар.

жүргізуші: Бастауыш сынып мұғалімдері құрметіне «Әнші болғым келеді» әнімен Іздібай Сымбатты ду қол шапалақпен қарсы алыңыздар.

жүргізуші:

Мектебіміздегі дене шынықтыру пәні мұғалімдеріне «Джентельмен» биін арнаймыз

жүргізуші:

Жақсы жандар жанымызда әрқашан

Ұлағатты сөзін биік ұстаған

Психолог, хатшы мед бикеге арнаймыз

Айтылатын әнімізді әр қашан

Айтбаева Гүлдананың орындауындағы «Аяулы Ұстазым» әнін арнаймыз.

Жүргізуші:

Осымен сіздерге арнаған шағын концертіміз өз мәресіне жетті.Келесі кездескенше аман сау болыңыздар!