Ондықтармен және бірліктермен санау

2 сынып

Уақыты:

Математика

Мұғалім:

Сабақтың тақырыбы: Ондықтармен және бірліктермен санау.

Сабақтың мақсаты:

Білімділік Сандарды оқу, жазу, салыстырумен байланысты білімді тиянақтай

түсу; көрнекілікке сүйене отырып, ондықтармен және бірліктермен

санаудың үлгісін көрсету, бір амалмен шығарылатын есептерді (айырмалық салыстыру) шығаруды пысықтау.

Дамытушылық: Кестелік қосу мен азайтуды және сәйкес ондықтарды қосу мен азайту дағдыларын , білімін, шапшаң ойлау әрекеттерін дамыту.

Тәрбиелік: Балаларды білімділікке, адамгершілікке, жолдастық қарым-қатынасқа

тәрбиелеу.

Сабақтың типі: Жаңа білім беру сабағы.

Сабақтың түрі: Дамытушылық

Әдіс-тәсілдері: Түсіндіру, сұрақ-жауап, көрнекілік көрсету арқылы түсіндіру.

Көрнекілік: Цифрлар, дидактикалық үлестірмелі материалдар, санау таяқшалары, санау таяқшаларының бумасы.

Жоспар:

І. Ұйымдастыру кезеңі

ІІ. Үй тапсырмасымен тексеру

ІІІ. Жаңа сабақ.

ІҮ. Жаңа сабақты бекіту.

Ү. Қорытындылау, бағалау.

ҮІ. Үйге тапсырма.

Сабақтың барысы:

1.Ұйымдастыру кезеңі: а) Сәлемдесу , оқушыларды түгендеу.

ә) Сабаққа әзірлігін тексеру, оқу құралдарын дайындау.

2.Үй тапсырмасын тексеру: Математика пәнімен, авторларымен, құрылымымен таныстыру

3.Оқушы білімін жан-жақты тексеру.

А) Санау арқылы келесі санды шығарып алу жолдарын пысықтау. (санау таяқшасы арқылы)

1, 2, 3, 4, 5, 6, 7, 8, 9, 10, ...

Б) Санау таяқшаларының бумасын алып, санау арқылы бір таңбалы сандарды және толық ондықтарды шығарып алуды пысықтау.

10, 20, 30, 40, 50, 60, 70, 80, 90, 100

4. Жаңа сабақ. Оқулықпен жұмыс.

1-тапсырма.

Неше жолақша бар? Әр жолақша неше шаршыдан құралған?

Бір жолақша бір ондықты білдіреді.

Әр шаршы бір бірлікті білдіреді.

2-тапсырма. Бір таңбалы сандарды, толық ондықтарды оқу, жазу және салыстыруды орындау.

Бір таңбалы сандар: 0, 2, 5, 7, 9. -Тағы неше бір таңбалы сан бар?

2 мен 5-тің, 5 пен 7-нің, 7 мен 9-дың арасында

Қандай бір таңбалы сандар қалды?

Екі таңбалы сандар: 80, 60, 40, 30 10. -Тағы неше ондық бар?

Қандай ондықтар қалды?

3-тапсырманы орындауға дайындық. Бір амалмен шығарылатын есептердің бес түрін қарастыру. «артық- кем», « үлкен-кіші» ұғымдарын пысықтау.

Нұржан - 10 жаста неше жас үлкен? Нұржан - 10 жаста

Айдар - 7 жаста Айдар - 7 жаста неше жас кіші?

10 - 7 = 3 (ж) 10 - 7 = 3 (ж)

Жауабы: Нұржан 3 жас үлкен. Жауабы: Айдар 3 жас кіші.

Есептердің шартын, сұрағын, шешуін салыстыру.

4-тапсырма және шығармашылық тапсырма (жасыл қоршау) орындалады.

5. Сабақты қорыту:

6. Үйге тапсырма: 5-тапсырма. Мұнда кестелік қосу және азайту, 0 және1 сандарымен байланысты қосу және азайту пысықталады.

7. Оқушы білімі мен белсенділігін бағалау.