- Преподавателю
- Математика
- Сабақтың тақырыбы: «Математика – ғылымдар патшасы»
Сабақтың тақырыбы: «Математика – ғылымдар патшасы»
Раздел | Математика |
Класс | - |
Тип | Конспекты |
Автор | Мулькибаева Ж.Т. |
Дата | 21.12.2015 |
Формат | docx |
Изображения | Есть |
Сабақтың тақырыбы:Қайталау
Сабақ эпиграфы:«Математика - ғылымдар патшасы»
Сабақтың мақсаты:
-
Білімділік: Оқушылардың өткен материал бойынша алған білімдерін бақылау, мағынасы жағынан ажырата білуге үйрету.
-
Тәрбиелік:Халықтық педагогика үлгісінде тәрбиелеу, салт-дәстүрімізді құрметтеу.
-
Дамытушылық: Оқушылардың ой-өрісін, танымдық әрекетті дамыту, шығармашылыққа баулу.Еңбектенуге, еңбекті бағалауға тәрбиелеу. Экологиялық тәрбие беру. Шығармашылық қиялын, жүйелі ойлау қабілетін дамыту.
Сабақтың міндеті:
Меңгерген математикалық білімдерін нақтылы жағдайларға, практикалық есептерді шешуде қолдана білумен байланысты білік қалыптастыру.
Сабақ түрі: ойын сабақ
Сабақ көрнекілігі: тірек-сызба, интерактивті тақта, слайд, семантикалық карта, қима қағаздар, плакат, маркер, краска.
Пәнаралық байланыс: музыка, бейнелеу өнері.
Сабақ әдісі: сын тұрғысынан ойлауға дамыту, талдау, шығармашылық.
Техникалық құралдар: компьютер.
Сабақтың барысы:
I Ұйымдастыру
Сыныптағы оқушыларды таңдаған фигуралары бойынша «Шаршы», «Төртбұрыш», «Үшбұрыш» деп 3 топқа бөлу.
Топта шаттық шеңберін құру, жақсы тілек тілеу.
II Сабақтың тақырыбы мен мақсатын хабарлау.
Математиканы күнделікті өмірде дұрыс қолдана білу.
Сабақтың мақсаты мен жоспары:
-
Таныстыру
-
Мықты болсаң тауып көр.
-
Тапсырмалар тізбегі.
-
Фигуралардан үй құрастыру.
-
Мен саған, сен маған.
-
Шығармашылық тапсырма.
III Өткен материалды қайталау
Дара мультфильмін қою.
-
Балалар, бұл қай мультфильмнен үзінді?
-
Дара.
-
Иә, әрине, Дара мультфильмі. Бұл қай арнадан болады?
-
Балапан арнасынан.
-
Балалар, білесіңдер ме, бүгін Дараның туған күні екен. Ол бәрімізді туған күніне шақырды. Ендеше, бүгінгі сабағымызда бәріміз бірге Дараның туған күніне барамыз.
-
Сендерге Дараның беріп жіберген шақыру билетін табыстайын.Ол үшін мына сандардыңквадратын айтуларың керек.
-
Сегіздің квадраты (64)
-
Бірдің квадраты (1)
-
Онның квадраты (100)
1-кезең. Таныстыру.
Әр топ өз фигурасын таныстырады.
Мысалы: Шаршы дегеніміз - барлық қабырғалары тең (бірдей) тіктөртбұрыш. Оның периметрін табу үшін: P=a+a+a+a немесе Р=а ˑ 4 . Осы сияқты ретпен әр топ өз фигурасы туралы айтып кетеді.
2-кезең. Мықты болсаң тауып көр!
-
Балалар, біз Дараның туған күніне қалай барамыз? Баратын мекен-жайды білеміз бе?
-
Жоқ.
-
Бұндай кезде Дараға көмекке кім келуші еді?
-
Қолдорба.
-
Біз де Дараның қолдорбасын көмекке шақырайық.
-
Қолдорба! Қолдорба!
(слайдтан қолдорба суреті шығады)
-
Баратын мекен-жайымызға қалай жетеміз?
-
КӨЛ→ ОРМАН → ДАРАНЫҢ ҮЙІ
-
Ендеше, бірінші кедергі - көлден өтуіміз керек! Ол үшін мынадай тапсырманы топта орындауымыз керек.
1-топ:
1) Балмұздақтың 1 үлесін дайындау үшін 9 г жаңғақ жұмсалады. 54 г жаңғақ жұмсалған болса, балмұздақтың неше үлесі дайындалды?
2) Өрік қайнатпасы үшін 9 кг қант, ал құлпынай қайнатпасы үшін 12 кг қант қажет болады. Қант дорбаларының әрқайсысының салмағы 3 кг болса, барлығы неше дорба қант жұмсалады?
2-топ:
1)Шеберханада 7 бірдей диван тысын дайындау үшін 42 м² мата жұмсалды. 1 өнімге неше квадрат метр мата жұмсалады?
2) Анам 18 л бүлдірген қайнатпасын әзірледі. Ал шие қайнатпасын одан 3 есе кем дайындады. Анам барлығы неше литр қайнатпа дайындады?
3-топ:
1) 4 бірдей орамда 36 м сым бар. Осындай 9 орамда неше метр сым бар?
2) Теледидардан бір аптада 15 балалар фильмі және одан 3 есе кем мультфильмдер көрсетілді. Апта ішінде барлығы неше балалар фильмі мен мультфильмдер көрсетілді?
3-кезең. Тапсырмалар тізбегі.
-
Жақсы балалар, біз бірінші кедергіден өттік.
-
Енді неден өтуіміз керек?
-
Орманнан.
-
Ендеше орманнан өту үшін мынадай тапсырма орындаймыз.
1-топ 2-топ 3-топ
(4² + 8²) ː 10 7² + 9² + 3² 9² - 3² + 7²
(10² + 9²) + 220 1 ˑ (10² + 7²) 2² + (1000 - 9²)
6² + (8² + 136) 5² + 10² + 2 10 ˑ (3² - 1²)
Сергіту сәті
4-кезең. Фигуралардан үй құрастыру.
- Өте жақсы, балалар! Біз орманнан да өттік.
- Енді қайда барамыз?
- Дараның үйіне.
- Алдымен Дараның үйін құрастыруымыз керек.
- Мына периметрлер бойынша фигуралар жасап, құрастырасыңдар.
1-топ: а = 4дмР = ?дм
2-топ: а = 4дм, в = 3дм, c = 3дм. Р = ?дм
3-топ: а = 2дм, в = 3дм. Р = ?дм
-
Сонымен, Дараның үйін де таптық. Жарайсыңдар, балалар!
5-кезең. Мен саған, сен маған.
- Балалар, қараңдаршы, қолымызда шақыру қағазы бар, туған күн өтетін орынның мекен-жайын білеміз, енді не жетіспейді? Туған күнге не алып барамыз?
-
Сыйлық.
-
Иа, сыйлық әрине. Сыныпқа мұқият қараңдаршы, сыйлық көріп тұрсыңдар ма? Ендеше сол сыйлықтарды сатып аламыз.
-
Өте жақсы, балалар. Біз енді Дараны құттықтауға дайынбыз.
6-кезең. Шығармашылық тапсырма.
-
Туған күнде сендердің асыға күтетін тәтті тағам, ол не?
-
Торт
-
Бәрекелді, торт әрине. Бүгінгі сабағымыз ерекшелігі сонда біз ол тортты қолмен жасаймыз. Қалай дейсіңдер ғой, мына ватман парағына сурет саламыз.
-
Бізде акварель бояуы бар, не жоқ?
-
Қылқалам.
-
Дұрыс айтасыңдар, балалар, ендеше біз бүгін тортты қолмен саламыз.
-
Әр топ мүшелері қатысуы керек. Суретті тақтаға ілу.
IV Бағалау
Өзін-өзі бағалау парағымен бағалау.
V Үйге тапсырма
№9, 132-бет.
№15 гимназия
Математика пәнінен ашық сабақ
«Қайталау сабағы»
Сынып жетекші: Ескермесова А. С.
Алматы, 2015 жыл