Конспекты по математике на тему Ондық бөлшектерді қосу және азайту

Сабақтың тақырыбы: Ондық бөлшектерді қосу және азайту.

Сабақтың мақсаты: Ондық бөлшектерді қосу және азайту есептер шығара отырып алған білімдерін жүйелеп бекіту.

Сілтеме: 5-сынып оқулығы, әдістемелік нұсқаулық.

Қолданылатын әдіс-тәсілдер мен модульдер:Топтық, жұптық,жеке жұмыс, СТО стратегиялары, АКТ, дарынды және талантты балаларды оқыту, оқыту үшін бағалау және оқуды бағалау.

Оқушылар үшін оқу нәтижелері:

• Ондық бөлшектерді қосу және азайту амалдарыжайлы білетіндерін естеріне түсіреді;

• Ондық бөлшектердің ережелерінің мәнін түсінеді;

• Бірнеше мысалдар келтіре отырып, өз ойларын дәлдейді,тақырыпқа қатысты есептер шығарады;

• Ондық бөлшектерді қосу мен азайтудың ерекшеліктерін талдайды;

• Тақырып бойынша сұрақтар қоя отырып, негізгі мәліметтерді жинақтайды;

• Алған мәліметтерді жүйелей отырып, тақырыптың құндылығын бағалайды.

Көрнекілігі:Слайд,оқулық, сурет, кесте.

Сабақтың барысы:

І Ұйымдастыру кезеңі-1 минут. Тренинг «Рахмет айту» топ мүшелері шеңберде бір-біріне қарап тұрып Сыни тұрғыдан ойлана отырып, өз ойларын айтады.

ІІ Топқа бөлу- 3 минут. Қиындыларды тарату (қиындылар бойынша ондық үлестер, жүздік үлестер).

Оқушылар қиындылар бойынша топқа бірігеді, қиындыларды жинайды, қиындыда жазылған сөздердің мағынасын түсіндіреді. Тақырыпты анықтайды, сабаққа мақсат қояды.

ІІІ Білу кезеңі - 1 минут. Жеке жұмыс.

Мұғалімнің іс-әрекеті: «Ыстық орындық» стратегиясы. Топ арасынан өзіне сенімді оқушы ортаға шығып орындықта отырып қалған топтардың қойған сұрақтарына жауап береді.

Оқушының іс-әрекеті: Оқушылар топпен ақылдаса отырып ашық , жабық сұрақтар қойып үйренеді, қызығушылықтары артады.

Бағалау түрі:Қол шапалақтау арқылы бағалау

ІҮ Түсіну кезеңі-10 минут. Топтық жұмыс.Оқушыларға оқулықпен жұмыс жасату.

№ 1292, 1295 есеп.

Оқушылар есептің берілгенін оқиды, топта талқылайды,бір-біріне түсіндіреді, есепті тақтаға шығарады.

Бағалау түрі: Бағдаршам арқылы бағалау

Ү Қолдану кезеңі-5минут. «Кім жылдам?» Ондық бөлшектерді қосу мен азайтуға арналған есептер шығарту.

Оқушылар интерактивті тақтада көрсетілген есептерді жылдамдыққа орындайды.

Бағалау түрі:Бас бармақ арқылы бағалау.

ҮІСергіту сәті- 3минут. «Видео көрсетілім» жаттығу.

ҮІІ Талдау-10минут. Оқушыларға жасырынған сөздерді табу үшін бірнеше есептер беру (шаңғы,шана сөздері жасырынған).

Оқушылар өздеріне берілген есептерді дұрыс шығара отырып, жасырынған сөзді табады.

Бағалау түрі:Топтық бағалау.

ҮІІІЖинақтау - 3 минут. АВ әдісі тест жұмыс.

Оқушылар алған білімдерін жинақтау мақсатында тест жұмысын орындайды.

ІХБағалау -2 минут. Оқушылардың ой-пікірін тыңдау. Аталған тақырып бойынша тақырыптың құндылығымен бөлісу.

Х Үйге тапсырма беру: тақырып бойынша берілген ережелерді жаттау,№ 1300 есепті шығару 98-бет.

ХІОқушылардан кері байланыс алу-2минут. Стикер бойынша кері байланыс алу:

Не білемін Не білдім Нені білгім келеді

Рефлексиямұғалімнен.