Математика - ғылымдар патшасы

Сыныптан тыс шара 5 сыныптар арасында.

Тақырыбы: Математика - ғылымдардың патшасы.

Мақсаты: Оқушылардың сөздік қорын молайтуға баулу. Дұрыс ойын жеткізе білуге, өз ойын еркін айта алуға, өз позициясын ұстануға дағдыландыру. Оқушыларды алғырлыққа, жылдамойлылыққа ұйымшылдыққа тәрбиелеу. Логикалық ойлауын дамыту.

Көрнекілігі: интерактивті тақта, дұрыс немесе бұрыс жауаптарға, дайын болғанда көтеретін фишкалар, сыйлықтар мен номинациялар бойынша грамоталар.

Барысы:

Армысыздар құрметті ұстаздар мен оқушылар! Бүгінгі «Математика - ғылымдардың патшасы» сайысына қош келдіңіздер!

1 жүргізуші:

Сіздердерді кешімізге шақырамыз,
Есеппен басыңызды қатырамыз
Математиканы ұғындырып,
Аз да болса білімізді толықтырамыз.

2 жүргізуші:

Кешіміз міне басталды
Ұмыт болғанды еске алды
Қиында болса қызық сабақ
Жұмыс істетейік бастарды.

Математика сырлары,
Қызықтырды біздерді.
Ойынға бірге қатысуға,
Шақырамыз сіздерді, - дей отырып сайыскерлеріміздің білімі мен баға беретін әділ қазыларалқасын ортаға шақырамыз.

1 жүргізуші:

Сөз математикалық білім сайысына келген оқушыларға беріледі.
Әр команданы ортаға шақыра, кешіміздің өтілу тәртібімен таныстырайық.
2 жүргізуші:

I тур Топтың өзін таныстыруы, амандасу рәсімі II тур
Тапқырлық сайысы (логикалық есептер) III тур
Біліктілік сайысы (есептер шығару) IV тур Математикалық сұрақтар V тур Ойымды жалғастыр (мақал-мәтелдер) VI тур Сөзжұмбақ сайысы (карточка арқылы топқа беріледі) VII тур Қорытынды. Марапаттау

1 тур: Білгірлер тобы Алғырлар тобы Тапқырлар тобы Таныстырулары айтылады.

II тур
Тапқырлық сайысы (логикалық есептер)

1 топ

Екі бала шахматты екі сағат ойнады. Олардың әрқайсысы неше сағат ойлады? Жауабы: екі сағат

Жүгіру жарысынан Асет, Марат, Талғат үш орынды алды, егер: Марат екінші орын алмаса, ал Талғат -үшінші орын алса, кім қандай орын алды? Жауабы: 1-Марат, 2-Асет, 3-Талғат

Әсем, Ардақ, Анар үшеуі математикадан бақылау жұмысынан қандай баға алғанын сұрағанда, мұғалім: "Ешқайсысың жаман баға алған жоқсыңдар, бірақ әрқайсыңның бағаң әр түрлі. Әсемнің бағасы «3» емес, ал Анардың бағасы «3»-те «5»-те емес", - деді. Сонда әркім қандай баға алған?
(Әсем - «5», Анар - «4», Ардақ - «3» алған).

Бөлмедегі әр бұрышта бір мысықтан және оған қарама-қарсы үш мысықтан отырса, бөлмеде неше мысық бар? Жауабы: 4 мысық

2 топ

Термометр аяз болғасын - үш градус көрсетіп тұр. Осындай екі термометр неше градус көрсетеді? (үш градус)

Үстел үстінде үш стакан шие тұр. Марат бір стакан шиені жеп қойды. Неше стакан қалды? (үш стакан)

Менің атым Медет Менің тәтемнің бір ғана інісі бар. Менің тәтемнің інісінің аты кім? (медет)

Айжан мен Маржан - Асқар мен Мұраттың қыздары. Айжан Асқардың қызынан 2 жас кіші болса, бұлардың әрқайсысының әкелерінің аты кім? Жауабы: Айжан - Мұраттың, Маржан - Асқардың қызы

3 топ

1 жұмыртқа 3 мин қайнайды, ал 4 жұмыртқа неше мин қайнайды? (3 мин)

Үш ағайынды. Арман, Аян, Аслан ағайынды үшеуі әр сыныпта оқиды. Аслан Арманнан, ал Аян Асланнан кіші емес. Бұл үйдің үлкені, ортаншысы, кішісі кім? Жауабы: Ең үлкені Аян, ең кішісі Арман, ортаншысы Аслан

Көшеде екі әкесі, екі баласы, және атасы немересімен қыдырып жүр. Көшеде неше адам жүр? Жауабы: үшеу

Айдынның Асқардан бойы ұзын, бірақ Жанаттан кіші. Кім ұзын? Жауабы: Жанат - ұзын

III тур
Біліктілік сайысы (есептер шығару)

1 топ

1. Амалды орында:

27 + 42=69

2. 1 жылда қанша ай бар? 12

3. Минутпен өрнекте: 2сағ 20 мин = 140

4. Салыстыр: 8 жүздік * 6жүзд (8 жуз)

5. Сатылғаны-10 л

Қалғаны - 30 л

Болғаны - ? 40

2 топ

1. Амалды орында: 28 + 32=60

2. 1 аптада қанша күн бар? 7

3. Сағатпен өрнекте: 1 тәулік 4 сағат = 28

4. Салыстыр: 9 жүзд * 5 жүзд (9 жуз )

5. Кесе - 70 теңге

Қасық - 30 теңге

Барлығы - ? 100тг

3 топ

1. Амалды орында: 45 + 15=60

2. 1 жылда қанша күн бар? 365

3. Салыстыр: 3 жүзд * 6 жүзд (6 жуз)

4. Сағатпен өрнекте: 2 тәулік 2 сағат= 50

5. Болғаны - 100 кг

Қалғаны - 30 кг

Сатылғаны - ? 70 кг

IV тур Математикалық сұрақтар

1 топ

1. Бөлімдері бірдей бөлшектерді қосу қалай орындалады?

Алымы бөлшектердің алымдарының қосындысына, ал бөлімі өзгеріссіз қалдырған бөлшекке тең болады.

2. Бөлімдері бірдей бөлшектерді азайту қалай орындалады?

Бірінші бөлшектің алымына екінші бөлшектің алымын азайтып, айырымның мәнін алымына жазып, бөлімін өзгеріссіз бөліміне жазу керек.

3. Аралас сандарды қосуды қалай орындаймыз?

Аралас сандарды бүтін және бөлшек бөліктерінің қосындысы ретінде жазу керек;

Бүтін бөлшектерін және бөлшек бөліктерін бөлек қосу керек

Шыққан қосындыны аралас сан түрінде жазу керек.

2-топ

1. Жай бөлшектерді қалай көбейтеміз? Алымын алымына көбейтіп, көбейтіндінің мәнін жай бөлшектің алымына, бөлімін бөліміне көбейтіп, көбейтіндінің мәнін жай бөлшектің бөліміне жазамыз.

2. Жай бөлшекті натурал санға қалай көбейтеміз? Натура санды алымына көбейтіп, мәнін жай бөлшектің алымына жазамыз, ал бөлімін өзгеріссіз қалдырамыз.

3. Аралас сандарды қалай көбейтеміз? Оларды бұрыс жай бөлшекке айналдырамыз, содан кейін жай бөлшектерді көбейту ережесін қолданамыз.

3 топ

Қандай сандар өзара кері сандар деп аталады? Көбейтіндісінің мәні бірге тең екі сан

Екі жай бөлшекті бөлу қалай орындалады? Бөлінгішті бөлгішке кері бөлшекке көбейту керек.

3. Аралас сандарды бөлу қалай орындалады? Оларды бұрыс бөлшектерге айналдырып, жай бөлшектерді бөлу ережесін қолдану керек.

V тур

Ойымды жалғастыр (мақал-мәтелдер)

Жеті жұрттың тілін біл, (жеті түрлі білім іл)

Білгенің бір тоғыз, (білмегенің тоқсан тоғыз)

Бір кісі қазған құдықтан, (мың кісі су ішеді)

Жүз сомың болғанша, (жүз досың болсын)

Білекті бірді жығар, (білімді мыңды жығар)

Бір күн ұрыстың қырық күндік қырсығы бар.

Бір ит көріп үреді,

Екі ит еріп үреді.

VI тур Сөзжұмбақ сайысы (карточка арқылы топқа беріледі)

Қорытындылау. Әділқазылар алқасы ойын жеңімпазын анықтап, белсене қатысқан оқушыларды марапаттайды.