Математикалық интеллектуалдық сайыс жоспары

Тақырыбы: «Білгенге маржан» сайысы

Күні: 20.01.2016 ж.

Сыныбы: 5 - сыныптар

Уақыты: 12:00 - 12:45

Мақсаты: Оқушылардың математикаға қызығушылығын арттырып алған білімдерін тереңдету. Ой-өрісін кеңейту, логикалық ойлау қабілеттерін дамыту. Шығармашылық және өз бетімен жұмыс жасау қабілетін арттыру. Окушыларды жолдастыққа, алғырлыққа, белсенділікке баулу және жеке тұлға етіп қалыптастыру. Шапшаңдыққа, нақтылыққа, тиянақтылыққа тәрбиелеу.

Көрнекілігі: Үлестірмелі парақшалар, АҚТ, геометрялық пішіндер, интербелсенді тақта.

Өткізілу формасы: сайыс

Өтізілетін орны: Ж-39 каб.

Барысы:

I Кіріспе

ІІ Негізгі бөлім

Сайыс кезеңдері:

1-кезең: Сәйкестендіру

2-кезең:Байланыс

3-кезең: Логикалық тізбек

4-кезең: Танграма

Көрермендермен ойын:

ІІІ Қорытынды.

Әділқазылар алқасына сөз кезегі беріледі.

Сайыстың барысы:

І Кіріспе:

Қайырлы күн құрметті ұстаздар және оқушылар!

Білім, жылдам әрекет ету, есте сақтау, тастай логика,өзіңе деген нық сенім мен жеңіске деген құштарлық... Бұлар - «Білгенге маржан» сайысындағы жеңіске жетудің басты құралы. Олай болса қадірлі көрермендер, бүгінгі «ИФМ кемесі білім теңізінде» апталық аясында өткізіліп отырған ең қызықты, ең әсерлі «Білгенге маржан» сайысына қош келдіңіздер!

Ендеше қатысушыларымызбен таныс болайық!

5 «А» сыныбы - Утепова Ақерке, Мұздыбаев Аян

5 «Ә» сыныбы - Мұратбеков Еранат, Жеткергенова Ақерке

5 «Б» сыныбы - Мұратбеков Рамазан, Құрманбекова Жансая

5 «В» сыныбы - Арыстанбек Махаббат, Кахаров Әділет

5 «Г» сыныбы - Абатбекова Назерке, Бақытбекова Аягөз

Сайысымызды бастамас бұрын ең алдымен сайыскерлеріміздің біліміне баға беретін әділқазылар алқасымен таныстырып өтейік:

Амантаева Ғалия директордың оқу тәрбие ісі жөніндегі орынбасары.

Бекпанова Бағила директордың ғылыми әдістемелік жұмыстар жөніндегі орынбасары.

Нарегеева Венера математика пән мұғалімі.

Сәрсенбаева Ляззат математика пән мұғалімі.

Ал енді ойын кезеңдерімен таныстырып өтейік:

1. Сәйкестендіру

2. Байланыс

3. Логикалық тізбек

4. Танграмма

Әр кезеңнің өз ұпай сандары болады. Мақсаты көбірек ұпай жинау. Ең көп ұпай жинаған топ жеңімпаз болады.

І-кезең. Сәйкестендіру

Шарты: Бұл кезеңде ойыншыларға 8 сұрақ беріледі. Барлық топ жауап береді. Экраннан жауаптың 4 нұсқасы шығады. 5 секунд ішінде дұрыс нұсқаның санын жоғары көтересіздер. Дұрыс жауапқа 1 ұпай беріледі. Дайынсыздар ма? Ал ендеше сайысымызды бастаймыз!

1.(a+в)х2 бұл қай фигуранын формуласы - тіктөртбұрыш

2. 11³ = болады - 1331

3. 0 санын алғаш ойлап тапқан адам - әл - Хорозми

4. бөлшегі қай суретке сәйкес келеді - дөңгелектің алтыдан бір бөлігі

5. Сағат тілі арқылы дөңгелектің диаметрн анықтаңдар - 7:05

6. Суреттен неше шаршы көріп тұрмыз. - 10

7. Неше шырпыны қозғағанда есептің шешімі дұрыс болады - 1шырпы

ІІ-кезең. Байланыс

Шарты: Ойыншыларға жасырылған суреттер беріледі. 1-ойыншы 2-ойыншыға жасырын суретті мимика, жест арқылы түсіндіреді. Әр тапқан суретке 5 ұпайдан беріледі.

Ортаға 5 «А» сыныбын шақырамыз.

Ортаға 5 «Ә» сыныбын шақырамыз.

Ортаға 5 «Б» сыныбын шақырамыз.

Ортаға 5 «В» сыныбын шақырамыз.

Ортаға 5 «Г» сыныбын шақырамыз.

ІІІ-кезең. Логикалық тізбек

Шарты: Экранда бірнеше ұяшықтар беріледі. Қалаған ұяшықты таңдап, дұрыс жауап берулеріңіз керек. Ұяшықтардың арасында 1 ұяшықта қара мысық, тағы бір ұяшықта алтын жасырылған. Қара мысығы бар ұяшықты таңдаған ойыншы ешқандай ұпай жинамай, кезегін келесі ойыншыға береді. Алтын ұяшықты таңдаған ойыншыға ұпай тегін беріледі.

1 ұяшық: Олар қандай баға алды? Әсем, Ардақ, Анар үшеуі математикадан бақылау жұмысын қандай баға алғанын сұрағанда, мұғалім: Ешқайсысың жаман баға алған жоқсыңда, бірақ әрқайсыңның бағаң әр түрлі. Әсемнің бағасы "3" емес,ал Анардың бағасы "3"-те "5"-те емес - деді. Сонда әркім қандай баға алды. (Анар-4, Әсем-5 , Ардақ-3)

2 ұяшық: Жасы жүзге келген қария өзінің туған күнін қалдырмай атап отырған. Сонда ол 25 рет ғана атап өткен. Ол қай күні туған? (ақпанның 29)

3 ұяшық: ( 0)

4 ұяшық: қара мысық

5 ұяшық: 7 цифрымен аяқталған сан 300 ден артық 310 нан кем. Ол қандай сан? ( 307)

6 ұяшық: Көшеде екі әкесі, екі баласы және атасы немересімен қыдырып жүр. Көшеде неше адам жүр? ( үш)

7 ұяшық: Екі санның қосындысы 8 ге, айырмасы 2. Көбейтіндісі 15 тең. Олар қандай сандар? (5 пен 3)

8 ұяшық: Алтын

9 ұяшық: Қай уақытта екі санның қосындысы бірінші қосылғышқа тең болады. (0)

10 ұяшық: 1 ден 100 ге дейін 7 саны неше рет кездеседі. (29)

IV-кезең. Танграмма

Шарты: Ойыншылар алдарына берілген геометриялық фигуралар арқылы экранда бейнеленген бейнені құрастыру керек. Уақыт шектеулі. Бұл кезеңде әділқазылар алқасы ойыншылардың ой жүйріктігіне, жылдамдығына қарай бағалайды. Сіздерге 5 минут уақыт беріледі.

Сайысымыз өз мәресіне жетті. Әділқазылар шешімін шығарғанша көрермендермен ойын жүргізсек. Дұрыс жауап бергендерге шағын сыйлығымыз бар.

1. Суда қандай тас болмайды? (Құрағақ тас болмайды)

2. Жаңбыр екі күн қатар жауа алама? (Жоқ арасында түн бар.)

3. Жасыл адам көргенде нестейміз? (Жүреміз, бағдаршам)

4. Ең әдемі әшекей? (Күлімсіреу)

5. Бір жылда ай отызға неше рет толады? (он бір рет)

6. Бөлмеде бар болғаны екі адам отыр. Оның біреуі екіншісінің әкесі де, екіншісі біріншісінің баласы емес. Сонда кім? ( Көлеңке)

7. Бір тонна көмір ауыр ма, он центнер макта ауыр ма? (тең)

8. Айқасқан екі тақ тұрады жоқты сұрап? (х)

9. Қандай сан барлық сандарға қалдықсыз бөлінеді? ( 0)

Әділқазылар шешіміне кезек береміз. Жеңімпаздарды құттықтаймыз! Бүгінгі сайысымызға келіп қатысқандарыңызға көп-көп рахмет! Келесі кездескенше сау саламатта болыңыздар!