Математика сабағынан Цилиндр тақырыбы (11 класс)

Сабақ жоспары

Сабақтың мақсаты:

1.Оқушының цилиндр және олардың бүйір беттері мен толық бетінің ауданын табудағы білімдерін жүйелеу және кеңейту;

2.Оқушылардың есеп шығару дағдыларын арттыру, ой -өрісін дамыту, жаңашылдық, ғылым мен техниканың жетістіктерін пайдалана білуге үйрету;

3.Оқушыларды еңбекке баулу, сыйластыққа және ұйымшылдыққа, алдарына қойған мақсатқа жетуге тәрбиелеу;

Сабақтың типі: өткен сабақты пысықтау

Сабақтың түрі: диспут сабағы

Сабақтың әдіс-тәсілі: есептер шығару

Пән -аралық байланыс: сызу

Сабақтың көрнекілігі: интерактивті тақта, плакат, үлестірмелі қима қағаздары

Болжамданған нәтиже: цилиндрдің бүйір беті мен толық бетінің ауданын табуды толық меңгеру

Сабақтың жоспары:

I. Ұйымдастыру кезеңі (1 мин)

II. Үй тапсырмасын тексеру

а) Қайталау сұрақтары (5 мин)

б) «Цилиндр» сөзжұмбағын шешу (3 мин)

в) «Дұрысын тап» (2 мин)

III. Есептер шығару (12 мин)

а) «Теңге ілу» ойыны

ә) Электронды оқулықпен жұмыс (17мин)

IV. Сабақты бекіту (3 мин)

V. Оқушыны бағалау (1 мин)

VI. Үйге тапсырма (1мин)

Сабақтың барысы:

1. Ұйымдастыру кезеңі.

2. Қайталау сұрақтары

а) Қайталау сұрақтарын қою.

1. Цилиндр деген қандай фигура?

2. Цилиндрдің бүйір бетінің ауданын қандай формуламен

табамыз?

3. Шеңбер ауданы неге тең?

4. Цилиндрдің толық бетінің ауданын қалай табамыз.

5. Цилиндрдің жазбасы қандай фигуралардан тұрады?

6. Дұрыс көпжақ дегеніміз не?

7. Цилиндрді жазықтықпен қиса, қандай фигуралар шығады?

8. Цилиндрге іштей және сырттай сызылған призма деген не?

9. Шеңбердің ұзындығы неге тең?

ә)интерактивті тақтаны пайдалана отырып, берілген айналу денесінің сызбасын салу

б) «Цилиндр» сөзжұмбағын шешу

«Цилиндр» сөзжұмбағын шешу

1. Шеңбер сызатын құрал. (циркуль)

2. Тікбұрышты үшбұрыштың сүйір бұрышына қарсы жатқан катеттің гипотенузаға қатынасы сол бұрыштың___ деп аталады

(синус)

3. Бір жазықтықта жатқан қиылыспайтын түзулер қандай

түзулер деп аталады. (параллель)

4. Тікбұрышты үшбұрыштың тік бұрышына қарсы жатқан қабырғасы. (гипотенуза)

5. Тікбұрышты үшбұрыштың сүйір бұрышына қарсы жатқан катеттің іргелес жатқан катетке қатынасы сол бұрыштың___ деп аталады (Тангенс)

6. Шеңбердің центрін шеңбер нүктесімен қосатын кесінді. (радиус)

7. Параллель жазықтықтарда жатқан тең екі көпбұрыштан және сол көпбұрыштың сәйкес нүктелерін қосатын параллель кесінділерден тұратын көпжақ. (призма)

в) «Дұрысын тап» (Берілген формулалардың дұрыс тауып, орнына қою)

( Тік призма бүйір беті)

(дұрыс пирамида бүйір беті)

Дұрыс қиық пирамида бүйір беті)

(Дұрыс қиық пирамиданың бүйір бетінің ауданы)

(призма)

ІІІ. Есептер шығару «Теңге ілу» ойыны

3. Цилиндрдің осьтік қимасының ауданы 10м², ал табан ауданы 5 м². Цилиндр биіктігін табыңдар.

б) Электронды оқулықпен жұмыс

(үлестірмелі қима қағаздары)

1. Цилиндрдің осьтік қимасы -ауданы 12см² болатын квадрат.Табан ауданын

табыңдар.

2. Цилиндрдің оның жасаушысына перпендикуляр жазықтықпен қиғанда пайда болған қиманың ауданы 4, ал осьтік қимасының ауданы 6-ға тең. Цилиндрдің толық жән бүйір бетінің ауданын табыңдар.

3. Диагоналі 12см² квадрат -цилиндрдің бүйір бетінің жазбасы болып табылады.Цилиндрдің толық бетінің ауданын табыңдар.

3. Сабақты бекіту

Оқушыларды бағалау, қосымша сұрақтар беру арқылы сабақты қорытындылау.

VI. Үйге тапсырма: Конус және оның элементтері тақырыбын оқу.